الغزال اللي خذا عقلي وانا ماني نشيط=اشهد انه بالادله على قلبي سطا
الدليل الاول اني ما اشوف بهالمحيط=غير وجهه والعرب كن غاطيهم غطا
والدليل الثاني اني مع غيره عبيط=ومعه ماعرف التعيبط ولاعرف الخطا
لف قلبي في يده مثل مكرات الشريط=وابتعد عني وروح مروايح القطا
جعلها روحت مسافر ماهي هفت مقيط=المسافر ينتوي لو يطول به البطا
شط بي تال اليالي وانا ماني شطيط=امري بدنياي عنده يحل ويربطا
والبطيط الي تطرون ياقوم البطيط=شفته ومن فوق شوكه قدم رجلي وطا
ماتعارفنا على الرنه وتشبيكة وسيط=جابه الحظ لو الحظ ماعمره عطا
كامل بالزين ماله شبيه ولاخليط=ومن زعل ينصى البحر ويعجن ويبلطا