تابع>>>
رزان جلست ترتجف بشكل مو طبيعي لما سمعت الاسم..
وبعدها بدت تضحك بشكل هستيري.
ابراهيم قام وجلس جمبها وحط يديه حولها : رزان خلك اقوى من كذا
ومع كل كلمه يقولها كانت تضحك بشكل اكبر وضحكها يخوفه لانه مو مفهوم توقع كل ردات الفعل الا هالشي انها تجلس تضحك
ابراهيم عصب منها: وش فيك انتي فهميني ليش تضحكين ما اتوقع هالشي يضحك لهالدرجه؟؟
رزان واهي ميته ضحك: انا بخير مو مريضه
ابراهيم مو مستوعب: وشلون مو مريضه ؟؟!@
رزان كملت: لو قلتلك اللي بقوله الحين ماراح تصدق
ابراهيم بهتمام: مستعد اصدق بس تكلمي؟؟
رزان بصعوبه على عقلها تذكرت احداث ماكانت تتمنى انها تسترجعها: كان وليد يدخل علي الغرفه ويحاول يلمسني وانا امنعه وكان سكران لدرجه انه ما يقدريقاومني ويطلع من الغرفه ويروح لغرفه فيها بنت ثانيه
ابراهيم مو مصدق اللي جالسه تقوله: ايوه
رزان بغصه: وبعدها تجي انت
ابراهيم تذكر وما وده يتذكر : انا اسف يارزان
رزان اكتفت انها تبتسم..
ابراهيم واهو مبتسم: يعني انتي متاكده
رزان بفرح: مثل ما انت قدامي
ابراهيم: يعني الدور علي
رزان بخوف: ايه
ابراهيم حاس انه راح ينتهي قريب: انا اسف يارزان على كل شي سويته فيك بس لازم انا اتاكد من سلامتك
رزان : ومن سلامتك
ابراهيم بخيبه: ما اتوقع بس ربك كريم
رزان: والنعم بالله...
*****************************(_________
رجع البيت بعد ما تعب من التفكير ودخل غرفته واهو متجنب يشوف أي احد واي شخص ..
مسك قلمه وهذا وقت اللي محتاج يطلع كل همومه على ورق ابيض..
(((ســــــــــــــــــــــــــــــــــود الايام))
مابقى الا سود الايام تحرمك الرقاد
كيف الاوهام اتجرأ اتسريك مغبون
من متى تجزع من الدمع وتخاف البعاد؟
من متى تقفي بك ظنون وتجيبك ظنون؟
صرت تاخذ كذبتي صدق، ومزاحي وكاد
لو بقول اني بخونك تحسب اني بخون
ماتعرف ان كل شاعر يهيم بكل واد؟
وانهم دايم يقولون مالا يفعلون؟
ابك انا لاقلت ابنساك وانكرت الوداد
والله اني مانسيتك وولاهم يحزنون
من جزع من صفعة الشمس يطمع بالبراد
ومن فقد وجهاته الخمس يلقى بك ركون
اعتبرها هفوة انسان او كبوة جواد
لو بتسمح فانت غالي ولو تجرح تمون
عد صداتك مروة وطعناتك ضماد
خلهن لاراحن طعون ولا ردن طعون
خنجرك يستاهل الطعن ومتوني شداد
ومنك يازين الخناجر ويا بخت المتون
ردلي حنية المزح باحساس الجماد
خلنا واحد يجي صلب والثاني حنون
موت فيني واندفن فيك بثياب الحداد
وان حييت أموت لرضاك واحيا بك بهون
مره ارقد بالكفن وانت ترقد بالمهاد
ومرة ارقد بالمهد وانت ترقد بالكفون
ادري ان شجونك شجون واعنادك عناد
والبلا ان عنادك عناد وشجونك شجون
ربك اللي سخرك لي تقود وما تقاد
والله الخالق ولله في خلقه شؤون
ازرع ضلوعي من رضاك وابشر بالحصاد
لعنبو من جيت ترضيه وترد امحزون
بس تسوالك بلد ؟ قول تسوالك بلاد
انت كل العالم بكون ولحالك بكون
مابعد محبتك حب ومرادك مراد
غير كونك سيد حشاي تدري من تكون ؟
نعمتين اختصوا الخلق من جود الجواد
كافل الأرزاق من حيث مالا تعلمون
البنون ونعمة المال بعيون العباد
زينة الدنيا بلا شك في كل العيون
مثل زينة دنيتي بس عندي شي زاد
من عرفتك صاروا المال وانت والبنون
انتشي بك نشوة التيه لعناق الرشاد
وافزع الك فزعة القرم لشهاب الزبون
واحصنك تحصين الأرزاق عن درب الفساد
واعشقك عشق المظاليم لفراق السجون
لو تزيد الشوق جمرة تحولني رماد
لو يزيد العشق شعرة بوصل للجنون
خل هقواتك كبيرة ونظراتك بعاد
كانك انت بكبرك تهون من اللي ما يهون ؟
ازعلك وارهن حياتي تحت رحمة زناد
تهبى لا والله الا انت والموت تهبون
عاد اذا ما ارضاك هرجي ولا اللي قلت فاد
اننا لله وانا اليه راجعون
وانت باكر بتعرف على ناس جداد
والكلام يجيك من كل شكل وكل لون
لاتحسب ان كل كلمة بتسمعها وكاد
ولا تصدق هرج شاعر وتخدعك الظنون
دايم اعرف كل شاعر يهيم بكل واد
وان هم دايم يقولون ما لا يفعلون
حتى انا اللي قلت اعشقك وما اطيق البعاد
يمكن اطلع ماعشقتك .. ولا هم يحزنون
للمبدع الشاعر((حامد زيد))
سكر دفتره وسكر معاه دفتر هموم ينتظر الغد عساه يكون له اخف من اللي عاشه اليوم...
