......................
قاعد ورى مكتبه ومنهمك في الأوراق الي قدامه يقرأ ويوقع .. دق جواله برقم غريب : اززعاجات على الظهر ..
سكت الجوال ورجع دق تاني رد بهدوء : الوو نعم
لمياء : نعاامه تاكلك
فيصل باستغراب : هلا ياام لسان ونص رقم مين ذا ؟
لمياء : مو شغلك ..فصوول تقدر تاخذني الحين ؟
فيصل : ليه مو قلتي وحده ؟
لمياء : ايه بس خلصت بدري وش اسوي يعني
فيصل : طيب طيب اعصابك .. كلمي عمر خليه يمرك
لمياء : لاء ووع مابيه تعال انت
فيصل : ماني فاضي الحين
لمياء : خلاص برجع مع حلا اجل ..
فيصل نزل رجله الي كان رافعها على رجله الثانيه : حلااا ؟؟
لمياء : ايه وش فيك مستغرب ..
فيصل : هااه لاء عادي بس ماقلتيلي انها معاك بنفس الجامعه ؟
لمياء : ماكنت ادري اليوم صدفه شفتها
فيصل : طيب بترجعين عالبيت ولا تروحين معها ؟
لمياء : لاء برجع البيت هي جايه معي ..
فيصل ابتسم بخبث : خلاص الحين جايك ..
لمياء : ياسلام مو توك تقول مشغول ..
فيصل : ايه افتكرت مشوار بوصلكم للبيت وبروحه
لمياء : اهاا طيب باي
فيصل : دقيقه .. تكلميني من جوال مين انتي ؟
لمياء : حلا ليه ؟
فيصل : لا بس وين جوالك ؟
لمياء : وشو تحقيق هو يلا باي
طراااق ..
فيصل ابتسم : الله يرجك ياشيخه ..
رفع حاجبه طقطق في الجوال شويه وطلع من المكتب ..
.......................
جود في غرفتها فتحت جوالها لازم تتفاهم معاه النذذذل..
وقبل لا تسوي أي شي .. لقت 5 مسد كول منه .. دق قلبها بعنف ..
كانت راح تدق عليه بس كان اسرع منها .. اول ماشافت الرقم الي طلع عالشاشه حست انها حتنهار ردت عليه بسرعه وهي تبكي : وش تبييي مني ..؟
رابح ابتسم بهدووء : لا حياتي اهدي مايصير كذا .... انتي بعد ماشفتي شي
جود حاولت تقوي نفسها : من وين لك ؟
رابح : هههه ياقلبي اعرف عنك كل شي وعندي لك فيديوز واشياء ماتتوقعينها هههههههههه
جود بخوف : كذاااب ..
رابح : افاا انا كذاب امم طيب تحبين تشوفينها بعيونك ..
جود : حقير حقييير ليه سويت كذا وش تبي فيني ..
رابح : ابيكي انتي ..
جود بخوف وقلق وصوت متقطع : وش راح تسـ..ـوي بالصـ...ــور ..
رابح ضحك في نفسه : اممم يمكن احطها ببرواز في غرفتي اتفرج عليها كل ماشتقتلك هههههه
جود جلست عالسرير رجولها ماعاد تشيلها : ................
رابح بجديه : اسسمعي اشوفك اليوم يعني اشوفك ..
جود بخوف : مسستحييييييل
رابح : هههههه براحتك قلبي ماراح اظغط عليك بس راح تذكريني بالخير يوم تشوفين صورتك خلفية مواقع في النت امم ولا حتى بلوتوثات او............
قاطعته جود : لا لا تكفىىى رابح (( تبكي بقهر )) لا تضيعني تكفىىى
رابح : زين دام مره خايفه على صورك تنفذين الي اقولك عليه ..
جود باستسلام : ويـ..ـن اشوفك ؟
رابح : اممم انا امرك وش رايك ..
جود :لا لا لااا قولي وين بسررعه ..
رابح : هههه اوكي حبيبتي لا تصيحين انا بفكر واكلمك بعدين .. باااااي عمري ..
جود سكرت منه ورمت نفسها عالسرير تبكي وهي ميته خوف منه ومو داريه عن نواياه ..
...................
في جـده ..فدوه في غرفتها واقفه قدام المرايه وماسكه بطنها بايدها تتحسسها : اووف ايش دي الكرشه الي طلعتلي فجأه ياربيييه اكيد من البيبسي دا يجيب البلى لازم اسوي دايت ..
