[نور الدنيـــا]

في بيت جـود ..
جود واقفه قدام التسريحه وتحط الميك اب بروقاان وتدور كل شويه حول نفسها باعجااب ..
جود تكلم نفسها في المرايه : يازينك ياشيخه وربي مجنون الي مايحلف انك قمررررررررر ..
وصارت ترقص على اغنية راشد :: عن قمرهم كلهم ياضياء نورا لهم الورود انتا عطرهم كيف انتا تشمهم :: ..
جود بصوت عالي : والله رشودي ماغنى ذي الاغنيه الا لعيوووني ههههههه ..
خلصت مكياجها وسشورت شعرها ولبست فستان بينك قصير لفوق الركبه وشكلو مرره جذااب عليها مبين تفاصيل جسمها المتناسق لبست عبايتها ورمت طرحتها على شعرها باهمال وطلعت من البيت ..

كانت من اول الضيووف الي وصلوا .. باب الفله طبعا دايما مفتووح دخلت للحوش الكبير والي ثلاثه ارباعه حدايق ونوافير .. فصخت طرحتها وماحبت تكلم حلا تبغه تستكشف البيت لحالها << لقااافه ... صارت تمشي وتمشي في الحديقه الكبيره الين لمحت واحد جالس على طاوله مليانه كتب واوراق قرربت من عنده بجراءه ..
جود : هاااي ..
نواف بملل يحسب انها حلا احيانا تصير هبله زي كذا : حلا ماني فاضي ..
جود باستغراب : انا مو حلا ؟؟
نواف رفع راسه بهدووء واستغرب لمن شاف جود واقفه بطلتها الحلوه قدامه : هـ...هــلا ..
جود : انتا محـمد صح ؟
نواف : لاء انا نواف ..
جود : اهاا طيب نواف ممكن تدلني عالباب او ماعرف من وين ادخل ..
نواف ابتسم ووقف : تفضلي ..
جود نزلت وجلست عالارض على رجل وحده وتربط حبال الصندل حول ساقها : دقيقه بس ..
نواف طالع فيها وابتسم وفي نفسه ..>> هذي مره فري ماعندها جايتني بدون طرحه وعباتها نصها مفتووحه وماخذه الحياه ايزي الله يرجها من بنيه << ..
وقفت : اووف وش معاي لابسه كعب انا ووجهي ..
نواف : يلا ماتبين اوصلك ..
جود : الا الا جايه ..
راحت معاه ودخلت للبيت وتطالع في السقف وفي الجدران باعجاب السقف مره عالي ومزخرف ومزركش والجدران مرسوم عليها مناظر حلووه والشبابيك كلها ملكيه وعاليه من اعلى الجدار لأسفله وكل شي حلو وفخم ..
نواف يأشرلها على الصاله الصغيره الي كلها لمبات وانوار موف وازرق والجدران ملونه والارضيه زجاج ومن تحتها مويه زرقاء وكلها اجهزه استريو وبروجيكتور وشكلها مررره نايس وررررجه ..حقت دي جيه يعني ..
نواف : اتفضلي من هنا اناديلك حلا ..
جود دخلت : مشكوور ..
نواف : العفوو ....
وطلع ينادي حلا ..
حلا في غرفتها تحط اللمسات الاخيره لمكياجها ويندق عليها الباب ..
حلا : اتفضل ..
دخل عليها نواف: حلووله وحده من صديقاتك جات..
حلا رمت الفرشه عالتسريحه بسرعه واخذت جوالها ونزلت : نووفا قفل الباب معاك ..
نزلت تجري لتحت ونواف فوق يشكر ربه على نعمة العقل ..
دخلت عليها الصاله وشافتها تنكش في صندوق السي ديات وتغني ولا هامها أحد وبالذات انو جود طبعها مرره جريء وماتستحي من أحد ..
حلا : هاااااي ..
جود لفت عليها وابتسمت ابتسامه راايقه : هايات ..
حلا تسلم على جود : اهلييين نورتي البيت ..
جود : منور بهله .. كيفك ؟
حلا : تمااام اتفضلي ليش واقفه ..
جود : هااا ههههه لا بس كنت ادور شي رجه مالقيت كل الي عندك رايق ..
حلا تبتسم : انتي شوفي وين دورتي اول شي ..
جود طالعت عالصندوق الازرق الي فيه السي ديات مكتوب عليه " رومانسي & كلاسيك" ..
جود >> والله انك فاضيه ياحلا كل نوع اغاني حاطتهم بصندوق لو تشوفين اشرطتي كيف والله انك بنت عز من جد خخخخخ << ..
جود : ههههههههه والله مانتبهت ..
حلا دق جوالها : اوكي حبيبتي خذي راحتك البيت بيتك اتصرفي مثل ماتحبي .. عن اذنك ..
جود في نفسها >> لا توصي حريص ههههه<< : تيك يور تايم ..

