[ساحر النبض]

|

يارسامة .. ياريشة حب

طلبتك .. أبي رسمي بمعنى جرح

أبي وجهي .. وطن غربة

أبي عيوني .. ملامح خوف

وأبي بسمة أسى تبكي .. بدمع الظروف

دخيلك يا آخر أصواتي ..

أبي الريشة تصير احساس ..

أبي رحلة معاناتي ..

تصاحبها عيون الناس ..

أبي رسمة خيالية

تكون أقوى من أقلامي .. من أوراقي ..!

تخلي للعذاب لسان

أبي كل الألم يظهر

أبي حزني يناظرني ..

ودمي على اللوحة يصير ألوان ...........


يارسامة .. فهمتيني ,, عرفتيني ..!

أنا أخوكـِ .. أنا الغريب ..

اللي بدمعه يعزوكـِ

أنا طفلٍ يعاند ريح ..!

حلم يوقف .. ولحظتها .. تمنى يطيح ..!

يا فنانة .. يا إنسانة .. أنا إنسان ..

أحس بلوعة الحرمان ..!

أعرف ان الجمال عيونك ..

والعيون فنون ..!

أعرف ان السعادة جرح ..

وأنا جرحي .. فدمع الشعر مسجون

وأنا لحظة أشوف رسمكـ ِ

عذابي والجراح تهون

يارسامة .. طلبتك .. أبي رسمي

بمعنى جرح ..

وأبي اللوحة .. بأسم عاشق

حلف عمره ..


ما ينساكِ!




|