السلام عليكم
تصدقون سبعين الف مرة ادخل ابي اشارك بس ما اقدر تدرون ليه
عشان العشرين سؤال اللي حاطتها معاوي حشى والله لونها
رقيب اول في مرور الرياض ههههههههههه بس نا قصها دورية
المهم بسم الله نبداء
1/ وش نوع سيــارتك ووش لونـــها ؟
كورلا 2008 لون ابيض
2/ وش نــوع كفراتك ؟
قود يير
3/ تحب التعديــل .. اذا نعم وش عدلت في سيارتك ؟
بصراحه انا ما احب اغير في سيارتي لان التعديل يسبب مشاكل كثيرة
ووجع راس عشان كذا انا احب احط بعض الاكسسورات الخفيفة
4/ قد فحطت بسيارتك؟
لا الله لايقوله حركات المراهقين هذي خليناها من زمان
5/ آخر مره غسلتها ؟
بصراحه جو الرياض ما عرفنا له مرة مطر مرة غبار عشان كذا لي 5 ايام ما
غسلتها ( اللي يشوف السيارة يقول هذا توه مطعس فيها هههههههه
وش اسوي هذا جو الرياض )
6/ مــن علمك السواقه ؟
اخوي ( يا انا طلعت في راسه نخل لين تعلمت )
7/ اول سيــاره سقتها ؟
ددسن موديل 2000 وكان وكالة
( من قدي هع هع هع )
8/ اول سيــاره لك ؟
اول كان في سيارة لي انا واخوي قراند مركيز بس بعدين
انا شريت سيارة والسيارة القديمة صارت لاخوي
9/ اول مكان رحت له بسيــارتك ؟
من البيت للجامعة
10/ اول حادث صار لك ؟
الحمد لله ما صار لي حادث بس في واحد مرة حك سيارتي
وانحاش ودي اعطية
لو مسكته
11/ اول مخالفه ؟
اول مخالفة ربط حزام امان
( شفتو القهر الرياض كلهم ما يربطون الحزام جت علي انا يعني
)
12/ دخــلت التوقــيف ؟ .. اذا ايه وش قالك ابــوك ؟ >>>وأمك وش سوت لما درت
الحمد لله ولا مرة دخلته وانشاء الله ما ادخله
13/ ويــن توقف سيارتك داخل البيــت ولا في الشـــارع ؟
لا في الشارع لان اخوي يوقف سيارته داخل البيت ( متى ينقل ويفكنا
)
14/ شــخص ودك دايـــم يجلس معك قدام ؟
الوالدة بصراحه احس ان السواقة لها طعم اذا كانت معي
15/ أشخاص ودك دايــم تطـلــع معهم ؟
كل شخص يحبني ويعزني
16/ لـو أحد طلب سيارتك يروح فيها مشوار قريب تعطيه ولا لا ؟
على حسب الشخص اللي طلب السيارة
17/ احسن وأشين شي في سيـارتك ؟
كلها عاجبتني والحمد لله ما فيها شئ شين بنظري
18/ بنروح رحله بسيــارتك مين تختـار من الاعضـاء يركبـون معك ؟
اول شئ باخذ مهاوي وافحط فيها عشان يمسكونا و يودونا للتوقيف ( عشان الـ 20 سؤال )
بعدين برجع وباخذ كل عضو قاعد يقرا ردي الحين
19/ سياره تحبها ؟ ...... سياره تتمناها ؟
هذي
20\ اذا ماعليك كلافه صور لنا سيارتك ورزها هنا ..((وهــذا الطلب اختياري ))
الحين ما عندي صورة لسيارتي بس هي مثل هذي
7
7
7
تم بحمد الله
وهـ وش هالاسئلة تحقيق مو اسئلة