...................

نوف : للللللوووووولللللووووش ..
نوره قامت مفجوعه من النوم : وش فيك خيييييييييير ؟
نوف : بصير خاله ههههههههه ..
نوره تفرك عيونها : خالة مين ؟
نوف تضم اختها بقووه : انخطبتتتتتتتتتي يالشينه اخيرا بنفتك من خشتك الكريهه ..
نوره بصدمه : انا انخطبت ..؟؟؟
نوف : اييييييه والله يافاتك اهل رجلك وربي بنات فلووووس ..
نوره : وش اهل رجلي انتي بعد وش تقولين ترى مالي خلق مزحك البايخ ..
دخلت ندى : مبرووووووووك يلا يلا ورىىىىى حمام جانا مسين ولا سلم عليااااا يلا ارقصي ياعروسه ..
نوره ترمي عليهم المخدات بقووه : لا تستهبلون على راسي انقلعوا برىىى ..
دخلت أم نوره : صح النووم تو الناس الساعه بتصير 8 وانتي نايمه ..
نوره : هلا يممه والله امس مانمت بدري مره دايخه ..
ام نوره : انزين حبيبتي غسلي وجهك وبدلي ثيابك وتعالي ابيك بالصاله ..
طلعت من الغرفه وقفلت الباب ..
نوف تنط عالسرير : شااايفه ياغبيه بتتزوجين وبنفتك منك يلا روحي غسلي وجهك ..
نوره وجهها انقلب مية لون احمر واخضر واصفر << اشارة مرور على غفله خخخ ...وقامت دخلت عالحمام وقلبها يدق بسرعه مو طبيعيه ..
نوف : خخخخخخخخ ياحليلها اختي وربي انها تهببل ..

....................

في جـدهـٍ ..
مشعل : فراس امي تبغه تشوفكم ..
فراس بدون نفس : ان شاء الله بالاجازه بنروح للرياض ..
مشعل : لا يافراس تبغه تشوفكم دحييين اليوم قبل بكرا ..
فراس بهدوء : مشعل يعني مو شايف الحاله الي احنا فيها اخويا مالو يومين متوفي ..
مشعل : عارف يافراس انا قلبي متقطع عليه اكثر منكم بس امي على فراش الموت وكل دقيقه وهيا توصيني اجيبكم معايا .. حتى ماقدرت اقلها على فايز هيا بروحها منتهيه ..
فراس بصدمه : ليه خالتي اشبها ؟
مشعل : تعباانه يافراس خلاص المرض اكل جسمها اكل ..
فراس : انا كم مره قلتلك نسفرها لبرى ليه راسك ناشف ..
مشعل بانفعال : أي برى واي كللام فاضي خلاص الدكتور بعظمة لسانو قالها مااااااااااااالها أمل ..
فراس : وانتا تسمع كلام الدكاتره المتخلفين هدولا يقولولك كدا عشان تراجع عندهم ويكسبوا من وراك دولا ماهمهم لا انتا ولا امك اذا الفلوس اتطلبت انهم يقتلوا مريض عشانها يسووها ماعندهم ضمير ناس ماتشوف في هالدنيا غير الفلوس ..
مشعل : والي يعافيك يافراس خلاص الي فيني كافيني انا تعبت عقلي ماعاد يستوعب شي مو قادر افكر ..
فراس طالع في مشعل بحزن ولد خالته وصديق عمره والي عذابه مايقل عن عذابهم ابتسم بضيقه ولف وجهه ..

