يوم كنت بثاني ثانوي
كان عندنا الحصتين الأخيريتين عملي
ومعلمتنا الحلوه غآيبه
قلنا أجل لازم نفلها خصوصا أن اليوم الأربعاء
وما صدقنا نفرح إلا نلاقي معلمه جديده واقفه عند الباب 
قلنا : وش بغيتي ؟
قالت : أنا معلمه جديده وعندي أنتظار بفصلكم ,, بدون صوووت فاهمين أنا بجلس برا وإلي بتفتح الباب يا ويلها
ذاك الوقت كان ودي أمسكها من شعرها وأطردها برا المدرسه بنت اللذين 
يعني بنجلس طول الحصتين بالفصل ؟ لا مستحييييييييييييييييل 
صديقتي العبقريه جاتها فكره جهنميه 
وهي النحشه من الفصل عند طريق النافذه !
"بما أن فصلنا بالطابق الأول والنوافذ توسع جمل وماعليها أعمده يعني بكل سهوله نهرب والمسافه بين النافذه والأرض مب كبيره كثير "
قلنا وحده وحده تنزل ,., وتشوف المكان وتراقبه ,, عشان محد يكشفنا
أول من نزل هي العبقريه أنا 
ويوم شفت أن المكان أمان تسحبوا صديقاتي وحده ورا الثانيه لما ما بقى بالفصل غير المصاريه
قمنا نتمشى بممرات الإبتدائي وفليها جدها ,, وبالصدفه مرينا جنب فصلنا
وشافتنا الهانم ,, قالت : أنتم بهالفصل ؟
قلنا لا ,, حنا بالطابق الثاني
قالت : متأكدين ,,
قلنا : أكــــــيد ,,
وتوها بتفتح باب فصلنا
إلا تصفر على البيت
وياااااااافرحة قلبي ,,
أنقذنا الجرس في اللحظه الأخيره
يا حبي لجرس مدرستنا 