قالت: من انت؟ وقلت: مجموعة انسان
من كل ضد وضد تلقين فيني
فيني نهار وليل وافراح واحزان
اضحك ودمعي حاير وسط عيني
فيني بداية وقت ونهاية أزمان
اشتاق باكر واعطي أمسي حنيني
واسقي قلوب الناس عشق وضميان
واهدي حيارى الدرب واحتار ويني
واحاوم طيور السما حوم نشوان
واسيل الوديان دمعي حزيني
في عيني اليمنى من الورد بستان
وفي عيني اليسرى عجاج السنيني
تهزمني النجلا وانا ند فرسان
واخفي طعوني والمحبة تبيني
ان ما عرفتيني فلاني بزعلان
!!!حتى انا تراني احترت فيني