لا تنشدوني و انشدوا كامل الزين عن حالي
شوفته تبري من كل عـلـه صـعـيـبه
فيه داي و َ دواي و َ بقاي وَ زوالـي
حياتي بجيته وَ مماتي لا طالت الغيبه
جـمـال وصفه يـفـوق مـتـون الـخـيالي
سـبـحـانـه اللي عطاه الجمال وهيبه
مرسوم على جـبـيـنه خط الـهـلالي
ضـيـاء الـكـون كـلـه يـبـتـدي به
والشعر شلال ينسدل عالكتف شالي
يداعب بياض نحرها الفتان ويلتوي به
والعيون موج ومواني وبحر عالي
وكل معنى للحب سواد عينه يجيبه
رمش(ن) الاقي فيه بالقيظ ظلالي
وَرمش(ن) بـبـرد الشتاء غطني به
شفايف ارتوي منها قراح(ن) زلالي
وردي شفايفها منه العسل اهتني به
وَ الـخـشـم سـلة الـسـيـف يا خالي
أنفاسه يغار المسك من طيبه
خد تداعبه نسمات الشتاء بالليالي
و َ خد قـنـديـل بـالـدجـا ينسري به
وحلمه عنابيه ملمسها آه مما جرى لي
ونهودها بياض الثلج يطفي نار لهيبه
عوده ريحان يلعبه ريح جنوب وشمالي
ينثر ريحه في كل شبر(ن) وطي به
و غرور خصرها المياس لا مرت قبالي
أنـسـى كل الخلايق وَ ألتهي به
وَ صـوتـها تـحن له قلوب الجمالي
وَ اسمها أخذ من الحنان نصيبه
أخذت كل مافي الحسن والدلالي
كامل الزين ما به شي(ن) يعيبه
هذا اللي لسان الشعر حكى لي
وغيره من الزين الشعر ما دري به