[الـعـاطفي]

اسعد الله وقتك اخوي راعي العليا بكل خير



وأحب اشاركك في رديات بيني وبين الشاعرة سمو


والحقيقة الرديات بيني وبينها كثيرة جداً


ومتعب نقلها جميعاً

لكن

هذا ما قدرت عليه


واتمنى انه يعجبك


وللعلم!!


كنا نتحاور على رديتين بنفس الوقت


وهذه هي الرديتين!!

اقتباس المشاركة الأصلية كتبت بواسطة ** سـمووو // تعبت الملم داخلي جرح الغدر والأنكسار=تعبت ادور للخيانه عذر واغتال الدليل قدام عيني يآآآدمي تهدي شعورك بفتخار=لكل وحده تبتسم واتقول حرفك سلسبيل بالله قلي ياهزيل العذر ياسهل المزار=ويش أخرة لعبك على الحبلين بالهمس الجميل // // بقلمي

اقتباس المشاركة الأصلية كتبت بواسطة الـعـاطفي رد على (سمو) لكل شاعر ياسمو حس ومشاعر واعتذار= ماهي خيانه لا اعجبن شعر ٍحلو ماله مثيل صحيح يتعب عاشقي كثر الجفا والانتظار= لكن انا كلي معه واضح وما ادور بديل اعجاب عفوي يسعد الوردة ويهديها شعار= قصدي اشجع موهبة تزداد مع وقت ٍ طويل اقصد بالوردة البنت تحياتي واحترامي واشواقي

اقتباس المشاركة الأصلية كتبت بواسطة ** سـمووو // صح الله السانك يالعاطفي وبيض الله وجهك .. ( رد على العاطفي ) تشجيع من شاعر كفوا تسلم على هذا الحوار=ردك غمرني بالفرح يالطيب الشهم النبيل الشعر في لحظة حضورك يرتدي ثوب الوقار=للحرف عطر وللمعاني ريح عود وريح هيل

اقتباس المشاركة الأصلية كتبت بواسطة الـعـاطفي __________ للحرف عطر وللمعاني ريح عود وريح هيل ________ الله الله أين أنا من هذا الجمال؟؟ الذي يسوى مئات القصائد لكن الشكوى لله راح ارد رد متواضع على الشاعرة سمو الله ما أحلا شعركم.. تنظم على عز إقتدار= سمو شعرك (ياسمو) له نكهة الشعر الأصيل ماضرنا إسم ٍ يقلد إسمك وهو بإنحدار= ياشاعرة ماضر نور الشمس من نجمة سهيل

اقتباس المشاركة الأصلية كتبت بواسطة ** سـمووو // ( رد على العاطفي ) مع فائق تقديري حياك واشرب من نبع شعر ِ مشبع بالمرار=من خافق ِ مازال ينزف كل مايسمع صهيل الشعر يفضح مابقلب ِ مل من سدل الستار=على جروح ِ داخل اعماقي يضاعفها العويل

اقتباس المشاركة الأصلية كتبت بواسطة الـعـاطفي (رد على شاعرة همس القوافي الشاعرة الكبيرة سمو) مع فائق إعجابي وتقديري يامرحباً في شاعرة همس القوافي بإختصار= شعرك كما نزف العسل دلا على روحي يسيل الشعر يجمع عاشقه.. والهذر يهدم له جدار= والحب طب ٍ للفؤاد اللي من الفرقا عليل تحياتي واحترامي واشواقي

اقتباس المشاركة الأصلية كتبت بواسطة ** سـمووو // ( رد على العاطفي) مع فائق تقديري لروعة قلمك لاهنت ياعطر الشعر ابدعت في رسم المسار=وكسرت حاجز بيني وبيني يهاب المستحيل رهبة وجودي بينكم كانت تمادى بالحصار=لين انسكب عطر المشاعر منك واغرقني جميل

اقتباس المشاركة الأصلية كتبت بواسطة الـعـاطفي (رد على سمو) والمعذرة على الغياب لاني كنت مسافر مع فائق إعجابي ياروعة الأشعار يابدر الدجى وشمس النهار= يافتنة العشاق من حضر و بدو يا أجمل خليل إنتي كما ورد الربيع اللي زهى كل الديار = يازهرة الوادي بشذى فواح في صبح ٍ وليل تحياتي واحترامي واشواقي

وهذي الردية الثانية بنفس الوقت

اقتباس المشاركة الأصلية كتبت بواسطة ** سـمووو // هونت خذلان الأماني والأحلام=واقول خيره ماحصل في حياتي هذا قدر عمري لو القلب منضام=بصبر والملم مابقى من اشتاتي ( بـقـلـمـي )

اقتباس المشاركة الأصلية كتبت بواسطة الـعـاطفي مجاراة لـ سمو قلبي ومتعود على طول الايام= غدر الحبيب بشكل ظالم وعاتي هذا هو الحاصل ولا ني بملام= وما اندم على المعروف هذي وصاتي تحياتي واحترامي واشواقي

اقتباس المشاركة الأصلية كتبت بواسطة ** سـمووو // ( رد على العطفي ) قلبي شكا صكات بقعاء من العام=الجرح ينزف والحزن صار ذاتي واليأس يجتاح المشاعر والأقلام=حروف شعري لونها من عباتي

اقتباس المشاركة الأصلية كتبت بواسطة الـعـاطفي رد متواضع على الشاعرة الكبيرة سمو الله يعين اللي من العام مانام= نوم العرب ماطب عينه بتاتي لا تشتكي تبكي جروحي والألام= لا من ذكرت الترف عنق المهاتي

اقتباس المشاركة الأصلية كتبت بواسطة ** سـمووو // ( رد على العاطفي ) مع فائق تقديري خله على ربك وطالع لقدام=يمكن ولعل الفرج يوم ياتي أقولها والآآآه تقسمني أقسام=قسم(ن) يئن وقسم(ن) اصبح أفتاتي

اقتباس المشاركة الأصلية كتبت بواسطة الـعـاطفي (رد على الشاعرة سمو) مع التحية والإحترام ما ايأس ولو البعد هيم بي اهيام=أبي أنتظر وانا الأمل من صفاتي يسعد فؤادك يا سمو رمز الاكرام= احييت لي حب ٍ له اعوام ماتي تحياتي واحترامي واشواقي

اقتباس المشاركة الأصلية كتبت بواسطة ** سـمووو // ( رد على العاطفي ) مع فائق تقديري لشخصك الله معك وتحقق أمال وأحلام=وتفرح بحبك في يقين وثباتي اللي يحفظ الحب وعن الغدر صام=رايته بيضا في جميع الجهاتي

اقتباس المشاركة الأصلية كتبت بواسطة الـعـاطفي (رد على سمو ) مع فائق ودي وتقديري والمعذرة على الغياب لأني سافرت امس من الرياض لحايل ياحلو منطوقك كما عذب الانغام= تشفي جروح ٍ بالحشا خافياتي ياعين حر ٍ بعرض السما حام= هنيت خلك ياهنوف البناتي تحياتي واحترامي واشواقي

اتمنى ان تنال رضاك

اخوك // العاطفي