والله انا اشوف انو مافي اي مشكلة اني اتزوج وحده تكتب في منتدى او اي شي من هذا القبيل
طيب بالله لو كان العكس لو البنت هي الي قالت انا ما اتزوج واحد يكتب في منتدى ؟؟؟
ايش راح يسير ؟؟
ياعالم يا نااااس انا نفسي اعرف ليش بعض الاشياء تكون حلال للجميع يقوموا يحرموها على جنس دون الاخر
يعني كان في موضوع قبل فترة في المنتدى الرياضي
مشجعات كرة القدم السعوديات ينافسن الرجال في حب الأندية والتعصب لها
يعني بالله ايش فيها لو وحده تبغى تتفرج على الرياضة وتشجع ناديها المفضل
مو في كثير من الشباب يهتموا بالموضه زي الجنس الناعم
يعني انا اشوف انو نحاول نبعد في جميع الامور عن التعصب
يعني بعد فترة من الزمن انا اتوقع انو مافي عائلة في السعودية ماراح يكون عندها انترنت
وتوقع اخي او اختي الكريمة لو كان في كل عائلة شابة او شاب يكتب في منتدى
معناته ماراح نتزوج بعد كذا ؟؟؟
يعني موضوع يبغاله اعادت نظر