ياصدمتي في أكثرأحبابي وياخيبة ظنوني..
ياضيق صدري لاذكرت اني عليهم ماكذبت..
ياطعنة خلتني أنسى من سبايبها طعوني..
ياجرح ماله طب حتى لوأقول اليوم طبت..
البارحه والله يكون بعون أحاسيسي وعوني..
أحاول أهرب من عمايلهم ولكن ماهربت..
ماكنت أحس اني أنا أنا وهذا الكون كوني..
أمر في حالة ضياع وشبه غيبوبه وكبت..
أحباب أي أحباب ذول اللي على موتي خذوني..
الظاهر اني شبت يا عالم وأنا مابعد شبت..
سألت نفسي: هم يبوني صدق؟ وإلا مايبوني؟
أجبت نفسي وليتني على سؤالي ما أجبت..
اللي لهم مده وهم في داخلي وأستغفلوني..
ياما أستغلوا طيبتي معهم وكل اللي وهبت..
وهبتهم قلبي وشعري وكل ماحولي ودوني..
تعبت معهم بس ماكني رغم هذا تعبت..
شعرت فعلآ بالعذاب و<غصة الدمع> بعيوني..
قربتهم مني وأنا اللي كنت أحسبني قربت..
عشانهم قررت ابيع اللهم من العالم شروني..
عشانهم بطلت لعب وليتني والله لعبت..
مادامهم ماقدروا صدقي ومعهم جرجروني..
لو أدري آخرها كذا من أول الدرب انسحبت..
أحبابهم واجد .. ولاأدري ليه بالذات أخدعوني؟
<مع أن عمري ماخدعت أنسان أوحتى قلبت%%>..
ياقوها صدمه وأنا لون الغدر ماهوب لوني..
وربي ماأنلام لوبعد الذي سووه غبت..
ماكنت ناقص صدمه أخرى في حياتي واصدموني..
مصدوم خلقه لين مات الحب فيني وانعطبت..
ألحين مدري كيف أعاملهم وهم ماقدروني..
مااستوعبوا للي كتبت من الجروح وماكتبت..
ماكنت حاسبهم يبيعون الغلا يومي حسبت..
اثرالغلط مني لأني كنت معطيهم جنوني..
لكني أعلنها صريحه تبت والله ثم تبت..
ما عاد لي رغبه أجدد في علاقتهم طعوني..
خسرت في هذا الطريق أضعاف ضعف اللي كسبت..
أحسن لي أبعد وأشتري نفسي ولاخيبة ظنوني..
إن طبت من جرحي وإلا جعلني
مايوم طبت..٠
::: ::: ::: :::: ::::
¿¿غلطتي واحتملها يوم اعامل بطيبي
واحسب الناس مثلي واضحين النوايا¿¿..!!