[نور الدنيـــا]

في الريــآض ..

نجود : آآآآآآي اتركيني حسبي الله عليك يووجعني اتركيني ..
نوف : وربي لو ماتبطلين هالطلعات بذبحححك ..
نجود قرصتها في يدها : بطلع غصب عنننننك تفهمين ..
نوف شالت يدها عن شعر نجود بسرعه : هييين يانجودوه بس ترجعين بتشوفين ..
طلعت من البيت متنرفزه من اختها الي صارت تراقبها وين رايحه ومن وين راجعه ..
اخذت تاكسي وبعد نص ساعه في الطريق وصلت للمكان المطلوب ..

طلعت للعماره بهدوء .. الين وصلت للشقه المطلوبه .. دقت الباب بس صوت الاغاني والموسيقى مغطي على أي صوت ثاني ..
صارت تخبط عالباب عشان احد يسمعها بس لا حياة لمن تنادي ..
وشويه تسمع صوت من وراها ..
...............: وش تسوين هنا ؟
نجود لفت عليه بسرعه وانصدمت لمن شافته هوا ثاني : مو شغلك ..
..............: بالله ماتستحين على وجهك اذا شرفك ضايع ومنتهي ماتخافين عالاقل على سمعة اهلك الي خليتيها بالزباله ..
نجود : لو سمحت لا تتدخل فيني اسوي الي اسويه مو شغلك ..
................: اكيد مو شغلي ومين قالك اني بتنازل واكلمك ثاني يانجسه ..
نجود حست بقهر في نفسها ليه يعاملها كذا .. عمره محد رفضها مثله .. لفت عالباب وخبطت بقووه : ياحيوانات افتحوووو ..
رائد طلع مفتاح من جيبه : وخري
نجود بعدت وهي مستغربه معقوله هذي شقته وهو الي يدعي الشرف والمثاليه ....
فتح الباب ونجود مو مستوعبه : هذي شقتك ..
رائد طالع فيها باستحقار : لاء .. بتدخلين ولا اقفل الباب ..
نجود دخلت بهدووء .. وهيا تشوف المناظر الي اعتادت عليها والكل مو داري عن نفسه ولا عن الي يسويه ..
راحت جلست على اقرب كنبه ..
جاها واحد من بعيد : هيييه انتي ليش قاعده بعبايتك ؟
نجود مالها خلق السكاره : مالك شغل ..
الشاب : هههههه شلوون مالي شغل مع مين بسهر الليله يلا ياحلوو قوم افصخ العبايه خلنا نشوف الي يفتح النفس ..
نجود مطنشته ..
رائد والي سمع كلام الشاب : ايه جد افصخيها مو حرام تلبسين شي المسلمات يلبسونه .. حرام توصخين العبايه الي تستر المرأه على جسمك ..
نجود فصختها بقهر وطالعت في عيونه بحقد : انت وش تبي ليه حاط دوبك من دوبي مالك شغل فيني ..
رائد ابتسم باشمئزاز وجلس بعيد عنها ..
سعود وهوا جاي من بعيد : هلاااااااااا والله رئووود متى وصلت ؟
رائد يسلم عليه : الحين .. شلونك ؟
سعود : تمااام انت شخبارك يالقاطع وينك ماعاد تنشاف ؟
رائد : والله اشغال .. قولي وين الشباب ..
سعود : أي شباب .. فيصل طول حياته بهالشركه الي عالنا فيها .. وعادل صايع ماتدري وين ربي حاطه
رائد : تلقاه بأندنوسيا الحين خخخخخ
سعود : بافريقيا وانت الصادق راح مع عيال خالته
رائد : جد ؟؟؟
سعود : ايييييه وازيدك من الشعر بيت ماخذ معاه الشغاله حقتهم بيمشيها
رائد : خخخخخخ الله يرجه عدوول ..
سعود : المهم وين تبينا نسهر ..
رائد : بتطلع وتخلي الشقه ؟
سعود : ماعليك ياسر هنا
رائد : وانت تعتمد على الدرج ياسر اقول خلنا هنا الين تنتهي المسخره هذي
سعود : انت الله يهداك متى تعقل وتعرف ان هذي متعتنا بالحياه
رائد : يعني انت عاجبك حالك والذنوب الي مغرقتك من راسك لرجولك
سعود : وش عليه نبي نستاانس
رائد : استغفر الله بس ..
