[نايف الشريف]

اقتباس المشاركة الأصلية كتبت بواسطة شاعر الدرر هذة القصيدة كتبتها عندما كنت مشتركا في احد المنتديات وحصل لي انقطاع لمدة شهر لظروفي الصحية ولم اجد من يتذكرني ولو باتصال او حتى برسالة فقررت بعدها الرحيل لان الشئ الذي يبقي بين الاخوة هو الصداقة فإذا انقطعت او بُنيت على مصالح فلا تستحق ان تبقى صداقة(ن) خالدة فأحببت ان ادونها لكم علها تنال اعجابكم بذكر الله بديت القاف سبحانه عليم الحال=واثني ياصلاة الله على المبعوث مرساله شهر وآاانا بعيد آاارافق الاوجاع والآمال=اقل يمكن حدا اخواني اجي فجئه على باله ارافق حزن ياسرني ويعزف بالحشا موال=ألم محدن حشا قبلي تجَرع قاسي اهواله هذا قدري وانا وافي مع الاصحاب والاطلال=هذا قدر العيون اللي بدمع الدم همَاله تمنى النفس لو كلمة تسلي خاطري بسؤال=او احساس(ن)يواسيني عسى ماشر وش جاله عجايب كيف دنيانا خذت منا عظيم خصال=تناسينا معاني الود واسبابه ومنواله صداقة بس في وقت الرخا وتبادل الاعمال=ووقت الضيق ماتلقى احد وافي بأفعاله صدق من قال اصحابك اذا مروا على الغربال=فرزهم ما بقى واحد من المجموع باجماله بعصر التقنية والنت وخدمة زين والجوال=سؤالي وش تفيد اللي شعر باجحاف بوصاله؟؟ ابرحل يا عسى ربي يصبرني على الترحال=وربي عالم الخافي وصدق احساس من قاله

بديت القاف بإسم اللي وزن بالمِدْ والمثقال=فعول ٍ للعرب ماهي خفيّه دوم تحصى له
إله ٍ ماظلم خلقه وعدله عم كل اجيال=إلا منه مسسني الـضــُـر ربي دوم الجأ له
نعيش الوقت والدنيا مراسيها ثقيل إجبال=حتى السيل لامن سال يمشي درب مسياله
وكل ٍ بالحيا ماشي ثِقِيلِه مع خِفِيفِه شال=ماله كود صبر اليوم دام إن الحِمل شاله
انا ماقول قولي دش لجل يقال نايف قال=أعَرْف القول لاقلته وحط القول منزاله
اقول الناس فالدنيا كما هي حالة الجمّال=اشوف الوقت والدنيا وفيها الناس جمّاله
كفايه دام فالدنيا لقانا في شهر شوال=عيد ونلتقي به يوم ثم الكل في حاله
مشاغل والحيا فيها عيال وشغل ورزق ومال=حتى الخير ماياصل ولازم دون نسعى له
صحيح إن الوفا مطلوب وننشد كيفها الأحوال=لكن من يغيب اليوم دوّر عذر ترضى له
أهَمْ الشي لابه جرح او هَم ٍ ودمع ٍ سال=أمّا البعد فالدنيا فكل ٍ راح لأعماله