تابع>>>
قامت ميته خوف من شكله عيونه تشع غضب او حزن ما فهمت أي شي وسهامه صابت قلبها اللي ارتجف خووف
رزان بصوت مرتاع: ابراهيم وش فيك؟؟
ابراهيم يتقدم بخطوات بطيئه وجلس جمبها ودموعه خانته : رزان ابيك تكونين قويه
رزان مستغربه كلامه : قويه!!
ابراهيم ورجفه كل خليه بجسمه تعبر عن اللي الحاله اللي اهو فيها وبصوت متقطع: رزان انا وانتي فينا الايدز
لحظه صمت قطعها اصوات انفاسهم ..
رزان واهي كاتمه صوت بكاها: ومن مين اخذته انا؟؟!@
ابراهيم بحزن: من وليد
رزان جلست ترتجف بشكل مو طبيعي لما سمعت الاسم...
&&&&&&&&&&&&&&&ل&&&&&&&&&
في جهه ثانيه من المستشفى...
ما صدقت توصل بعد ما نفسيتها خربتها امها قبل ما تطلع..
وقفت قدام غرفته وجلست تدور تدور اذا كان في أي احد موجود ارتاحت انها مالقت احد عشان يكون لها وقدام عينها اهي وبس
فتحت باب الغرفه بهدوء ما تبي أي شي يزعجه ...
كانت الغرفه مظلمه وبارده حست البرد وصل لعروقها واصوات الاجهزه وصدها غطها كل جزء بالغرفه..
قربت منه بدون تصديق انها قدامه مرت اطراف اصابعها على الجروح اللي غطت وجهه واثارها اللي انتشرت على يديه وكل جسمه
لفت بنظرها على الغرفه ومسكت اقرب كرسي وشدته بهدوء جمب السرير شالت غطى وجهها واكتفت انها تخلي الطرحه على شعرها في حال دخل احد عليها..
طلعت من شنطتها كتاب الله مسكت يده بقوه وبدت تقرى بصوتها الدافي الحنون اللي غطى ارجاء المكان بالسكينه والخشوع..
مع كل كلمه تقولها تمسح معها انهار دموع غطت وجهها طول عمرها بعيده عن ربها بعيده عن هدايته وعن رحمته فكرت بكل ذنوبها وكل اللي سوته تمنت في غمضه عين تمسح كل افعالها ..
مها" اه ياخالد ياليتني انا مكانك ولا تتألم لحظه اصحى خلاص تعبت من دونك اصحى وريح قلبي اللي تعب من فراقك "
كملت قرايه بصوتها الدافي وما قاطعها الا صوت الباب ينفتح
&&&&في مكتب الدكتور سالم&&&&
ام فهد بخوف ام صادق: طيب يادكتور والحين اهو كيفه؟!@
الدكتور سالم واهو يتنهد: والله مدري وش اقولك الحمد الله بدت تنتظم دقات قلبه وتخطيط القلب صار احسن بس الغيبوبه شي ما نتحكم فيه احنا ما يتحكم فيه غيره سبحانه
ام فهد بحزن: والنعم بالله
كمل: الامر متوقف عليكم ماعليكم الا الدعاء في ناس تصحى في يوم وناس تصحى في شهر وكله يعتمد على ربك وعلى الشخص نفسه
ام فهد بستغراب: كيف على الشخص نفسه؟!@
الدكتور سالم: يعني في اشخاص قوه حبهم للحياه تخليهم يحسون باللي حولهم وهالشي يساعدهم انهم يرجعون من الغيبوبه
ام فهد من قلبها: يارب ترجع لي ولدي يارب
الدكتور سالم: امين ياخاله وترا جلستك هنا مو مفيده ابدا عطيني رقمك واي تطور في حالته بتصل عليك ولايهمك
ام فهد: لالا ما اقدر اخليه لحاله مو توك تقول انه يحس باللي حوله
سكتت وما عرف يرد: براحتك.
&&&&&&&&&&&&&&&&&&&&&7
&&&في الصاله&&&
ام احمد معصبه من رجلها اللي صاير ما يهتم براي احد غير راي نفسه حتى لو كان هالراي يهدم حياه شخص غيره
ام احمد تحاول تتماسك وتمسك اعصابها: مو معقوله يا ابراهيم ولدك هذا ولدك
ابو احمد بجديه: وانتي قلتيها ولدي وانا ادرى بمصلحته
ام احمد منقهره منه: أي مصلحه هذي انك تمنعه يتزوج بنت عمه وش ذنبهم بالمشاكل اللي تصير بينك وبين اخوك طلعهم منها..
ابو احمد بعصبيه: انتي لا تتدخلين وانا قلتك ياها مره وانا ما احب اعيد كلامي اكثر من مره مابي ازوج ولدي لبنت ابوها حرامي وخاين
...
شهقت نوف وطاحت مغمى عليها على الدرج....
((نزلت من غرفتها طفشت من جلستها لحالها تدور أي شي يشغلها عن افكارها المره ((
نزلت على الدرج وشافت جسم نوف طايح في اخر الدرجه
في واهي تصرخ: الحقوووني نووف
مسكت راسها ورفعته وبدت تضربها بخفه على وجهها : نوف تكفين اصحي اصحي
مي سمعت الصرخه ونزلت بسرعه واهي تسكر ازرار بلوزتها وشعرها مفكوك على وجهها
ابو احمد وام احمد طلعومن صوت الصراخ..
ابو احمد بخوف: وش فيها
في واهي تناظر ملامح نوف الهاديه بشكل يخوف: ما ادري يبه ما ادري وش نسوي ؟!@
ام احمد بتوتر: تتوقعها سمعتنا
مي بستغراب: تسمع ايش !!
