صارلي عامين عنها وكثر الصبر زاح......والزمن خان المشاعر وبيح سدها
.
جيت للذكرى والشوق وأيام الجراح ......والهموم اللي خفوقي يعجز عن عدها
.
كل ياللي يوم أقفت عزومه ثم طاح .........ماله الا قولت فلان تكفى مدّها مدّها
.
طالبك طالبك طلبه ثم صاح...................يرتجيه يقول هذي يامين يشدها
.
قال : ماتذكر من يقول :لاتهزك رياح..........والصعايب دايم الدوم خلك ندها
.
قالت: أنا أذكر موقف صارمنهالدم فاح.............موقف دمرحياتي وفعلا هدها
.
مع هنوف حبها صابني مثل الرماح..........وكل الابواب الوسيعة بوجهي سدها
.
أذكر اني جيتها وأقبلت والعطرفاح ............وشوف عيني يوم قام يتمايل قدها
.
وبين كلمة كيف حالك ويسعد هالصباح........صبحتني بنت الجود وأبدت ودها
.
كنت احسبني تمنكت مثل الاجتياح.........في المشاعرهاوسيطرت لآخرحدها
.
قلت:من باب التغلي ومن باب المزاح......لونويت البعد ياهل ترى وش ردها
.
قلت:أنا ناوي على البعد واطلبك السماح ......وضحكت قدام عيني كانه ودها
.
قلت : فرقة ،قالت : أدري وش اللي عاد راح....قلت: أبديها،قالت :تفضل بدها
.
قلت: نبدأ،قالت : ابدأوفيك الارتياح...........نفسك اللي تطلب البعد منه ردها
.
قلت: أناأمزح ،قالت:المزح مامنه صلاح....يوم تسحب كلمتك ليه ماأنت بقدها؟
.
قلت: يالله لعن أبو من رقت نفسه وشاح....عزته صوب المراجل وعقب لدها
.
ماانت أول من سكن بالمشاعر واستراح....وماأنت أول من سبتني برقة خدها
.
ولاأنت آخر من سنابرقها للعين لاح.......وتعبت رجلي ولاجيت حروة خدها
.
ارحلي عني وأنا في سعادة وانشراح.......ورجعتك مهمايطول الزمن لابدها
.
كلها يومين وتجين مكسورة جناح........مثل برق صابه الطير عقب هدها
.
قالت : اسمع كان غيري ترجالك وناح.......لاتحسبني ضعيفة وسهل تردها
.
وان كان غيري صدها دايم عندك مباح.....والله ان يجيلك صد ماهو بصدها
.
كأنها اللي قالت مالي الصياح الاالصياح....ثم اسكتت حتى تمادت وجابت حدها
.
حدعلمي يوم قفيت أكافحها كفاح.........ورحت منها واقفة تعتري في جدها
.
هي مره ياالربع وش لون لو معهاسلاح....أشهد انه خاسر اللي وقف ضدها
.
لاسلم قلبي ولاحالفه حظ ونجاح..........وفوق هذا رحت منهاوهو في يدها
الشاعر ناصر العازمي