اقتباس المشاركة الأصلية كتبت بواسطة كلي شمـوخ كئيبه ليلـة البـارح تـوارت بإنكسـار أثنيـن أنا والقلب من غلطه ماهي من ضمـن غلطاتـي عبث منها بدون أسباب تشلع مهجتـي نصفيـن وأنا في عشقها حتى حرمـت العيـن غفواتـي رجاء لاتشيلين العتـب كـان الهـدف حرفيـن إذا ماتعرفيهـا مـو خطايـه أسمعـي الآتــي على ذاك الطريـق المنتمـي للشـك والتخميـن مشيـت وياكثـر مابعثـرت فالنـاس نظراتـي أناظـر فالوجـوه وفالملامـح طيـب وبعديـن أنا من وين الآقي لك طريـق يحـث خطواتـي أقول هناك لايمكـن هنـا يمكـن هنـاك تبيـن شعاع الضي وإشـراق الأمـل وتلملـم شتاتـي رسمتك حلم غايب عن حياتي من يجي عاميـن لقيتـك علـم وأيدينـك تعطـر كـل صفحاتـي وجيت أنثر لك أحساسي وشوقي وإحتراقي ليـن تركتك في وضوح تشوف حزنـي وإنكساراتـي أبيك تحس في همي وتلمـس رعشـة الكفيـن أبيك تحس في وجدي عليـك وجمـر زفراتـي لإني كنت أحسب الحظ مثـل سهيـل للساريـن سريت ولا لقيـت سهيـل فـي كـل أتجاهاتـي لقيتك للأسف جامـد ولاتـدري وصلـت منيـن وقسوة قلبك أسقتني جفـاك المجحـف العاتـي فمـان الله برحـل والجـروح تعانـق السكيـن بسافر بالألم من شان ما أرضخ لأجـل رغباتـي ( أبرحل ) عنك وأترك لك حكايه داخل القوسين تمتـع بعدهـا باللـي تطولـه مـن معانـاتـي مصير الشوق يعثى في حنايـا مهجتـك وتليـن بوقـت فيـه يابعـدي عليـك وصعـب جياتـي أنا يوم أشتكيت من الولع ومن السهـر والبيـن ظننت إنك تحـس بثـورة أوجاعـي ولوعاتـي أثار الشوق مايرحم ونـار الصـد عـن ناريـن كواني جمرها الحارق وأنا في غمـرة أسكاتـي عشان أني صبرت تزيد جرحك فالحشا جرحيـن ونا ماكنت أظن الصبـر يخلـف فيـك هقواتـي أبصبر لين يشكي الصبر من صبري وبصبر زين واروح بعيد وأدفن صرخـة أحزانـي وآهاتـي على الله والجروح اللي بقلبي عن ثلاث سنيـن عسى ربـي يخفـف نزفهـا وتجـف دمعاتـي ولكـن لـو تلاقينـا وخانتنـي دمـوع العيـن تري ماهو بكاء هذا عتـب ذاتـي علـى ذاتـي انشهد ان كلك شموخ بكل ما فيك انا اول مره اقرا لك ولا كن بكل صرا حه فيه موهبه وفيه احساس وفيه ابداع وفيه كل ما يبني قصيده را ئعه من شا عر را ئع اتمنى ان ارا ك دائما تثري هذا القسم بهذا الا بداع اخوك محمد القرني