[نور الدنيـــا]

جالس في غرفته ومتمدد عالسرير ومشغل اغنية ((قسوه )) لمحمد عبده ..
تنهد بضيقه وهو يطالع في صورتها الي بيده يتأمل ملامحها الرقيقه وابتسامتها الجذابه وعيونها السوده الواسعه .. كل شي فيها حلو .. حتى عصبيتها وثقلها وغرورها .. كل المواصفات الي يعشقها هي تحملها .. بس مستحيل يوصلها وبينهم مسسسااااافات وحواجز كثيره مستحيل تنكسر .. قرب الصوره لصدره وهو يحس بالامان بمجرد انه يحسها معاه ولو انها صوره بس يكفي حسها وروحها معاه صوتها باقي يرن في اذنه ضحكتها وشقاوتها لسه في باله كل شي ومن يوم وهم صغار ماغاب دقيقه عن خياله ..
سامي >> آآه منك ومن حبك والله ماني قادر اعيش بدونك .. عمري ماتوقعت انك بتوحشيني ولا بفقدك زي مااحس دحين .. ربي يحفظك ويخليك لعين ترجيك .. <<


ليه اذا حبيتك اكثر زدت قسوه ..
وإن دريت بحاجتي لك زدت جفوه ..
وان عطيتك من حياتي ماتريده ..
ماكفاك تحسب إن الحـــب نزوه ..
والله إني يأحب الناس أحبك ..
والله إن الروح لو ترضيك فـدوه ..
والله إني تاركـ(ن) غيرك وجيتك ..
مزعل الزعلان والعذال عنـوه ..

........................

جود رفعت تنورتها وربطتها على خصرها .. رمت شنطتها من فوق السور وبصعوبه قدرت ترفع رجلها عشان تنقز من على السور العالي .. طاحت على وجهها ...
جود تمسك خشمها الي صب دم : ااااح حسبي الله عليك ياسماء وافكارك البايخه ..
سماء من ورى السور : جووود ..
جود بعصبيه : خلاص انقلعي مشكووره ..
سماء : هههههه وش فيك صارلك شي ..
جود اخذت شنطتها ورتبت عبايتها : لاء مافيني شي يلا روحي قبل لحد يشوفك ..
دخلت سماء لداخل مبنى المدرسه وجود مشيت تكمل طريقها للبيت الي مايبعد كثير عن المدرسه ..

وقفها صوت البوري من وراها لفت باستغراب شافت واحد اول مره تشوفه يبتسملها ويأشرلها تجي : وش يبي ذا بعد ..
راحت لعنده معقده حواجبها : نعم ..
رابح نزل النظاره الشمسيه من على عيونه بهدووء وابتسم ابتسامه جذابه : وه بس وه انتي جود ..
جود رفعت حاجبها اليمين باستغراب : ايه نعم مين انت ؟
رابح ابتسم : ماتبين احد يوصلك ..؟
جود : لا مشكور .... لفت تبغه تكمل طريقها ..
رابح نزل وراها بسرعه : جود .
جود : اف نعم وش تبي مين انت من وين تعرف اسمي ..
رابح يلعب في النظاره الي في يده ويطالع في عيونها بعمق : انا رابح العالي ..
جود قد مر عليها هالاسم بس مافتكرته عقدت حواجبها : اممم كاني قد سمعت فيك ذكرني ؟
رابح : ههههه انا رابح ياشاطره الي تكلمينه ماسنجر ..
جود طالعت فيه بصدمه وشهقت : رااابح ..
رابح : هههه ايه رابح ليه مستغربه ؟
جود : وانت من وين عرفت مكاني ؟؟؟
رابح ابتسم : عمري ماتمنيت شي الا وطلته ..
جود ابتسمت : شلونك ؟
رابح : تمااااام التمااام بشووفتك انتي شخبارك ؟
جود استغربت ليه تعطيه وجه ..؟؟! لفت وجهها عنه وكملت تمشي : مايخصك يلا روح بس ..
رابح : افااا يرضيك تتركيني كذا وتروحين ..
جود : اففف رابح لو سمحت روح لحد يشوفني وانا معاك مو كفايه منحاشه من المدرسه الحين يقولون طلعت مع واحد ومادري وشو ؟
رابح : خليهم يقولون وش فيها ..
جود ماردت عليه ومشيت ..
رابح سحبها من يدها : تعالي معي ..
جود انصدمت منه وخافت من نظراته : وش تبي مني اتركني ..
رابح : هههه مو قبل ماتركبين معي واوصلك بنفسي للبيت ..
جود : وش تبي انت مصدق نفسك اعرف ارجع لحالي اتركني ..
رابح ساب يدها : هههههه زين روحي بمشي وراك لين ماتدخلين للبيت عشان اتطمن عليك ياقلبي ..
جود : قلبك ؟؟ ياجعله السكته يلا روح ..
رابح ركب سيارته وهو متوعدها في نفسه ..
جود تمشي بسرعه .. تهرول تحاول تبعد عنه : اووف ياربيييييييه ليه لاحقني شكله من جده يبي يوصلني للبيت .. ياربي استر منه ..