ام احمد: كنا نتكلم عن موضوع زواج اخوك من نوف
مي شهقت لانها تاكدت ان هذا السبب: يالله اكيد سمعتكم والا وش اللي يخليها تفقد الوعي ودوها غرفتي ان شاء الله تصحى
ابو احمد شالها وحطها على سرير مي وطلع وقبل ما يطلع قال: اذا ما صحت نادوني نوديها المستشفى
في ما ردت عليه بروده قتلها..
ام احمد تفرك يدها: ياربي بنت الناس جت عندنا سليمه وش بقول لأمها اذا سألت عنها..
مي بدت تضرب نوف بخفه على وجهها شممتها كل شي موجود في غرفتها على امل انها تصحى
في مسكت يدها وضغطت على يدها على امل انها تصحى
حست بضغط بسيطه رفعت نظرها لعيونها وشافتها تتحرك
في وصوتها يرتجف : نوف اصحي تكفين
نوف بصعوبه حاولت تفتح عيونها مسكت راسها اللي حست انه بينفجر : ويني فيه اااه ياراسي
مي : انتي بغرفتي يالدبه خوفتينا عليك
تذكرت سبب طيحتها وبدت تصيح ..
نوف واهي تبكي: اطلعو برااا وخلوني لحالي
مي مسكت كتفها: نوف قلبي وش فيك
نوف رفعت عيونها وعطت مي نظره عتاب فهمت وش تبي تقول من دون ما تتكلم:اطلعي واتركيني لحالي
في اكتفت بالسكوت وطلعت وام احمد طلعت معاها...........
مي اصرت انها تجلس وتكلم نوف: قولي وش اللي خلاك تفقدين الوعي
نوف فقدت السيطره على اعصابها: تسوين نفسك مو عارفه لا مي هذا اخر شي توقعته منك والا من اختك بعد يعني ادري منكم اهون عندي مليون مره من اني ادري من احد ثاني
مي ما عرفت ترد عليها....
كملت بهستيريا: شفتي شفتي يعني مو قادره حتى تبررين لي اللي سويته والا سكوتك وش كانت فايدته هاا !@!
مي : كنت خايفه عليك..
نوف بعصبيه: خايفه علي من ايش وش شايفتني طفله هذي حياتي ولازم اعرف ..
مي متفشله منها: لا مو طفله بس ما بغيت تعرفين الحين وانتو هذي حالتكم ويمكن تنحل من دون ما تعرفين
نوف واهي متنرفزه وتبكي : اطلعي براا خلاص خليني لحالي
مي اكتفت بالسكوت وطلعت من الغرفه...
احمد شافها واهي تسكر الباب ..
مي بضيقه: هلا احمد
احمد بستغراب: اهلين ليش متضايقه بعد ما يكفي البيت كله يجيب الهم..
مي : نوف عندنا واغمى عليها قبل شوي
احمد بلفه: طيب صحت والا قومي جيبيها بوديها المستشفى يله
مي : هد اعصابك لا صحت صحت
احمد واهو منقهر : وش اللي ..
مي كملت: تفقد الوعي بقولك بس ابيك تهدى اوكي
احمد ماله خلقها: تكلمي..
مي خافت: نوف اغمى عليها من
احمد بأصراار: منننن
مي خايفه من رده فعله: من امك وابوك لما سمعتهم يتكلمون في موضوعك
احمد بعصبيه: اااااايش على الاقل يحترمون وجودها في البيت ويسكتون
نزل بعصبيه وانفاسه القويه دليل على كذا...
نزل في الصاله ولقى ابوه يشرب بياله الشاي حقته وشكله مو مهتم لي صار لبنت اخوه ابداا...
احمد بعصبيه: يعني ما راح تتنازل مره وحده عشان ولدك
نزل بيالته بهدوء ورد بجديه: انا كلمتي ما تتثنى قلتلك دور لك أي بنت غيرها وانا بزوجك ياها اليوم قبل بكرا
احمد بأًصرار: وانا غير نوف ماراح اتزوج
ابو احمد من دون اهتمام: بكيفك هذا شي راجع لك
احمد حس بنيران ولعت بصدره بس مهما كان هذا ابوه وما يقدر يرفع صوته عليه
***في غرفه مي**
لمت يديها حول جسمها وبدت تبكي خايفه تفقده خايفه تعيش من دون لمسته تدفي حياتها والا وصوته ولمسه يده ..
كل هالاشياء كانت تملى عليها حياتها ومن دونه راح تنتهي..
تذكرت الدفتر وفتحته على القصيده ونزلت دموعها اكثر كانت القصيده تعبر عن اللي في قلبه وانه ماراح يقدر على خسارتها هالاشياء تراكمت عليها وما قدرت تكمل قرايه ....
لبست عبايتها ونقابها ونزلت
كانت واقفه وتسمع كل كلمه تنقال..
ابو احمد بعصبيه: خلاص اذا ما طاح اللي براسك لا انتي ولدي ولا انا اعرفك
ام احمد صرخت: لاتقولها يا ابراهيم
ابو احمد بعناد: واسمع اذا ما خليت امك تخطب لك على الاسبوع الجاي مابي اشوف رقعه وجهك في هالبيت
ام احمد بترجي: لا تكفى الا هذي ما اقدر اعيش من دون ولدي لا تقولها
اب احمد بعصبيه: اذا ما عجبك كلامي الحقيه
قاطعهم صوت نوف..
نوف بخيبه وحزن: مشكور ياعمي على كل شي قلته ومع السلامه..
طلعت من الصاله على حوش البيت..
شافوها البنات وطلعو يركضون
في واهي ماسكه يدها: وين بتروحين مافي طلعه مافي طلعه من هنا
نوف بعصبيه: اتركيني بروح لبيتنا احسن لي
مي :ليش طيب وش صار!!@
ييتبع