منتديات الـــود - عرض مشاركة واحدة

قلب الزهـــور · 21-05-2009, 11:01 PM

[blink]

[/blink]

عيني عوفه

قدر ظروفه

مايشوفك لاتشوفه

واللي عافك يالله عوفه

خله وسط القلب خوفه
عيني عوفه

هوبايع وانت شاري

وبعذابك ماهو داري
ليه تتعب ليه تتداري

سيبه عذب حبيبه

عيني سيبه

انا من سمعت هالمقطع وانا ارقص كاني مو انا بس في شيء بداخلي ابطلعه

وكان بدريه معي ترقص ......
لما خلصت قعدت من التعب

آآآآآه ياقلبي تعبت وانا اروقص

بدريه: والله يأن رقصك شيء اباخذا عندتس تدريب هههههههههه

لولوة:ايه عاد فاضيه تعالي نرقص ونلعب ونهيص والله ماحد داري عنا عيالنا كانهم ماهم ساكنين هنا

بدور: <<اخت بدريه

لاااااا حنا جينا هالمره المره الجايه انتي تعالي لنا تكفين حنا خالي بس يجي يلعب شوي معنا بلستيشن ويروح شغله ويرجع ينام وهاذي هي فاضي مابه احد الا حنا

لولوة: خلاص اذا طلع خالتس وصرتن فاضيات دقن علي وانا اجيكن ...
بدريه: تدرين لولوه شكلتس والله ماهو باين انتس متزوجه مره قلت لامي قسم كأن عمره 17 قالت قولي ماشاءالله لاتصكين البنت عين ههههههههههههههه

لولوة: ههههههههههه اذكري الله لاموت والا انتفخ

بدور: ههههههههههههه عاد ذبحتنا مره قالت عند خالي هو كأنه مايدري وانا ادري اذنه هالكبر قاطه عندنا

لولوة: ههههههههههه الله يخستس ثاني مره لاتمدحيني عند احد ترى حرام خاصه اني متزوجه بعد

بدور: خبله ماعليتس منه خليه تولي

كان بيدي الريموت وافرفر وهي تكلمن ووقفت على فواصل قلت لهن اص اص ابسمعه يقولون حلوه