.......................

في جــدهـ ..

مها : امااانه بالله عليكي ؟؟
سماهر : ايوا والله العظيم وبكرا حأخدها منها ..
مها تضحك بارتباك : هههههههه فلله بنحشش خخخخخخ
سماهر : اووه مو بس تحشيش الي تبغيه بس عاد لازم تجي ياهبله اووكي ..
مها : افاا عليكي اكيد ..
سماهر : اوكي حبيبتي حقفل دحين وارجع اكلمك بالليل يلا باي ..
مها : بااايات ..
سماهر قفلت منها ودقت على رقم ثاني ..
سماهر : الوو ..
فرح بتعب : هلاا
سماهر : هلا فرووحه كيفك ؟
فرح : والله ماشي انتي كيفك وشدوويه ..
سماهر : والله تمااااااااااااااام التمااام ..
فرح بهدووء وتلعب في أظافيرها : ايش سويتو عالموضوع ؟
سماهر : اووه نعجبك ولو انا سنفووره ماتعرفيني يعني ..
فرح : عرفت اختار يعني ؟
سماهر : افااا عليكي بس ..
فرح بدون نفس : اووكي سمهووره ابغاكم تقضوا عليها فااهمه يعني ابغه البنت تنتهي وفي اقرب وقت
سماهر : ولا يهمك حبيبتي شهر بالكثير وبتصير تاجره مو بس مدمنه ..
فرح ضحكت بخبث : تسسسلميلي ياقمر يلا باي
سماهر : ههههه باي ..
سكرت منها واتنهدت بضيقه ورمت نفسها عالسرير ..
.... ايش ذنب بنت عمها تضيع مستقبلها ليه هيا تسوي كذا .؟؟ المفروض تنتقم من سامي ومن عمها ؟ بس اذا قدرت تدمر بنات عمها اكيد بتوصل لساامي الي متوعدته في نفسها ؟؟ بتمسكه من الايد الي توجعه .. حبه وخوفه على أخواته .. اخذوا منها فايز وبتاخذ كل لحظة سعاده في حياتهم ..

رجع دق جوالها برقم غريب .. اتثاوبت وهيا تطالع في الشاشه بملل ..
ردت بهدووء وتعب : الوو
............. : ..............
فرح : هااه مين ؟؟
............. : ..................
فرح : مين معايا ؟
.............. : فرح
فرح فتحت فمها بدهشه : هااااه ..
سامي غمض عيونه بقووه : فرح اسمعيني هما كلمتين بس ..
فرح لسه مستغربه ومتفاجأه : سـ..ـامي انتا .. كيـ..ف انتا ايش تبـ..ـغه ..؟
سامي ابتسم بحزن وقلبه يتقطع : أحبـــك ..
فرح فركت اذنها بعدم تصديق وعلامات التعجب مبينه على وجهها : انتا ساااامي ؟؟
سامي : ايوا سامي وانتي عيون سامي وروحه ..
فرح لسه منصدمه : .............
سامي : فرح يمين بالله أحبــك مادري كيف ولا عارف ليش بس كل الي اعرفو اني احبببك سامحيني يافرح ..
فرح : ههههه هههه (( تضحك من الصدمه )) انتا ايش تقول وايش تبغه ليش داق مو كفايه الي سويتو مو كفايه العذاب والجحيم الي عيشتنا فيييه ولا باقي تبغه تكمل علينا ..
سامي : ايش تبغيني اسوي عشان تسامحيني والله اذبح نفسي بس خلاص يكفي الجفاااء يكفي
فرح : هههههه عارف ياسامي لو تجيني تركع والله ثم والله ماأسامحك لو شفتك تنحرق قدامي لو شفت الموت بعيونك والله ماراح اسامحك ..
سامي غمض عيونه بقوه : ...................
طووط طووط طووووووووط ..
سكرت في وجهه ومسكت دموعها لا تنزل وهي تفتكر اخوها فايز ..
سامي سند راسه عالسرير ورجع ظهره لورى : اااه الله يصبرك ياقلبي