أما هيا فنزلت بهدوء وبخطوات بطيئه بلبسها الأسود وشعرها الي صارله كم يوم ماتمشط على حالته شكلها مخيف .. عظام وجهها بارزه وضلوعها بتشق الجلد وتطلع حول عيونها هالات سوده والتجاعيد غطت وجهها النحيل ..
فراس قام بسرعه وراح لعندها : اميي ايش منزلك ..
أم فايز تضحك : هههههههه بطلع لفايز يستناني برىىى هههه بيوديني للسوق وسع مايسير اخلي اخوك يستنى كتير ..
فراس يمسكها من يدها وبيطلعها لغرفتها : أمي ارتاحي انتي دحين تعبانه خليكي على فراشك والي تبغيه بيجيكي لعندك ..
ام فايز تسحب يدها بقوه : اقلك فايز يستناني برىى تستهبل انتا بعد خليني اطلعلو ..
فراس : لا حول ولا قوة الا بالله الله يصبرك ياأمي الله يصبرك ..
وفجآه فراس حس شي تقيل طاح عليه .. شاف أمه ترتمي في حضنه وتبكي أمه الي صارت زي المجنونه بعد وفاة اكبر اولادها فايز ..
اخذها وجلسها عالكنبه وصار يقرآ عليها ويمسح على راسها

في الريـآضٍ ..
جود : مين أم نوره ؟
ام جود : هذيك الي جتنا قبل كم اسبوع مع ام علي ..
جود : ايه وش فيها ؟
ام جود : بتجي وبتجيب بناتها ..
جود : اهااا طيب
ام جود : البسي وتزيني ابيك تصيرين قمر ..
جود : وش حقه يمه فقاره وحالتهم حاله ..
ام جود : والله ياجود انهم يبسووطن انتي اسمعي كلامي وانزلي اجلسي معهم الليله صدقيني بتنبسطين ..
جود : طيب طيب ..
غيرت جود ملابسها ولبستلها بنطلون جينز برمودا وعليه بادي أخضر والشدو تبعها كان أخضر مع أسود << امووت عالوطنيه خخخخخ.. وسشورت شعرها ولبست شبشبها الأخضر حق البيت " الله يكرمكم " ونزلت ..

وكل هذا طبعا صار تحت نظر زوج من العيون ماتشوفها جود عيون مخفيه .. عيون بتهدم حياتها مراقبه كل حركه من تحركاتها وكل خطوه تخطيها ..

