[مبدع الحرف]

السلام عليكم لهذه القصيدة موقف خاص جدا وقدكتبتها قديما ونقلتها بدون تعديل ولم أحاول ذلك
لأنها تذكرني بالموقف الذي لن انساه ماحييت أحببت أن تقرؤها ولكم مني كل الشكر
الله ياني كنت طيب ونيات
واحب كل الناس من دون تفريق
واشيل هم الغير واسيربسكات
واشوف ذالهم غرَّق الحال تغريق
ولاشكيت ولااتعبتني المشقات
وادعي عساني من السوابيق
بس ماهقيت تجي منك بالذات
كل الطعون تهون ولاطعنة صديق
ياحسافة على كل ما فات
وما ينفع اللي فات الفكروالضيق
لوجات من غيرك كانت سلامات
بس منك ياهي زادت الجرح تعميق
الرجلْ وقفة وهي دوم إثبات
ولو كنت غلطانٍ علية التوافيق
ربي وعالم بالنوايا والخفيات
وماكان قصدي بهذالقول تسويق
بس كنت حاسبهابطيبة ونيات
ولي حصلي فوَّق العقل تفويق
في ذاالزمان الطيب قد مات
وصاحبه مسكين واهبل وتعليق
حتا الأخو ماترتجي منه وقفات
يخلقلك الأعذارلك دوم تخليق
ماعادإلاَّ وشْ الي بكسبة هات
وش صار ياناس ياعالم يالمخاليق
يرحم زمان أول وذيك الاوقات
أهل القلوب الصافيه دون تمليق
ناسٍ لفعل الطيب دايم علامات
ولفعالهم نحكي ونسمع بتشويق
ذاك الزمان الي تمنيت لحظات
اعيش فيه الصدق من دون تزويق
راجع حسابك دامك فالبدايات
وكم صاحبٍ يحتاج وقفة وتدقيق
نصيحتي للي ضيع العمر فزعات
اسمع قصيدة الطيبة علىالريق