[blink]عشان الحب أذل نفسي روايه رومنسيه خياليه
[/blink]
الباراتـ السابعه
ــــــــــــــــــــــــــــــــــــــــــ
عبد العزيز مايتحمل يشوف دموع رشا فقرب لها وحظنها بحظنه
عبد العزيز بحنان : يا جنوني دمعتي ولا دمعتك دموعك تعذبني ( ورفعها من حضنه )
عبد العزيز وهو يرفع خصلات شعرها اللي طاحت على وجهها وتبللت من دموعها
وبهمس : سمعت عذابي اهي دموعك إن كنت تبين عذابي خليني أشوف دموعك
رشا بأبتسامه وسط دموعها : خلاص ما راح تشوفها مره ثانيه لإني أحبك ما أبي عذابك
عبد العزيز وهو يمسح دموعها الباقيه : توني أدري أني محبوب
رشا : يا عيني على الثقه
عبد العزيز بنظره تذوب وتذبح : مو أنا جنوني رشا
رشا بثقه : إلا ( كانت تبي تموت من نظرة عيونه )
عبد العزيز بنفس النظره : خلاص من حقي أصير واثق
رشا : إذا كان كذا معاك حق
عبد العزيز : كل الحق مو حق واحد
رشا : ولا يهمك كل الحق
عبد العزيز : ايه كذا أنتي تعجبيني مع أنك أوقات مجننتني
رشا بأستغراب : ما فهمت قصدك ممكن توضح
عبد العزيز : يعني أم ولا أخليك تفكرين فيها وإذا لقيتي الإجابه قولي لي
رشا ببراءه : يعني قصدك الدائم يا جنوني
عبد العزيز بنظرة أسف : لا لها معنى ثاني
رشا : معنى ثاني ؟؟؟
عبد العزيز : فكري فيها وبعدين قولي لي أوكيه
رشا : مع أني مو فاهمه بس أوكيه
عبدالعزيز : أقول ممكن شي بارد
رشا وهي تقوم : أوكيه
عبد العزيز بنظرة تفحص : تعالي تعالي
رشا : هلا
عبد العزيز : وهو يقوم ويمسك سلاسل رشا وبمزاح : لهدرجه
أنتي تحبيني حتى سلاسلك بحرفي لا لا مو لهالدرجه عاد ما صار حب صار تخلف
رشا بنظرة حب : أكون متخلفه لعيونك
عبد العزيز يحط يده على قلبه : رشا ما أقدر أسمع هالكلام احس أني أبموت ياناس يا عالم رشا تبي تكون
متخلفه لا لا ما يهون علي رشا تكون متخلفه وعشان أيش عشان عيوني
ياناس ياعالم والله تنعمي عيوني ولا تصير رشا متخلفه
رشا بأنفعال : هي هي هي لا والله تنكت
عبد العزيز بنظرة حب : توني أدري أن كلام الحقيقه ينكت
رشا بتجاهل : وش تبي تشرب
عبد العزيز بأبتسامه : أي شي من يدك
رشا : أوكيه بس شو
عبد العزيز : ابي شي بارد
رشا : بيبسي مثلا
عبد العزيز : لا مو من يدك
رشا : أجل عصير
عبد العزيز : ايه بس أنتي تعصرينه من يدك
رشا بأبتسامه : من عيوني كم عبد العزيز عندي
عبد العزيز بغرور : واحد اللي أهو أنا
رشا وهي تروح المطبخ : قلتاها
( في بيت عبد العزيز )
كانوا الشله توهم واصلين
ريم : يا الله اليوم أول يوم أشترى مثل هالملابس
فيصل : وأخر يوم
ريم : نعم عد ما سمعت
فيصل : نعامه ترفسك أنشاء الله
ريم : أنت مو أنا
لين : خلاص أنتي وياه
ريم : ما سمعتي وش قال
لين : يستهبل
فيصل : وشكلي بأكون جاد
ريم : لا لا ما تقدر أنا ريوم وشلون ما توديني السوق وأنا حبيبتك
فيصل : تهبين تكونين حبيبتي
ريم : على تبن
فيصل : على تبنين بس
ريم وهي تقوم : أنا أصلا ما أعطي البزران وجه
