تعال اسولف لك تعال اشتكي لـك
تعال قاسمنـي شقـاي وعذابـي
مالي سوا قلبك وقررت اجي لـك
حتى ولو كنت السبب في مصابي
والله ماهو ذل يوم انحنـي لـك
لكن شوقي غصب نـوخ ركابـي
جيتك بقايـا روح والله وكيلـك
حتي الفرح ماصار يحسب حسابي
رحلت ليه وليـه تهجـر خليلـك
قطفت يوم ابعدت زهرة شبابـي
تركتني في زحمـة ايـام جيلـك
ولا قدر يعلن هـواك انسحابـي
حاولت اصد القلب واخلي سبيلك
حاولت اكابر بس مااقدر احابـي
اذا غلطت بيـوم عطنـي دليلـك
لكني اعرف كل حـرف بكتابـي
واذا جرحتك جيتك اشفي غليلـك
اجرح على كيفـك وارد بعتابـي
وان كنت غلطه ليه تقصر جميلك
من البدايه ليه تنـوي ارتكابـي
ابا اختصر واقول ياحبنـي لـك
ياغيثي المرجو ورحمة سرابـي
جيتك عشان اعاتبك واشتكي لك
حتى ولو كنت السبب في عذابي