استاذتي مهاجرة
يعطيكي العافية
وهذا كرم منك
وعطاء بلا حدود
انا ارشح
ياقمر قلبي مع اللي يشبهك وصفـه قمـر
للي نورك ساطع ن من وجنتينه والجبيـن
بوعيون ن في هدبهن طارش الموت الحمر
يرتجف معلوق قلبي لا خزرني بطرف عين
والشفايا صاغها الرحمن في لون الجمـر
وان تبسم بيّن اللـي كنّـه الـدر الثميـن
والشعر الله واكبر كيف ابوصف هالشعـر
هو كما الشلال لونه يشبه الليـل الحزيـن
فوق قدن يسلب الالباب عـوده والخصـر
عازله كنه امقسم نـور عينـي قسمتيـن
ايتهادا لا مشى يمشـي الهوينـا وابحـذر
ياعسى ربي يجيره من عيون الحاسديـن
يعجز التعبير مني وفي وصوفه باختصـر
باختصر باقي وصوف اللي ملكني بكلمتين
كامل الاوصاف والله ماخلق مثلـه بشـر
جل من صوّر جماله كامل ن دل ن وزيـن
ياقمر حنا اجمعتنا بالهوى صدوف القـدر
هو هوى نفسي وعيني هو منايه والضنين
ارسم احلام السعاده ياقمر باحلـى صـوّر
واتمنى ليتها في يوم لـو تصبـح يقيـن
الدقيقه في غيابه تحسب احساب الشهـر
وان حضر كل الوسيعه ماتعادل خطوتيـن
ياقمر اسمه ورسمه فـي فـؤادي انحفـر
لو تغيّـب يعلـم الله ماتمحيـه السنيـن