وجت على قصيده سعد علوش

تضيق بي الدنيا بكبرها من معابيس الوجيهه

وهذاك لامنه تبسم شفت للدنيا طرف

مني واليه احببته وهو حبني منه واليه

من غير لا انا اعترف ومن غير لاهو يعترف

ليه اتحاكا وكل ابوي يعرف غايه كل ابيه

ليافرح افرح ودمعه لاذرف دمعي ذرف

اغليه يعني اعشقه اعشقه يعني اموت فيه

يعني انا ميت مع عشقه ومرتبة الشرف

ميت ويعشق والسبب مافيه داعي اني احكيه

الغيد في الدنيا هو وهو لحاله محترف

الشامخ اللي لاقبل وحظن ايديني في يديه

تراعدت فرايصه بالغنج وتساقط ترف

امشي معه من غيرلاكيف وليه

من حيث مايجرفني اغمض عيوني وانجرف

ان قال لا اقول لا وان قال ايه اقول ايه

ماعرف ماسمع مارى مارى ماسمع ماعرف

اللي اعرفه اني ابيه يتجمل بي وابيه

وكان العدل في صدته سجلني اكبر منحرف

يغفرلي الله والله يديمه ويرحم والديه

علمني ان البعد نكست حال والصده قرف

يازينه انا وبدريه على المود نفسه اعجبتنا وبدور ماتحب الشعر

كنا نسولف عن الكليه ويبني اجي زياره وماكان ودي لان خايفه تحشرن العميده لانه صارت ببنات عمي منصور مره وعافن الزيارات هههههههههه وعلشان مازعلهن قلت : خلاص ان شاء الله بس عطني وقت بعد من زمان عن بنات المدرسه ...
وطلعن مع امهن وراحن طلعت للحوش ومعي كاسة شاهي وقعدت جنب شجرة الرمان اللي ابوي زرعه هو وسعود ونواف يوم كنت بالمتوسط قهر هم غابووابوي خذاهم معه راحوا المشتل وجابو شجر وزرعوهن وزعلت على ابوي بس ماعطاني وجهه ههههههههههههههههههه
اكيد انتم مستغربين بنت بعمري المفروض داخله الكليه راح اقولكم ليش مادخلت الكليه اخر سنه بالثانوي صارت سالفه فيصل وكنت شبه منهاره بس مابي ابين لامي حيل علشان ماتتعب لاني ادري حيل تشيل همي
اروح للمدرسه اطلع حتى من الفصل اقول تعبانه للمدرسه وتطلعن والله كانن يحترمني لاني كنت متفوقه وفجأه باخر سنه نزل مستواي يمكن يحسبنه فتره بس انا ماجبت حتى نسبه بالستين يعني كليته لا مستقبل ولا شيء وكل مره يسألني مدرساتي كنت اقول ظروف عائليه وحالة وفاة ومره كنت طفشانه وافكر استئذنت رحت لابله فايزه مدرسه الفيزياء ياحبي له كانت عندنا وهي من اهل المدينه حبيت كل اهل المدينه ياحبي له جيته وقعدت بحوش المدرسات وقلت له عن السالفه كله ...وقالت لي : تبين رايي ؟؟
قلت : اكيد يأبله لو مابيه ماجيت يمتس ؟؟
قالت: من باعك بيعيه يالولوة صدقيني لو هو شاريكي ماباعك وحتى لو تزوجتي منه اذا هو بيسمع كلام امه راح يسمعه حتى بعد زواجكم فانتي اعتبريها خيره من ربنا ياحبيتي

لولوة: بس يأبله له غلا هنا وله مكان <<<واشرت على قلبي
ابله فايزه: انتي تبين تختارين بقلبك والا بعقلك؟؟

لولوة: بعقلي يأبله

ابله فايزه: اجل اسمعي كلامي لانه اخترنا كلام العقل ...

ارتحت لكلامه مع اني مانكر للحين موجود لفيصل غلا بقلبي ....وراح يبقى له جزء من قلبي للموت

اليوم ببيتنا الكل يجهز وانا مستغربه من لولوة ليش ماجت
معقوله طلال ماقاله والا وش السالفه يمكن مسوي مفاجأه او هي مسويه مفاجأه على الاقل ترتب شقته ياربي وش ااسوي بالشفايه( حب الاستطلاع )

لازم اتأكد من طلال ....
طلال اللحين بالطياره وش اسوي ....
انطري يما طلال يوصل واساليه مالتس امل من يبي يعلمتس مافيه احد يدري يمكن او يدرون ومايبون يعلموني والله اموت اذا يدرون بشيء وماعلموني
خليني انفش هالشوشه واسوي شعري جعد ولاخلصت اتفضى لطلال ومرته ...

الساعه 7 المغرب وتوهم وصلوا طلال وفهد وامي تبتسي بعد قلبي يامي كم شهر ماشافت ضناه عاد طلال حبيب القلب ...وفهود له الغلا كله وانا كملت مع امي بصراحه ماحب اشوف دموع امي تدرون وش اللي بكى امي اكثر انه رجع يمشي بس ماهو حيل بس واقف وبه عرج بس الف حمد وشكر وين كنا وكيف صرنا ...
وخواتي سونه مناحه وهو يضحك ويهدي بهن

طلال: ترى ارجع لفنزويلا...
ضحكو على طلال

الا انا ام لسانين
منال: ياويلك من لولوة تحرق بك وانت حي...

تبسم لي وقال :حسابتس بعدين ..
منال: طلال لولوة ماتدري انك تبي تجي؟
عطاني نظره شكله تقول النظره انطمي ...
سكت وانا احس داخلي جمره ....ياربي معقوله فيه رجل بالدنيا مايقول لزوجته اليوم اباصل من السفر والله انه ماقاله لان لولوة بنت اصل والله تسوي الواجب حتى لو زعلانه مار اخوي متكبر ياويله من الله ياربي مرزوق مايسوي بي كذا قسم انجلط انا مو مثل لولوة ...

.....

انا من بعد ماراحن ام بدور وبناته رقيت فوق وشغلت التلفزيون وقعدت ادور فليم رومنسي احس بي فقر الا مو احس الا انا الفقر براسه ...
حطيت مخده على الارض وانسدحت

طق الباب ...
والا امي جايه

لولوة ..
لولوة: هلا يمه تبين شيء؟؟
ام سعود: ايه ابيتس تقومين تجهزين وتلبسين رجلتس وصل ...وعند اهله عشاء نبي نروح ...
لولوة:وشووووووو؟ وانا اخر من يعلم متى وصل؟
ام سعود: تقول ام طلال المغرب وصل؟؟؟
لولوة: تبين الحق يمه طالت وشمخت انا زوجته اخر من يعلم ولو تاصل للطلاق قسم بالله مايهمن تبين تروحين روحي لحالتس..
ام سعود: اقولتس قومي ولاتزعليني اللبسي ونبي نروح مامعتس وقت كله ساعه مايمديتس تزينين ويمكن مسويه مفاجأه ...
لولوة: والله عاد قلت لتس روحه ماني رايحه لو على جثتي ...
ام سعود: معتس ساعه ارجع القاتس جاهزه....
وسكرت الباب ...