نزلت مبسووطه وتغني .. وتقابل في وجهها بنت حلوه مرره كيوت ملامحها رقيقه وعيونها واسعه وحلوه كانت لابسه تنوره جينز قصيره وعليها تي شيرت بينك ..
جود ابتسمت باستغراب : اهلين ..
نوف انتبهت في جود ولفت عليها : هلا ..
جود : مين انتي ؟
نوف ابتسمت : انا نوف ..
جود سلمت عليها وهيا مستغربه اول مره تشوفها : وش لونك ؟
نوف تستهبل : حنطي ..
جود : هههههههههههه
نوف : الحمد الله تمام انتي كيفك ؟
جود : بخير .. تفضلي ..
راحت جود مع نوف للحديقه وجود مبسووطه تحس انو نوف فرفووشه ومو معقده وهيا تحب البنات الي كذا ..
ام نوره : ماشاء الله تبارك الله انتي جود ..
جود : ايه ..
ام نوره : شلونك حبيبتي ؟
جود : بخير تسلمين ..
ام علي : ويييه هذي هي جود لسانها اطول منها محدن يسلم من لسانها ..
جود : يووه خاله وش حقه تفشليني قدام الناس ..
ام علي : هذا انتي المقروده ماتفشلتي ولا شي عينتس قويه وماينخاف عليتس ..
جود سكتت وهيا مقهوره من ام علي ..
ام جود : ماشاء الله كم بنت عندك ؟
ام نوره : 4 هذي نوف وهذي ندى .. ونجود ونوره بالبيت والله مو راضين يجون الي تعبانه والي تذاكر واعذار مالها اول ولا تالي ..
ام جود : الله يخليهم لك ان شاء الله
ام نوره : وانتي جود اسم الله عليها وحيدتك ؟؟
ام جود : ايه ماعندي غيرها الله يخليها ..
ام نوره : الله يحفظها لك ان شاء الله ..
ام جود : تسلمين ..
جود : لا لا كذا انا استحي ماقدر لا تمدحوون لو سمحتوا ..
الكل: هههههههههه ..
نوف : كم عمرك ؟
جود : 18 وانتي ؟
نوف : العمر كله .. انا 20 ..
جود : العمر كله ان شاء الله ..
نوف : يطول في عمرك ..
جود : بس تصدقين شكلك اصغر بكثير انا على بالي 17 ..
نوف :هههههه
جود : وش تدرسين ؟
نوف : ماأدرس ..
جود شهقت : لييييش ؟؟
نوف : عارفه الظروف ماتسمح مصاريف الجامعه كثير ..
جود : اهاااا يعني مامعاك الا شهادة الثانويه ؟؟
نوف :ههههههه كذا ولا كذا ماكنت حستفيد منها اخذتها ولا لاء مصيري اجلس بالبيت ..
جود : من جد صادقه والله انا باخذ شهادتي وبنطق بالبيت بلا دراسه بلا هم ..
نوف : انتي توجيهي الحين صح ؟
جود : ايه ادبي ..
نوف : شكلك من جنبها خخخخخ
جود : خخخخ من جد ..

مر الليل واخذتهم السوالف والضحك واتبادلوا ارقام التلفونات ورجعت نوف مع امها واختها للبيت بعد هالسهره الحلوه ..
..................

وفي مكان ثـآآآني ..
نجود : هههههههه لا ياعمري 2000 ولا اقضب الباب ..
.............: ياحياتي والله ادفع الي وراي والي قدامي بس رضاك ياقلبي ..
نجود : هههه خلاص حبي ادفع ألف الحين وبعد مانطلع من الغرفه ألف اوكي ..
أما هوا فكان دوبو داخل للإستراحه المكتظه بالبنات والشباب وصوت الموسيقى والأغاني خرق طبلة إذنه ..
دخل بتملل اتعود يشوف هالمناظر المخزيه والمشوهه لصورة مجتمعنا السعودي وبالذات مناظر البنات الضايعات .. بس ايش يسوي يجي عشان يشوف أخويائه هنا ولا هوا يكـره هالأماكن من يومه ..
شافه صديقه سعود : راااااااااائد ..
رائد انتبه في سعود والي كان معاه وبين يده بنت وجهها مو غريب على رائد ومبين انها صغيره بس مافتكرها : هلا سعووود ..
سعود : هلا والله رئوود ماتوقعتك تجي الليله ..
رائد : انت الله يهداك عمري ماكلمتك الا وانت بهالمكان المعفن ياخي خلينا نطلع نروح لمكان يستاهل مكان محترم (( طالع في نجود باشمئزاز )) مكان يسوى فيه ناس مو بهايم ..
نجود على طول افتكرته كيف تنساه وهوا أول واحد يهينها من قبل لا يجربها << يجربها سيــآره على غفله خخخخ ..
نجود تسند ظهرها على صدر سعود العريض : البهايم الي تدفع وتركض ورى بنات الناس ..
رائد : ههههههههه لا تعرفين تنكتين صراحه .. بنات الناس .. ذي الكلمه حرام تنقال لك ولا لغيرك بهالمكان افهمي معنى الكلام قبل ماتنطقينه يالبزر ..
نجود بعدم اهتمام : كثير قبلك حاولوا يوصلون لي بهالطريقه هههههه بس تحلم معاك فلوس اهلا وسهلا مامعاك الباب يوسع جمل ..
رائد لمن طالعت فيه افتكرها وزادت نظرات الاستحقار بعيونه : حرام وانا ولد ابوي احط راسي براسك ياواطيه ..
سعود يدق رائد : بس خلاص وش فيكم (( وجه الكلام لنجود )) ياعمري انتي خلاص روحي والحين جايك صاروووخ ..
نجود قامت بدلع : لا تطول بيبي ..
سعود : من عيوني ..
راحت نجود تتمخطر بمشيتها ..
رائد : الحين مو هذي الي قبل فتره كانت مخاوويه فارس ..
سعود بخبث : هي بلحمها وشحمها ..
رائد : استغفر الله بس كيف ترضى على نفسك تمس وحده نجسه زي ذي ..
سعود : العمر ماشي ونبي نستمتع دامها هي راضيه بالوضع انا وش علي انا الي علي ادفع وانبسط ..
رائد هز راسه باشمئزاز : ماتخيل بيوم اوصخ نفسي مع بنات زي كذا ..
سعود وقف :ههههه يلا القمر يستناني ..
رائد : روح الله يهديك بس بنتظرك هنا لا تتأخر ..
ظل واقف يناظر أشكال البنات والشباب كل واحد سكران في البنت الي معاه وفي حبها الكاذب .. يضحكوا على بعض كل واحد منهم متأكد ويبصم بالعشره انه الي قباله مايحبه ولا يكن له أي مشاعر بس مجرد تسليه تستمر لساعات قليله وذنبها يستمر ليووم الدين ..
في جـــدهـٍ ..