اندق جوالها وراحت ترد بسرعه بدون ماتشوف الرقم : الوو
الطرف الثاني بتردد : الوو السلام عليكم\
فدوه : وعليكم السلام هلااا ..؟
الطرف الثاني بهدوء ونعومه : فدوه ماعرفتيني ؟
فدوه بشك : لاء
الطرف الثاني : انا ميار ..
فدوه بشهقه : ميااااااار ؟؟
ميار ابتسمت : ايوا
فدوه وكأنها نست كل شي صار : كيفك وحشتيني يامجنوونه ..
ميار حست بفرحه باقي بنات عمها يفتكروها ويشتاقولها :الحمد الله كيف حالك انتي ؟
فدوه : طيبه انتو كيفكم وكيف عمي ؟
ميار : بخير كلنا والله
فدوه حست على نفسها وسكتت ............
ميار بتردد :فدوه انا داقه ابغه اسالك عن مها ..
فدوه : مهاا ؟؟؟
ميار : ايوا بس بسالك اذا شفتيها امس او قبلو ..
فدوه بصدمه : ليه فينها ؟
ميار ارتبكت : هااه لاء هيا موجوده بس حبيت اسالك شفتيها بمكان يعني ..
فدوه مافهمت قصدها : كيف يعني ؟
ميار : لا خلاص ولا شي .. مشكووره حبيبتي يلا باي
فدوه باستغراب : بايات
فدوه ماسكه الجوال وتقلب فيه باستغراب : غريبه ايش فيها مها ؟؟؟
........................
في الريـآإض ..لمياء : يلا امشي فيصل عند الباب
حلا بارتباك تلبس عبايتها : اوكي اسبقيني الحين جايه ..
راحت عنها لمياء وسابتها مرتبكه ودقات قلبها ماسكه خط ..
اخدت شنطتها وطلعت وراها بعد مارمت الغطاء على وجهها بسرعه ..
شافت سيارة فيصل واقفه على جنب ولمياء راكبه بجنبه .. ابتسمت بخجل وهي تشوف وجهه الي برزت فيه العظـآم شكله مره نحفان عن اول بس مهما سوى في نفسه بيظل حلوو ..
قربت من السياره بخطوات متردده وفتحت الباب الي ورى لمياء وركبت : السلاام عليكم ..
فيصل + لمياء : وعليكم السلام ..
فيصل ابتسم ولف المرايه على جهتها وهو يشوفها منزله راسها بارتباك : كيفك حلا ..؟
حلا بصوت خافت : بخير
فيصل : ههههه ليه تستحين عادي ولد عمك وبمثابة اخوك ..
حلا رفعت راسها عشان تلتقي عيونها في عيونه الي تناظرها من المرايه >> مثل اخوووي .. انا ميته فيه وفي النفس الي يطلع منه وهو يعتبرني اخته لييييه يصير معي كذااا ليه << ..
فيصل حس فيها وهذا الي كان يبغه يوصله لازم يتأكد من حبها له ...
فيصل : شلون عمي ومحمد وخالتي ؟
حلا حست للحظه انها كرهته قالت بدون نفس : كلهم تماام
فيصل استغرب من نبرة صوتها : ونواف وش مسوي مع الغربه ؟
حلا زاد القهر الي في قلبها فيصل من جهه ونواف الي زعلان عليها من جهه : الحمد الله بخير
فيصل سكت عنها حس انها اتضايقت من شي ..
لمياء : اووف حرر
فيصل : مو منك من البشت الي لابسته هذي تسمينها عبايه بالله ؟
لمياء تطالع في عبايتها الثقيله والحركات الي عليها من الجوانب والظهر بالفصوص والترتر : ايه وش فيها ..
فيصل هز راسه : مافيها شي تجنن بس يريتها لايقه عليك
حلا ماقدرت تمسك نفسها دايما تقول للمياء انه العبايه مره مولايقه على عربجتها وطولة لسانها : ههههههههههه
فيصل فز قلبه من ضحكتها ابتسم وطالع في لمياء : ههههههه
لمياء : ايه اضحكي انتي واياه هين
حلا ابتسمت >> فديت الضحكه وراعيها << ..
فيصل طالع فيها من المرايه وابتسم بخبث وكأنه سمع الي في قلبها >> فديت من فداااني << ..
حلا انحرجت ونزلت راسها ..
لمياء ملاحظه شي غريب وتوتر في الجو ابتسمت بحنيه وهيا تشوف نظرات فيصل المرتبكه لحلا ...... >>معقوله يحبها .. مبين من نظراته ونبرة صوته انه يستلطفها يمكنها عاجبته .. طيب وغراام المغروره ليه خطبها دامها مو عاجبته ولا فكر بيوم يسال عنها <<