فيل : لا و الله أحلفي
ريم : والله
لين : ما عليك منها أسفهى
فيصل : قلتيها
ريم : تصبحون على خير
لين وديم : وأنتي من أهله
فيصل : وأنتي من عدوانه
ريم : نعم ما سمعت
فيصل بغرور : كلام الشيوخ ما ينعاد
ريم : ههههههه بصراحه موتني من الضحك أنت شيخ
فيصل : مو أنا بزر ليش تعطيني وجه
ريم : أوه صح نسيت
فيصل : يله يا صبايا أنا طالع
لين : وين
فيصل وهو يطلع : مالك دخل
لين : أوكيه أوريك يا فيصلوه وش دخلني زين
فيصل وهو يطلع : باي
ديم : أقول لين وش صار على ريان
لين : ما أدري إلا هالحين عنه
ديم : تتوقعين يسفهك ولا يكلم عبد العزيز
لين : والله ما أدري ترى حدي خايفه
ديم : خايفه من أيش مثلا أنه ما يتقدم لك
لين : ما أدرى الله يخليك خلينا نسكر الموضوع
ديم : اللي تبينه
لين : أقول خل ننوم من اليوم واحنا ندور بالسوق
ديم : قلتيها أمشي يله
لين : يله
( في بيت زياد )
كانوا زياد ورانيا توهم دا خلين
رانيا : أقول زيود ورى ما تشيلني وتوديني غرفتي
زياد : هههه هههه هههه ضحكتيني
رانيا : بدال ما تقول أنشاء الله تضحك
زياد : لو أنك زوجتي كان شلتك لكنك مو زوجتي
رانيا وهي ترقى : أقول نكمل نقاشنا بكرى أنا أبي أنوم
زياد : تصبحين على خير
رانيا : وأنت من أهله
زياد طلع من البيت
( في بيت بنات أبو متعب )
بيان : أريم أريم
أريم : ـــــــــــــــــــــ
بيان : هي أنت اكلمك
ليان : ههههاي يقالي إلا هالحين زعلانه
أريم : لا والله
ليان : أشوى أنك تكلمتي توني بأقول أنك صرتي من الصم
أريم : ههههههاي لا والله
بيان : وأنت ما عندك لا والله
أريم وهي ترقى : الحقران يقطع المصران
بيان : ههه نعم عيدي أموت أنا
ليان : خلاص رقت ما راح تسمعك
رنيم وهي تنزل : ها شوفو حلو علي أو لا
ليان وبيان : وااااااااااو
رنيم بفرحه : يعني حلو
ليان : جنان
بيان : نزيف
رنيم وهي تحضنهم : تسلمون يا أحلى خوات وصديقات بالدنيا
ليان : الله يسلمك
بيان : وش دعوه كل هذا عشان قلنا أنه حلو
رنيم : لا لأني في جو رومنسي
ليان : أنشاء الله الرومنسيه دوم مو يوم
رنيم : لا أنشاء الله أنا أبي أكشن
بيان : شف في أحد بالدنيا يبي حياته ضرب وهواش
رنيم : أنا
ليان : أقول بس أنا أبي أنوم تصبحون على خير
رنيم : وأنت من أهله
بيان : أقول رنيم أبي فلم حلو
رنيم : أفا عليك عندي أفلام مو فلم
بيان : بس أبي هندي
رنيم : يع يع أنا ما أحب إلا أمريكي
بيان : طيب يله
رنيم : يله
( في سيارة وليد )
وليد يكلم فيصل
وليد : ها أنتو بتجون
فيصل : أفا عليك بس شويات وجايك
وليد : طيب وزياد
فيصل : حتى زياد
وليد : طيب وين نروح
فيصل : لأستراحة الشباب
وليد : أوكيه يله
( في بيت رشا )
رشا في المطبخ تبي تسوي عصير لعبد العزيز
رشا : أممم أحط برتقال ولا مانجو أف والله ما أدري
عبد العزيز وهو يدخل المطبخ : لا هذا ولا هذا
رشا وهي تلتفت : أجل أيش
عبد العزيز بنظره حب : أجل أيش
رشا : أها يعني وش تبي
عبد العزيز وهو يقرب لها : أبـــي