سعود : وش فيها ذي الغبيه قاعده بحالها الليله
رائد طالع في نجود الي قاعده لحالها وتطالع في الي رايح والي جاي بغرور : ..................
سعود وقف ........
رائد : على وين ..
سعود : بروحلها
رائد : وش تبي فيها مو خلصت منها
سعود : ايه بس ابي اشوف وش سالفتها
رائد : وانت وش عليك تنحرق
سعود ابتسم بخبث : مو قبل مااهينها قدام خلق ربي ..
رائد : سعود ياخي خلاص اترك البنت بحالها مو سويت الي تبيه فيها ..
سعود : ههههه وانت تحسب اني أي بنت اتركها كذا لا ياقلبي والله اهينها وادعس عليها واوريها مقامها ..
رائد تأفف ولف وجهه ..
سعود راح لنجود والي كانت تغني بصوت خاافت : تيجي إزاي مصدئش .. انتا فاكرني معرفكش ..
سعود جلس جنبها : ياهلااااا بالزين كله ..
نجود طالعت فيه وابتسمت : هلا سعود
سعود رفع حاجبه : سعوود ؟؟
نجود عقدت حواجبها : ايه ؟؟
سعود يضحك بخبث : عمك سعود ..
نجود رفعت حاجبها : تخسىى ..
سعود : ههههههه من وين تعلمتي هالكلمه قالت تخسى قالت .. يلا قوليها عمي سعود ..
نجود لفت وجهها عنه : تخسى والله تكون عمي ..
سعود قرب منها ولف وجهها بيدينه القاسيه عليه : انتي نعالي سامعه انا عمك وسيدك وتاج راسك ..
نجود متألمه من يده الي ماسكه دقنها بقوه : اتررركني
سعود : ههههههه ياحبي لك نجووده ماتدرين انك مسخره .. .. حرااام والله مرره احزن عليك لا شرف ولا اخلاق ولا اصل ولا حتى (( طالع فيها من فوق لتحت )) جمال ..
نجود بعدت يده عنها بقوه وطالعت في عيونه بحقد : ماهميتني لا انت ولا ربعك ..
سعود سند ظهره عالكنبه : ههههههه انتي مثل العلكه وربي كل واحد يشبع من حلاوتك يرميك وتلصقين برجل غيره ههههههه
نجود وقفت : احترم نفسك
سعود حط رجل على رجل : ههههههه محترم نفسي من قبل لا اشوفك..
نجود بصوت عالي : انت على بالك بتجرحني .. مو واحد مثلك يهينني كذا ..
سعود بعدم اهتمام : انتي مهانه من طلعتي من بطن امك ..
نجود تطالع فيه بكره وساكته : ..............
سعود : هههههه اذا امك وحده الله يعلم كم أبو لك ..
نجود انقهرت ورفعت صوتها : انا امي وحده وابوي واحد .. واذا مو عاجبتك اصقع راسك بالجدار
سعود وقف واعطاها كف : ماترفعين صوتك بوجه عمك سامعتني
نجود بصوت أعلى : تخسى تكون عمي ..
جاها كف ثاني : اسكتي ولا كلمه يامهانه ..
نجود نزلت دمعتها غصب عنها .. الين متى بتتحمل الاهانات عشانها محتاجه لكم قرش تسمع كل يوم كلام يجرحها ويمسح بكرامتها الارض ..
رائد جاه من بعيد : خلاص سعود رووق ..
سعود تفل في وجهها وهوا يضحك باستهزاء ..
رائد طالع فيها وشافها ماسكه خدها بيدها ودموعها متحجره بوسط عينها مو راضيه تنزل .. عقد حواجبه حس في عيونها حزن وقهر حس انها مجرووحه انسانه مكسووره من جوه حس في وجهها البراءه وفي دموعها الظلم يحس انها انسانه مظلومه ظلمها كل من حولها ..
بس نفض هالافكار من مخه بسرعه .. كيف يقول عنها كذا وهيا بايعه نفسها للي رايح والي جاي هذي حتى الزبال ماسلم منها .. كيف يوصفها بالبراءه وهيا انجس انسانه قابلها بحياته تسلم نفسها لكل واحد تشوفه عشان كم قرش مايسـووا عند عقاب ربي شي..
نجود اخذت شنطتها بسررعه وطلعت من الشقه ..

.....................