********************في المستشفى****
ابراهيم راح وطلب تحاليل اللي ثبت له ان له الحق انه يعيش مثله مثل أي انسان طبيعي ويحق له يعيش سعيد..
ورزان سوت نفس الشي على امل ان اللي تتمناه يصير لانه راح يحدد مصير ومجرى حياتها...
والنتايج تطلع بعد يومين..
^^^^^^^^^^^^^^^^^^^^^^^^^^^^^^^^^^^^^^^^^6
بعد يومين ...
وفي بيت ابو متعب بالذات....
مشاعل كانت تفطر مع اهلها على غير العاده يمكن لأنه اخر فطور لها معاهم
ابو متعبي بجديه: العصر بيجي ياخذك سعد جهزي نفسك
من دون ما ترد كملت تقطيع الخبز اللي مشغلها عن الاكل..
حصه بدون نفس: وش تجهز الله يخليك اهي شرت شي عشان تجهزه بياخذها باللي عندها واللي عليها
ابو متعب ببرود:يكون احسن تريحنا من المصاريف ونخلي مهرها لوقت حاجته
حصه مقهوره: وانت مو من حقك تاخذ مهر البنت المهر لها والا عطني ياه انا
مها تسمع كلامهم ودها تقوم بس مو ناقصه تهزئ اكثر من الجرعه اللي تاخذها العاده..
متعب جالس وتقريبا شبه نايم..
ابو متعب بعصبيه ضرب الطاوله عشان يصحيه: وانت وش سالفتك معد اشوفك الا نايم والا تعبان صحصح والا قم فارق غرفتك
متعب بعصبيه ضرب الكاس الطاوله لحد ما انكسر: يكون احسن
الكل استغرب منه متعب عمره ما على صوته على امه وابوه حتى لو صرخو عليه ..
قام وبعده لحقته مها ومشاعل اللي راحو لغرفتهم..
مها تحاول تخفي حزنها ان اختها خلاص بتبعد عنها بصوت مكتوم: خلصتي اغراضك
مشاعل من غير اهتمام:أي اغراض الله يخليك خلاص بجمع كل شي في دولابي وخلاص
مها فتحت الدولاب وبدت تجمع ملابس مشاعل في الشنط
مشاعل تناظرها مستغربه: اشوفك مستعجله على طلعتي
نزلت راسها وطاحت دموعها: لو علي ما خليتك تطلعين من هالبيت بس
مشاعل قامت وحضنتها وبدو يبكون بشكل هستيري ..
***********في المستشفى**************8
لحظات الحقيقه قربت..
دقات قلوبهم وصلت لسمع اللي حولهم ...
جالس معاها في الغرفه وكان بعيد عنها مايبي يقرب منها خايف أي شي ممكن يوصل لها ..
ما كان بيجلس معاها بنفس الغرفه الا لما اصرت عليه انهم يسمعون النتيجه مع بعض وتأكدو من الدكتور ان مافي خطر عليها مدام مافي اتصال بالدم وما ينتقل عن طريق الهوا
دق تلفون غرفتها ورفعت السماعه بخوف
رزان : الووو ايوه هنا ايه ايه ايييييش؟؟
وطاحت السماعه على الارض..
*وش كان الخبر اللي سمعته رزان؟؟
*وهل زياد يحمل الشي اللي ممكن ينقذ سمعه الشركه وسمعه ابو فهد ؟؟
كله بالجزء السادس عشر..