بدأ الكل يتعود عالبيت بدون فايز أو إذا صح التعبير يحاول انه يتأقلم مع اختفاء روح البيت ونورها ..
فرح جالسه في الصاله تتفرج عالتلفزيون وتفكر وتحووس بافكارها الشيطانيه تبغه تنفذ وعدها ولازم تنفذه بإسرع وقت ..
... وعدهــــآآآآ بالإنتقـــآآآآآم ...
وبدأت بالتخطيط ورسم الخطط الي ممكن تدمر حياة أي مراهقه وأي بنت رقيقة المشاعر ويسهل الوصول لقلبها .. وهيا تعرف بنات عمها اكثر من أي احد بالدنيا .. خفيفات وعلى نياتهم وافكارهم طاهره وشريفه وتقدر تدسلهم السم في العسل بكل سهووله ..

أخذت جوالها بعد ماقررت تسوي الي في بالها .. ودقت على رقم غريب ..
فرح بكل ثقه : السلام عليكم ..
الشاب من الطرف الثاني : هلا وعليكم السلام .. مين معي ؟؟
فرح : انتا أمجد ؟؟
أمجد : ايوا مين انتي ؟
فرح : ايش عندك دحين ؟
امجد باستغراب : اقلك مين انتي تقوليلي ايش عندك ؟؟ مين انتي اول ؟
فرح : لو سمحت خلينا ماشين بالطيب وقلي فين اقدر اشوفك ودحين في أسرع وقت ..
امجد استغرب بس قال بيشوف اخرتها : انا في كوستا كوفي الي عالكورنيش..
فرح ابتسمت بخبث : اوكي 10 دقايق وانا عندك ..
امجد : دقيقه ..
فرح ماردت عليه وقفلت بوجهه ..
لبست عبايتها وطلعت من البيت ..

