جميل تصريفك لبعض مفردات الصدر بالعجز ..‘ لكــنها ذي .. اقتباس احسب انه ياعرب صادق ؛ ومـذ! واكتشفته بالنهايـه ؛ حيـل مـاذ مذ ! يعني مذ وش تعني هنا ‘ وش موقعها الإعرابي من معنى .. فيه اختصار باللغه لــ ِ ( منذ ) وهوَ ( مذ) .. بس إنها تكون مشتقة من فعل ينقاله ( ماذ) ؟؟ فما ادري .. ما فهمت الأوله ولا الثانية ..يعني ..‘ الله لا يهينك .. ؟ اقتباس اتحـرى موعـده لا شــك ؛ رذ وصرت اشوف اليوم من وبله رذاذ! هذي اقتبستها برضه ولا عندي لها تصوير واضح .. ولا معلومة أكيــدة .. اللي احب اقوله لك يا غازي ..انه اللغه صعبه ..‘ صعبه ومعقدة .. اقوله ومن الممكن تكون ( رذ) فعل صريح من المصدر ( رذاذ ) ..بس هل انت متأكد انه ( رذ) بحرفيها .. ما عليها نقصان ..؟ هناك حروف زائدة وهناك أصلية .. هل انت متأكد انه هالحرفين اصلية في تمام المعنى واللفظ ..وتامة ! انا عن نفسي ما اعرف يا طيب .. في بعض الجمل تكون مستهلكه ومنطقية بما انه انا وياك من جد اعربي .. ‘ فما نبخصها ..بس بعض المفردات .. يبي لها يا طيب الذكر مرجع للقاموس .. مع ذالك بإمكانك تفيدني .. ‘ الله لا يهينك ..؟ اقتباس الله اكبـر يـوم لـه بالعيـن قـذ اختلف من كان لـه بالعيـن قـاذ برضه ..‘ ( قـــذ ) و ( قــاذ) .. بما انه العين مذكوره .. فأتوقع لها علاقة بالــقذى ..؟ وإلا .. ! بس نفس الملاحظة الثانية .. ‘ هناك في تصريف الأفعال .. مراعاة لجانب الحروف الأصلية ‘ فالزيادة نستطيع ذكرها .. مثل كلمة وفى .. استوفى .. فحرف الألف والسين والتاء .. زائدة هنا ..‘ عموما المشكلة ماهي بالزيادة دائما الزيادة تكون سهلة الفهم ومعروفة ..بس المشكلة الأكبر تكمن بنقصان الكلمة لحرف أصلي ‘‘ هذا معناه ..انك شطحت لــبعيد ..وتعتبر خلل كبيـر جدا ..! من الصعب انه نتوقف على مسألة الحدس .. ‘ ؟ برضه الله لا يهينك .. واتوقف هنا ‘ أعتقد المسألة أصبحت واضحة فأكبر مشكلة تواجهك بهذه القصيدة هي ( بسترت) مفردات القافية جيدا ‘ .. ليش عاد ؟ للقافية الي حديتها ولا حدتك ! اقتباس كل قافٍ عنـده اليـا كـاد ؛ لـذ يهتويه لـه زود ؛ كانـه قيـل لاذ هنا تصريف الفعل صحيح ولا عليه غبار ولا يختلف عليه إثنان .. فلاذ ..ولذ ..مقروءة ومسموعة كثيرا .. ويمكن الخلل يكون فيني .. ويكون تصريفك لبقية الأفعال صحيح .. بس عدني واحد من القارئين .ولزوم تشرح له .. ومن ناحيتي يا غازي ..أحس انه القوافي على هذه الشاكلة . مشكلة .. ؟ انك تخبص في المعنى والصور أهون بكثير من كونك تخبص بالمفردات لاحظ اقول ( تخبص ) وانا ما اني متأكد .. بس الأكيد لو ما كانت العملية تخبيص فراح تكون تشويش ..؟ فلو سلمت من الأولى ما انت بسالم من الثانية .. هناك فرق بين جزالة القصيدة من جهه ووعورة المفدرات من جهه ثانية .. وهناك فرق بين سلاسة القصيدة من جهه وركاكتها من جهه ثانية .. ماهو شرط اني اكتب قصيدة تحمل مفردات ( نخبوية ) صعبة ونادرة الإستعمال .. فهذا يعني أني وصلت لقمة الجزالة ..؟ الجزالة وانت اعرف مني فيها يا غازي .. ‘ هي قصر المفردات وقوة المعنى .. وأنا اعتقد انها تناسق اللفظ مع المعنى والتوازي في القوة .. كان رد سـريع ..‘ يا طيب .. وأتذكر لك قصيده هجينيه ( ظائية ) اعجبتني كثير وفيها من الجزالة ما فيها .. اقتباس الليالـي بيـن هـات وبيـن خـذ البخيت ؛ اللي لقى عنّهـا مـلاذ! البخيت .. ‘اللي لقى ( عنها ) ؟ وإلا ( منها ) ..! أحسبها ‘ ولا تقولي المعنى في بطن الشاعر .. اقولك صحة ..! وصح لسانك .. ولأني على الخامس .. والبخاخات ما عني وعنها .. ‘ يجوز لي ردة ..