رشا وهي متصنمه من قرب عبد العزيز لها وبهمس : وش تبي
عبد العزيز وهو يقرب لأذنها وبهمس : أبي قلبك يكون لي طول العمر وما يكون لأي شخص غيري
مهما كان ( وبعد عنها )
رشا كانت نبضات قلبها تنبض بقوه
عبد العزيز بنظره مليئه بالحب : وعـــــد
رشا وعيونها متعلقه بعيونه : وعـــــــــــــــــــــــــــــد
عبد العزيز وهو يمسك يد رشا : أمشي خل نطلع من المطبخ
رشا بأستسلام : يله
عبد العزيز وهو يجلس : وش فيك واقفه أجلسي
رشا : ها أيه بأجلس
عبد العزيز بأبتسامه وبنظرة خبث : أجلسي مو البيت بيتك
رشا : إلا
عبد العزيز : أوكيه أجلسي
رشا وهي تجلس : يله جلست أرتحت ألحين
عبد العزيز : دامك مرتاحه أنا مرتاح
رشا : عزيز ممكن طلب
عبد العزيز : يوه مو كفايه أنك ما خذه عقلي بعد تبين طلب
رشا بجديه : لا زيزو بجد
عبد العزيز : أمرى لو تبين قلبي لك مع أنه لك أصلا
رشا : أبي أعرف أبوي وش قالك بالضبط
عبد العزيز : ماله داعى
رشا : يمكن لك لكن لي أنا مهم
عبد العزيز بنظرة أسف : يعني وش تتوقعين أنه قال
رشا : ما أدري بس وش قال
عبد العزيز وهو يمسك يدها : مو لازم تعرفين أهو وش قال الأهم
متى تبين حفلة الخطوبه
رشا بضيقه : أي وقت أنت تحبه
عبد العزيز بحنان : يا جنوني ما أبي أشوفك متضايقه لو على أتفه سبب
رشا وهي تقوم : عبد العزيز أدري أن أبوي قال كلام مو حلو عشان كذا أنت ما تبي تقولي
عبد العزيز : لا من قال
رشا : أنت
عبد العزيز : أنا
رشا : يس لو أنه قال كلام حلو كان قلتالي
عبد العزيز : لا بالعكس قال هاذي بنتي الوحيده وما أبيك تزعلها لو بكلمه
رشا تضحك بأستهزاء وتحاول تخفي دموعها : هههههه لا والله صدقـــتــ
عبد العزيز وهو يحط أصبعه بفم رشا و بحنان : أووووش أوووش ما أبي دموعك تنزل يا جنوني لأني ما أبي أتعذب
رشا تحاول تخفي عبراتها من قهرها من أبوها
( في إستراحة الشباب )
فيصل : السلام عليكم
الشباب : وعليــــ هلا و غلا
فيصل بأبتسامه : طيب كملوا السلام
الشباب : وعليكم السلام
فيصل : أيوه أنتو كذا حلوين
ياسر : يا عيني على الحلاوه
سلطان : وين زياد ووليد
فيصل : بالطريق
زياد ووليد : السلام عليكم
الشباب : وعليكم السلام
فيصل : الطيب عند ذكره
وليد : صادقين
ياسر : يا عيني على الثقه
فيصل : أجلس أنت وياه خلونا نلعب ونستانس
زياد : وين عزيز
عبد الرحمن : مو فاضي لكم
فيصل : ليش وينه
عبد الرحمن طالع من الساعه 7 وإلى هاحين ما جاء
فيصل وهو يدق على عزيز
عبد الرحمن : لا تعب نفسك مقفل الجوال
فيصل : خلاص أجل أحنا خل نستانس ونلعب
ياسر : يله
وجلسوا يلعبون وبعدها طلع كل واحد منهم
( في بيت زياد )
زياد توه داخل ولقى إياد
أياد : هلا
زياد وهو يجلس : هلا فيك وش أخبارك
: تمام وأنت
زياد : تمام الحمد لله
إياد : أها طيب ترى ملكة رانيا بعد أسبوع
زياد : مشاء الله وأنا أخر من يعلم
إياد : والله من كثر ما أشوفك من أول ما وصلت توني أجلس معاك كل ما سألت عنك طالع