وصلت للمحل بعد ربع ساعه مع زحمة الطريق وبالذات انو اليوم ويك اند والناس كلها مفلته في الشوارع ..
شافت أمجد وإلي حافظه شكله وحافرته في بالها .. أشهر "مدمر بنات " في جــده ..
فرح اتلثمت لأول مره في حياتها لانها عارفه هالأشكال مامنهم أمان وبالذات أمجد إلي ياما ضيع بنات ووداهم في خبر كان ..
فرح بثقه : السلام عليكم ..
امجد رفع عيونه بملل وشافها : وعليكم السلام ..انتي الي كلمتيني ؟
فرح : ايوا ..
امجد : هههه وايش تبغي لا يكون انتي وحده من الي دعستهم وجايه تبغيني اطلب يدك من اهلك هههه ..
فرح : تخسى والله ياولد الراهي .. ماعاش ولا جابتو امو الي يمسني ..
امجد استغرب عمره ماقال لوحده لقبه وهذي مبين انها واثقه : خير ايش تبغي ؟
فرح : بنتكلم هنا يعني ؟
امجد وقف : فين حابه نتكلم ..؟
فرح اشرتله على ستار بكس .. دخلوا وطلعوا جلسوا فوق بعيد عن أنظار الماره الي رايح والي جي ..
امجد : مين انتي اول ..
فرح : اسمع من قبل لا تعرف أي شي عني انا ابغاك في مهمه والمبلغ الي تبغاه انا حاضره ..
امجد ابتسم بخبث : امـــري وتدللي ..
فرح ابتسمت من تحت اللثمه وطلعت صوره من شنطتها : خذ ..
امجد ابتسم واحلوت الدنيا في عينه لمن شاف صورة بنت في قمة الجمال .. يعشق الفضايح يمووت في تضيع البنات هذي هوايته وعشقه في الحياة : ايش حابه اسويلك فيها انتي امري بس ..
فرح : اسمع اول شي ابغاك تسحب فيها الين تصير عبده عندك ابغاك تخليها تبوس التراب الي تمشي عليه انتا تشاور وهيا تنفذ خليها تصير عمياااااء في حبك ماتشوف شي في الدنيا غيرك ..
امجد ابتسم بخبث : وبعدين لايش تبغينا نوصل ؟
فرح : ابغاك توريني شطارتك وتبدع في دي الصوره الي اديتك هيا خليها فضيحة تو ثاوسن آند سيفين .. بس قبل كل شي لازم تحبك لازم تععععععشقك فااااهم ..
امجد : من عيووووووووووووووووني ..

خلصت كل الإجراءات مع أمجد وأخذت شنطتها ورجعت للبيت راضيه كل الرضا عن الي بتسويه ..
بس هذا مو كل شي هذي "ميار" بنت عمها الكبيره ..
وبنت عمها الثانيه ايش ممكن تسوي فيها ....؟!؟!؟!
لازم تخليهم عبره لمن يعتبر .. زي مآأخذوا منها فايز هيا بتاخذ كل لحظة حلوه بحياتهم ... هذا الهدف الي فرح مخططه توصله ..

