صرخ في داخلي هم قديم باقياً مامات= من اللي حركة والله غريبة بأخر أزماني
رجعت لواقعي شفته عميق ٍ ممتلي بآهات=شكيت ولاسمعني غير نبض القلب وشقاني
أشوف اللي على بالي مروره بأسرع الأوقات= وأشوف الحزن يشقيني ويأمرني وينهاني
علام الوقت باقي في مروره يكثر الصدمات=وأنا أحاول عن الصدمات أروح لعالم ٍثاني
تقبلت المجامل لين صارت دنيتي ساحات= قتل فيها الفرح وصبحت عند القاتل الجاني
دخيلك يازماني لا تعذبني على مافات= أبفتح صفحة أيامي وسامحني على شاني
توقف بجمع أحلامي وبمشي بالزمن خطوات= أبشعل للفرح شمعة وبطفي باقي أحزاني
أبنسف عالمي كله وببني عالم بسكات=وبأخذ شئ يغنيني عن اللي جاي والفاني
أبقبل من رضت عنها رضاها ينشري بذات= فداها الروح ويا المال وأجمل حرف بلساني