زياد : أها طيب خلاص اللي يسمعك يقول أني واصل من شهر
إياد : وش أخبار فيصل ووليد وأمريكا
زياد : تمام الحمد الله
إياد : طيب قلي وش صارلك فيها
زياد : تعرف دراسه وطلعات ما فيه أشياء تذكر
إياد : أها طيب الملكه تبي تعزم فيها أحد
زياد : أكيد أبي أعرفك على صديقتي الجديده
إياد بأستغراب : صديقتك الجديده
زياد : أها تعرفت عليها أهي وصديقاتها بأمريكا
إياد : أها
زياد : آه لو تشوفها جـــنـــان
إياد : أنشاء الله أشوفها وأقولك رايي يله فمان الله أنا أبي أنوم وراى بكرى شغل
زياد : فمان الكريم وتصبح على خير
رانيا وهي تبي تلحق على إياد : إياد أصبر
إياد : هلا
رانيا : أبي منك بوسه
إياد : بس أبشري توقعت فيه موضوع خطير على كل هالركض
رانيا : فيه أحد يحصله بوسه من أحلى أخو بالدنيا ولا يركض
إياد وهو يحبها : الله يسلمك
زياد : إيه أنا لي الله
إياد : يا شين الغيورين
زياد : ما غرت بس أقول أن أنا مالي غير الله
إياد : أفا وأحنا وين رحنا
زياد : ما أدري
رانيا وهي تحب زياد : ولا يهمك وهاذي البوسه
إياد : يله يله تصبحون على خير
رانيا : وأنت من أهله
زياد : والله أخوك هذا أوقات أقول أنه معقد وأوقات أقول أنه فله
رانيا : أنت أصلا ما تعرفه لو تعرف أخوك زين ما قلت هالكلام عليه
زياد : لا يا شيخه أحلفي
رانيا : والله
زياد : تدرين أنا الشرهه علي أنا اللي واقف أكلمك يله أنا أبرقى أنومم
رانيا : تصبح على خير
زياد : وأنت من أهله ألا أنتمو تقولين أبي أنوم ورىما نمت
رانيا : كذا
زياد : غريبه مو انت تبين تنومين
رانيا : إلا بس ما نمت
زياد : لا بجد حلوه تبي تنوم بس ما نا مت والله أني كل يوم أكتشف أن البنات غريبين
رانيا : شفت عاد
زياد : ايه والله
زياد : أقول أنا أبي أنوم تصبحين على خير
رانيا : وأنت من أهله
( في بيت عبد العزيز )
فيصل توه داخل وما لقى أحد فرقى لغرفته
ودق على عبد العزيز ولقى جواله مقفل
فيصل : أف أف ذا وين ذلف بس والله ما راح أنوم إلى إلين يجي
( في بيت وليد )
وليد دخل ولقى أمه وجلس معاها
وليد : وش أخبارك يا أحلى أم
أم وليد : تمام
وليد : هذا أهم شي
أم وليد : وأنت وش أخبارك
وليد : تمام الحمد لله
أم وليد : وليد
وليد : هلا بعيون وليد
أم وليد : يا وليدي ما ودك تتوظف عشان أزوجك
وليد بأبتسامه : مين تزوجيني
أم وليد : بنت الحلال اللي تستاهلك
وليد : يا أمي أنا في وحده في بالي بس أستناها إلين تخلص من الدراسه
أم وليد : من هي
وليد : وحده
أم وليد : أدري أنها وحده أنا قلت أنها واحد
وليد : وحده وخلاص
أم وليد : ومتى تخلص من الدراسه
وليد : أمممممم يمكن بعد ثلاث ولا أربع سنوات
أم وليد : الله
وليد : هاذي أهي وأنا يا أحلى أم ما خذ وعد مع نفسي أني ما راح أتزوج غيرها
أم وليد بأستسلام : الله يسهل
وليد : يله يا أمي أنا بأروح أنوم
أم وليد : تصبح على خير
وليد : وأنت من أهله
[blink]نتااااااااااااااابع كمان [/blink]