السلام عليكم ورحمة الله وبركاته
احب اسندها لختي الشاعره انتظر ضمة غلاك
واتمنى ان تنال القليل من الاعجاب
8
8
يادافع الشعر لاتنساق من دوني
مادمت في ذمتي سج القدم فيه
خلك على نيتك وظنونك ظنوني
وانا ماغير عليك الظن والنيه
البارحه مرت الاحلام بعيوني
احلام سوداء ماهي باحلام ورديه
امسيت اصوت لها واصبحت مغبوني
تفسيرها بين هاذيه و هاذيه
لو تستحي دمعتي من ضحكه سنوني
ماكان حطت بنون العين ماريه
اللي تناسيتوهم واللي تناسوني
بالخير مذكوره وبالخير منسيه
والحب لاهز صدري حرك شجوني
حطبت حدب الضلوع ونارها حيه
اكثر جروحي سببها اللي يحبوني
جرح الحبايب عطيب وكيته كيه
تبكي على راسي وتضحك على متوني
ونفضت خرجي وطاح الداب والحيه
وين انت ياللي عليك اكوسر لحوني
وهيجنت باسمك وشلت اغلى هجينيه
يوم انت حدسي و رسمي واصدق ضنوني
من لامني في غرامك لعنبو حيه
ياسيد الحب معك الحب ماموني
وانا على جرتك عيني شقاويه
مجبور لاشفتني ماشي على هوني
حاولت وازريت لاكسر قيد رجليه
8
8
8
8
وسلااامتكمـ