قفلت الباب وطفيت اللمبات ... سويت جوالي خدمة موجود

.وتابعت الفليم وانا منقهره من حركته السخيفه واللي تدل على اني ولا شيء بقاموس حياته ....

بعد ربع ساعه سمعت طق امي على الباب ولارديت ..
وعرفت انه راحت ...وبعده بشوي سمعت طق ابوي .....لولوة
مارديت اول مره ...سكت قلت راح ييئسون ...
سمعته صوته مره ثانيه ...
والله يالولوة ان مافتحتي لاكسر الباب على راستس ...
بصراحه خفت من ابوي ...
وفتحت الباب...
دخل وولع اللمبات ...
ابو سعود: وشو الكلام اللي سمعته من امتس ...
لولوة: أي كلام؟؟
ابو سعود: مانتي رايحه لزوجتس تهنينه بسلامته ...
لولوة: ايه ماني رايحه ...
ابو سعود: وليش بالله ماهو عيب عليتس ماحسبتي كلام الناس وش تقول ماجت تهني زوجه بسلامته...
لولوة: وهو ليش ماكلف خاطره وقالي انه وصل اليوم حتى كلام مايكلمن واذا دقيت عليه يقول ادق عليتس بعدين ليش انا رخيصه عندك يبه له كم شهر ماكلف خاطره يقول وشلونتس ؟؟
ابو سعود: قدري ظروفه رجال راح يتعالج...
لولوة: وانا ليش ماحد يقدر ظروفي ويرحم حالي حتى انتم وقفتوا معه ليش يبه؟؟؟ روحه ماني رايحه لو على جثتي يبه ولو تبون تذبحوني بعد اريح اتبع سلمى وارتاح منكم كلكم ...
صد ابوي وطلع كان معصب سكر الباب بقوه وراه وانا قفلت وقعدت ابتسي الله يحرق قلبك ياطلال .......
كله منك لو ماتزوجتك اصلن ماصار حالي كذا ...

[blink]نتااااااااااااااااااااااااابع كمان[/blink]