اندق عليها باب الغرفه ..
فرح : كم أووون ..
دخل فراس : هلا فرووحه كيفك ؟
فرح : كويسه ..
فراس : اسمعي الويك إند الجي رايحين للرياض اوكي ..
فرح باستغراب : الرياض ؟؟ ليه ؟؟
فراس : خالتي تعبانه وتبغه تشوفنا ..
فرح : والله مسكينه خاله ريم المرض هالكها الله يقومها بالسلامه ..
فراس : امين بس لا تنسي الاسبوع الجي مو زي كل مره تأخرينا ..
فرح ابتسمت بدون نفس مع انو مالها خلق تروح بس محتاجه تشوف خالتها وبناتها : اوكي ..
أمـــآآ فاتنه فقاعده في غرفتها تكلم جـوال بدون نفس تحس الدنيا صغيـره وضيقه ..
فاتنه : لاء ماليا نفس ..
عبد العزيز : فتوونه ارحمي نفسك ياشيخه خلاص الله يرحمو ان شاء الله بس مايصير الي تسويه في نفسك ..
فاتنه : يعني ايش تبغاني اسوي ارقص واغني واخويا مالو اسبوعين متوفي ..
عبد العزيز : فتوونه ياقلبي الدموع مابتسوي شي خلاص اترحميلو مابيدك شي تسويه وربي يتقطع قلبي لمن اسمعك تبكي ..
فاتنه : عزووز تبغه شي انا حسك لأني من جد تعباانه ..
عبد العزيز : سلامتك من التعب ياعمري فيني ولا فيك يارب ..
فاتنه : باي ..
عبد العزيز : فتفوووته ..
فاتنه : نعم ..
عبد العزيز بصوت طالع من أعماق قلبه : احبــــــــــــــــــــــــــــــــــــــــــك ..
فاتنه : وانا كمان يلا باي << أبو الدف بس ..
عبد العزيز بقلة حيله : الله معاكي ..
قفل منها وكل ماله يفقد الامل فيها .. اليوم الي ماينتظره قرب .. ساعة الصفر بتحين .. يوم فراقها قريييييييب قرييييب اكثر من ماتتوقع .. شهرين بتكون آخر شهور حياته فرح وسعاده وبقية حياته تعاسه × تعااسه ... بيتزوج الي يكرهها قلبه بيتزوج الي مابغاها بيوم زوجه .. غصب عنه وعنها .. بس حكم القوي على الضعيف << هذا المثل الوحيد إلي ماأعترف فيه ..مو من حق أي احد بالدنيا يحدد مصير انسان ثاني ولو كان احق حقيق عليه .. حياة كل شخص ملك له هوا وبس هوا الي يتحكم فيها ويمشيها مثل مايبغه .. بس للأسف التسلط والأنانيه طغت على كــــل معنى للإنسانيه في هذا الزمان ..

_-_-_ اليــوم إلي بعـدهـٍ _-_-_

فهد : فجججججججججججججججر فجوووووووووووووره ..
فجر طلعت من غرفتها على صوت فهد : اشبك ليه تزعق بسم الله ؟
فهد : تعالي بكلمك شويه ..
راحت فجر جلست مع فهد بالصاله الكبيره: نعم ايش فيه ؟؟
فهد يفرك يدينه بقلق : سلامتك بس فيه موضوع بكلمك فيه ..
فجر : قول قلقتني
فهد : لا تقلقي ولا شي بس انا قررت اكمل دراستي برى ..
فجر : ايييش ؟؟
فهد : اكمل دراستي برى اشبك ليه مستغربه ..
فجر : لاء بس غريبه اتخذت هالقرار
فهد : ليه يعني انتي ماتعرفي انو اهم شي بالنسبه ليا مستقبلي وانا قررت اكون مستقبل افضل برى ..
فجر: بس يافهد احنا دحين محتاجينك اكتر من أي وقت بعد وفاة فآيـ..ـز الله يرحمو مالنا في الدنيا غيرك انتا وفراس ..
فهد : يافجر انتو كبار وكل وحده فيكم تعرف مصلحة نفسها وانا واثق فيكم ثقه كبيـــره ومتآكد انكم مو محتاجين لا ليا ولا لفراس انتو قدها وقدود انتي دحين امي واخواتي محتاجينك أنا ابغه اشوف مستقبلي الي مالي غيرو ..
فجر : طيب والشركه ؟؟
فهد بملل : ايش فيها الشركه ؟
فجر : فهد والله انك تحيـر دحين الشركه لكم النص فيها بتسيبوها لعمي وولدو ؟
فهد بخبث : ههههههه لا ياعمري والله ماأسيب حقي يضيع وياكلوعمي وولده انتي لا تشيلي هم بس ..
فرح : طيب ومتى نويت السفر ؟
فهد : والله مـآدري لسه بفتح الموضوع مع فراس ونشوف ..
فجر : لسه ماقلت لفراااس ؟؟!؟!؟
فهد : لا جيتك انتي لانو فراس اكيد مابيعترض بس حبيت اخذ رايك واسمع موافقتك بإذني انتي عارفه اني ماقدر اسوي شي الا برضاك ..
فجر ابتسمت بحنان : روح الله يوفقك ويسهل عليك واشوفك مهندس قد الدنيا ..
فهد : تسلمي يالغاليه .. يلا عن اذنك ..