طبعا بما اني حطيت اهم رسماتي مو حابة اخلي المرسم دمه تقيل وسامج وكله بس رسمات عشان كدا اليوم بقولكم ايش صار وانا راجعه من احدى المحاضرات اللي احضرها وطبعا واحنا في منتهى السلام والوئام والجوي العائلي الهاديء << احلفي الذي لا يخلو من بعض التهزيئات الطايرة في السيارة ( البابا واختي اللي في الكليه وانا ) اتخيلو .... خلصنا كلام وجالسين في منتهى الهدوء شوية نشوف منظر واحد خارج برا بيته ويدور بالجوال لابس شورت وردي وعليه رسوم بالعودي << والتي شيرت لونه اسود ورسومات فضي والكاب لونه بيج وملون بالاحمر <<احلى ترقيع انا اللي كان قاهرني الزنوبة لا وحاط جل ولابس نظارة شمسيه شكله اختار ملابسه وهوا لابس النظارة الشمسيه الله يصلحه بس خلاني اخد ذنبه من الحش اتخيلو ... مع الصدمه جلست ساكته ماعلقت لحد ما اتعديناه وبعدين قلت لبابا بالله ترجع تشوفه بابا لما رجع وشافه اتريق تريقه لدرجة اننا رجعنا اتعديناه ورجعنا مرة تانيه لفينا عنده قال لاختي افتحي الطاقه وعاكسيه << انا ماصدقت يافرحتي اذن من ولي الامر بالانحراف قلتلو بابا اذا متأكد من اللي انت تقولو انا بعاكسه من جد قالي لا << وربي قهر رجعنا اتعديناه قلت بابا الله يوفقك طيب بس اصوره قال والله اجل صوريه .. ورجعني << قلت والله بابا فالها ع الاخر انبسطت ومسكت الجوال اتخيلو ايش صار وربي قهر دخل سيارته وراح قال بابا عشان نيتك سيئه ربنا ماوفقك قلتله اتيش دراك انو نيتي كانت سيئه قالي واضح مايحتاج الصراحه كنت بنشر صورته في النت بس يقول المثل ربنا عارف سوادة راسها قام كسر شوكتها