اخوي العاطفي ابدعتـــ
قصائد رائعه رائعه كأروعه حظوركــ
والاجمل انك ختمته بقصيده الشاعره ( عابرة سبيل ) رحمها الله
بصراحه كانت الشاعره الوحيده اللتي استمتع بقصائدها بس دايم الزين مايبقى
دام جاب اخوي العاطفي طاري الشاعره ( عابرة سبيل ) حبيت اكتب له هذي القصيده وللمعلوميه هذي اخر قصيده لها .
تــرى الـذبـايـح و أهلهـا مـا تـسليني …. أنـا أدري إن الـمرض لا يـمـكـن عـلاجـه
أدري تـبـي راحـتـي لا يـا بـعد عـيني …. حـرام مـا قـصـرت يـديـك فـي حـاجــــه
أخـذ وصــــاتـي وأمـانــه لا تـبـكـيـنـي …. لــو كـان لـك خـاطـرٍ مـا ودي إزعـاجــه
أبـيك فـي يـديك تشهـدني وتسقيني …. أمـانـتـك لا يـجـي جـسمـي بـثـلاجــه
لـف الكفن في يـديـك وضـف رجـلينـي …. ما غيـرك أحدٍ كشف حسناه واحراجـه
أبــيـك بـالـخيــر تــذكــرني وتـطـريـنـي …. يـجـيرني خـالـقـي مـن نـــار وهـاجـه
سامح على اللي جرى ما بينك وبيني …. أيـــام نـمـشـي عـدل وأيـام مـنعاجـه
همـي عيـالي وأنـا اللي فيْ ..كافيني …. عـلمـهم الـديـن تـفسـيره ومـنهـاجه