21-05-2009, 11:01 PM	رقم المشاركة : 118
قلب الزهـــور ( مشرفة الاستراحه والقصص والروايات) اوسمتي مجموع الاوسمة: 1	[blink] أنا ما أقدر أكون إني حبيب في بعض أحوال [/blink] عيني عوفه قدر ظروفه مايشوفك لاتشوفه واللي عافك يالله عوفه خله وسط القلب خوفه عيني عوفه هوبايع وانت شاري وبعذابك ماهو داري ليه تتعب ليه تتداري سيبه عذب حبيبه عيني سيبه انا من سمعت هالمقطع وانا ارقص كاني مو انا بس في شيء بداخلي ابطلعه وكان بدريه معي ترقص ...... لما خلصت قعدت من التعب آآآآآه ياقلبي تعبت وانا اروقص بدريه: والله يأن رقصك شيء اباخذا عندتس تدريب هههههههههه لولوة:ايه عاد فاضيه تعالي نرقص ونلعب ونهيص والله ماحد داري عنا عيالنا كانهم ماهم ساكنين هنا بدور: <<اخت بدريه لاااااا حنا جينا هالمره المره الجايه انتي تعالي لنا تكفين حنا خالي بس يجي يلعب شوي معنا بلستيشن ويروح شغله ويرجع ينام وهاذي هي فاضي مابه احد الا حنا لولوة: خلاص اذا طلع خالتس وصرتن فاضيات دقن علي وانا اجيكن ... بدريه: تدرين لولوه شكلتس والله ماهو باين انتس متزوجه مره قلت لامي قسم كأن عمره 17 قالت قولي ماشاءالله لاتصكين البنت عين ههههههههههههههه لولوة: ههههههههههه اذكري الله لاموت والا انتفخ بدور: ههههههههههههه عاد ذبحتنا مره قالت عند خالي هو كأنه مايدري وانا ادري اذنه هالكبر قاطه عندنا لولوة: ههههههههههه الله يخستس ثاني مره لاتمدحيني عند احد ترى حرام خاصه اني متزوجه بعد بدور: خبله ماعليتس منه خليه تولي كان بيدي الريموت وافرفر وهي تكلمن ووقفت على فواصل قلت لهن اص اص ابسمعه يقولون حلوه وجت على قصيده سعد علوش تضيق بي الدنيا بكبرها من معابيس الوجيهه وهذاك لامنه تبسم شفت للدنيا طرف مني واليه احببته وهو حبني منه واليه من غير لا انا اعترف ومن غير لاهو يعترف ليه اتحاكا وكل ابوي يعرف غايه كل ابيه ليافرح افرح ودمعه لاذرف دمعي ذرف اغليه يعني اعشقه اعشقه يعني اموت فيه يعني انا ميت مع عشقه ومرتبة الشرف ميت ويعشق والسبب مافيه داعي اني احكيه الغيد في الدنيا هو وهو لحاله محترف الشامخ اللي لاقبل وحظن ايديني في يديه تراعدت فرايصه بالغنج وتساقط ترف امشي معه من غيرلاكيف وليه من حيث مايجرفني اغمض عيوني وانجرف ان قال لا اقول لا وان قال ايه اقول ايه ماعرف ماسمع مارى مارى ماسمع ماعرف اللي اعرفه اني ابيه يتجمل بي وابيه وكان العدل في صدته سجلني اكبر منحرف يغفرلي الله والله يديمه ويرحم والديه علمني ان البعد نكست حال والصده قرف يازينه انا وبدريه على المود نفسه اعجبتنا وبدور ماتحب الشعر كنا نسولف عن الكليه ويبني اجي زياره وماكان ودي لان خايفه تحشرن العميده لانه صارت ببنات عمي منصور مره وعافن الزيارات هههههههههه وعلشان مازعلهن قلت : خلاص ان شاء الله بس عطني وقت بعد من زمان عن بنات المدرسه ... وطلعن مع امهن وراحن طلعت للحوش ومعي كاسة شاهي وقعدت جنب شجرة الرمان اللي ابوي زرعه هو وسعود ونواف يوم كنت بالمتوسط قهر هم غابووابوي خذاهم معه راحوا المشتل وجابو شجر وزرعوهن وزعلت على ابوي بس ماعطاني وجهه ههههههههههههههههههه اكيد انتم مستغربين بنت بعمري المفروض داخله الكليه راح اقولكم ليش مادخلت الكليه اخر سنه بالثانوي صارت سالفه فيصل وكنت شبه منهاره بس مابي ابين لامي حيل علشان ماتتعب لاني ادري حيل تشيل همي اروح للمدرسه اطلع حتى من الفصل اقول تعبانه للمدرسه وتطلعن والله كانن يحترمني لاني كنت متفوقه وفجأه باخر سنه نزل مستواي يمكن يحسبنه فتره بس انا ماجبت حتى نسبه بالستين يعني كليته لا مستقبل ولا شيء وكل مره يسألني مدرساتي كنت اقول ظروف عائليه وحالة وفاة ومره كنت طفشانه وافكر استئذنت رحت لابله فايزه مدرسه الفيزياء ياحبي له كانت عندنا وهي من اهل المدينه حبيت كل اهل المدينه ياحبي له جيته وقعدت بحوش المدرسات وقلت له عن السالفه كله ...وقالت لي : تبين رايي ؟؟ قلت : اكيد يأبله لو مابيه ماجيت يمتس ؟؟ قالت: من باعك بيعيه يالولوة صدقيني لو هو شاريكي ماباعك وحتى لو تزوجتي منه اذا هو بيسمع كلام امه راح يسمعه حتى بعد زواجكم فانتي اعتبريها خيره من ربنا ياحبيتي لولوة: بس يأبله له غلا هنا وله مكان <<<واشرت على قلبي ابله فايزه: انتي تبين تختارين بقلبك والا بعقلك؟؟ لولوة: بعقلي يأبله ابله فايزه: اجل اسمعي كلامي لانه اخترنا كلام العقل ... ارتحت لكلامه مع اني مانكر للحين موجود لفيصل غلا بقلبي ....وراح يبقى له جزء من قلبي للموت اليوم ببيتنا الكل يجهز وانا مستغربه من لولوة ليش ماجت معقوله طلال ماقاله والا وش السالفه يمكن مسوي مفاجأه او هي مسويه مفاجأه على الاقل ترتب شقته ياربي وش ااسوي بالشفايه( حب الاستطلاع ) لازم اتأكد من طلال .... طلال اللحين بالطياره وش اسوي .... انطري يما طلال يوصل واساليه مالتس امل من يبي يعلمتس مافيه احد يدري يمكن او يدرون ومايبون يعلموني والله اموت اذا يدرون بشيء وماعلموني خليني انفش هالشوشه واسوي شعري جعد ولاخلصت اتفضى لطلال ومرته ... الساعه 7 المغرب وتوهم وصلوا طلال وفهد وامي تبتسي بعد قلبي يامي كم شهر ماشافت ضناه عاد طلال حبيب القلب ...وفهود له الغلا كله وانا كملت مع امي بصراحه ماحب اشوف دموع امي تدرون وش اللي بكى امي اكثر انه رجع يمشي بس ماهو حيل بس واقف وبه عرج بس الف حمد وشكر وين كنا وكيف صرنا ... وخواتي سونه مناحه وهو يضحك ويهدي بهن طلال: ترى ارجع لفنزويلا... ضحكو على طلال الا انا ام لسانين منال: ياويلك من لولوة تحرق بك وانت حي... تبسم لي وقال :حسابتس بعدين .. منال: طلال لولوة ماتدري انك تبي تجي؟ عطاني نظره شكله تقول النظره انطمي ... سكت وانا احس داخلي جمره ....ياربي معقوله فيه رجل بالدنيا مايقول لزوجته اليوم اباصل من السفر والله انه ماقاله لان لولوة بنت اصل والله تسوي الواجب حتى لو زعلانه مار اخوي متكبر ياويله من الله ياربي مرزوق مايسوي بي كذا قسم انجلط انا مو مثل لولوة ... ..... انا من بعد ماراحن ام بدور وبناته رقيت فوق وشغلت التلفزيون وقعدت ادور فليم رومنسي احس بي فقر الا مو احس الا انا الفقر براسه ... حطيت مخده على الارض وانسدحت طق الباب ... والا امي جايه لولوة .. لولوة: هلا يمه تبين شيء؟؟ ام سعود: ايه ابيتس تقومين تجهزين وتلبسين رجلتس وصل ...وعند اهله عشاء نبي نروح ... لولوة:وشووووووو؟ وانا اخر من يعلم متى وصل؟ ام سعود: تقول ام طلال المغرب وصل؟؟؟ لولوة: تبين الحق يمه طالت وشمخت انا زوجته اخر من يعلم ولو تاصل للطلاق قسم بالله مايهمن تبين تروحين روحي لحالتس.. ام سعود: اقولتس قومي ولاتزعليني اللبسي ونبي نروح مامعتس وقت كله ساعه مايمديتس تزينين ويمكن مسويه مفاجأه ... لولوة: والله عاد قلت لتس روحه ماني رايحه لو على جثتي ... ام سعود: معتس ساعه ارجع القاتس جاهزه.... وسكرت الباب ... قفلت الباب وطفيت اللمبات ... سويت جوالي خدمة موجود .وتابعت الفليم وانا منقهره من حركته السخيفه واللي تدل على اني ولا شيء بقاموس حياته .... بعد ربع ساعه سمعت طق امي على الباب ولارديت .. وعرفت انه راحت ...وبعده بشوي سمعت طق ابوي .....لولوة مارديت اول مره ...سكت قلت راح ييئسون ... سمعته صوته مره ثانيه ... والله يالولوة ان مافتحتي لاكسر الباب على راستس ... بصراحه خفت من ابوي ... وفتحت الباب... دخل وولع اللمبات ... ابو سعود: وشو الكلام اللي سمعته من امتس ... لولوة: أي كلام؟؟ ابو سعود: مانتي رايحه لزوجتس تهنينه بسلامته ... لولوة: ايه ماني رايحه ... ابو سعود: وليش بالله ماهو عيب عليتس ماحسبتي كلام الناس وش تقول ماجت تهني زوجه بسلامته... لولوة: وهو ليش ماكلف خاطره وقالي انه وصل اليوم حتى كلام مايكلمن واذا دقيت عليه يقول ادق عليتس بعدين ليش انا رخيصه عندك يبه له كم شهر ماكلف خاطره يقول وشلونتس ؟؟ ابو سعود: قدري ظروفه رجال راح يتعالج... لولوة: وانا ليش ماحد يقدر ظروفي ويرحم حالي حتى انتم وقفتوا معه ليش يبه؟؟؟ روحه ماني رايحه لو على جثتي يبه ولو تبون تذبحوني بعد اريح اتبع سلمى وارتاح منكم كلكم ... صد ابوي وطلع كان معصب سكر الباب بقوه وراه وانا قفلت وقعدت ابتسي الله يحرق قلبك ياطلال ....... كله منك لو ماتزوجتك اصلن ماصار حالي كذا ... [blink]نتااااااااااااااااااااااااابع كمان[/blink] التوقيع :