[صدق النوايا]

اقتباس المشاركة الأصلية كتبت بواسطة سطآم المحابر , والقلم , والطرس , وأعلوم القصيده=والمعاني , والجّمل , والقاف , وأطروق القصايد والمدامع , والقدر , والبعد , وظروفٍ شديده=والخواطر , والنظر , والجرح , ودموع ٍ شهايد والليالي , والضحى , والنجم , وأخبار ٍ جديده=والكتابه , والنثر , والطرح , وبيوت ٍ فرايد والعزاوي , والعزا , والعز , والعزه تزيده=والمراجل , والولد , والعلم يبن الناس كايد والمدامع , والبكا , والحزن , والحال الزهيده=والسوالف , والسهر , والشوق , وأفكارً شرايد كيف أجمعها سوى هاللحين في جمله مفيده=كيف أجيب الزبده إللي طامع ٍ منها فوايد كيف ألم الفكره إللي غاديه مثل الفقيده=ماهي بس إللي فقدت اليوم فاقد لي فقايد ! ودي أذكرها ترى من كثر ماصارت عديده=ولو بعددها سوى صارت على مثلك شدايد إستلم , وإسلم , وسلمني على كل النشيده=وإن وصلت لقصدي المقصود في حبك عوايد مير لا تطري عليّه طاري الصد وتعيده=كن قلبك مايحن وكن قلبي به وقايد لو صحيح إنك سمعت القلب مع جرة نهيده=ماقطع قلبك صباح ولا مسا طعم النهايد كان ذا حب ٍ تعرفه ياعسى الله لا يعيده=تحسبّني جنديٍ عندك مجازى وأنت رايد كلبونا إعيال لادم والله الواحد عبيده=بس لو إنك تكبّرت بصراحه منت فايد غير قولة رح فمان الله في درب ٍ تريده=ما أنت لا مني ولاني منك فالراي المحايد لا تقول إن الدموع الزرق صارت هي أكيده=وفّر دموعك وخل عيونك تذوق الهجايد إترك إللي داخلي يحيا على عروق الوليده=لين يشبع من عروق ٍ مالها غير القرايد لعنبو حّيك أحبك والمحّب مافك قيده=وإعتبر ما فات مزح ولا تكثّرها نشايد يكفي إني ذاكرك رغم المسافات البعيده=مانسيتك يا الغرام وكل وقت آجيك أعايد ماحدن قبلك ترّبع وسط قلبي وأنت سيده=والمحبه كنها دوله لحُب الشيخ زايد أشهد إنه من عقب ماراح وأصبح هو شريده=ما تناست دولته حُبه عقب ماصار قايد سامحك قلبن يحبك باقصى دم ٍ في وريده=وسامحك شريان قلبن لو يضخك صار جايد سطام الشمري

الله عليك يا سطام
ماشاء الله عليك كل هذا ابداع
انا ما ادرى كيف شتتني في اول القصيده واقول
هذا وين را يح بنا
وبعد كذا بيت جمعت شمل كل المفردات اللى نثرتها في البدايه
اقول بكل ثقه انت شا عر مبدع
يعشق المسا حات الرحبه والو اسعه سعة صدر الشمرى
انا بس لى كلمه ابي اهمس بها في اذنك
واعتبرها مجرد اقترا ح في البيت اللى تقول فيه

كان ذا حب ٍ تعرفه ياعسى الله لا يعيده=تحسبّني جنديٍ عندك مجازى وأنت رايد

انا احس كلمة جندي لو حاولنا ننطقها كما هي صا رت ثقيله شويه ولو حطينا تها تنوين
صا رت اثقل من قبل اعتقد لو بس حطيت بدل جندي كلمة عسكري تعمل بنفس الوضيفه
وتسير اسهل في النطق والجندي اوه العسكرى وكل منها يرمز للا خر يعني يصير البيت

كان ذا حب ٍ تعرفه ياعسى الله لا يعيده=تحسبّني عسكرى عندك مجازى وأنت رايد


لك مني كل اعجاب هذه القصيده والله من اروع ما قرئت في هذا المنتدى
تقبل مرورى