الجـــــــــــــــــــــــــــــزء الخامس عشر%%%
مي: يمه ابي اروح للمستشفى نوف محتاجتني ولازم اكون جمبها في هالوضع بس ولدك راح من دون ما يقولي والسواق ابوي مرسله يسوي له شغل وانا ابي اروح الحين
ام احمد مو رايقه: وش تبيني اسوي لك طيب مافي احد يوصلك استني لما يجي احد وويوصلك..
مي بطفش: يمه تكفين
ام نواف واهي تلبس عبايتها كانت تسمعهم..
ام نواف: طيب يله تعالي معاي انا اوصلك
مي انحرجت منها: لا مشكوره خالتي ادبر نفسي
ام نواف بأصرار: لا خلاص لا تخليني احلف يله تخاويني بدال روحتي مع السواق لحالي
مي متردده
ام احمد: روحي مع خالتك بس لا يكون فيها تأخير عليك يا ام نواف
ببستامه ردت: وانا احصل اكون مع مي مره ولدي واقول لا
مي داخت من الحيا..
ام نواف:هههههههههه ياحليلها تستحي شوفي وجهها وشلون صار
ام احمد: يله حبيبتي روحي مع خالتك
مي بخجل: ان شاء الله يمه>>>>>>>طلعت الارانب خخخخخخخخخخخخ
ام نواف: يا حبيلك يله قلبي
راحت بسرعه ولبست عبايتها وطلعت واهي منحرجه مع خالتها
ركبت السياره ...
ام نواف ببتسامه: يله يا راجو حررك
راجو لف عليها وغمز لمي: هلا وغلااا
مي طيرت عيونها من الروعه ومن روعتها قالت: ااانت؟؟
نواف ببتسامه تسحر: ايه انا
ولف يشغل السياره ..
وخالتها ميته ضحك على شكلها اللي تغير وصارت بميه لون مي لفت على خالتها ودها تطب في بطنها بس مسكت نفسها وحاولت ما تبين الاحراج اللي فيها ..
نواف حب يكمل عليها جلس يتكلم كأنه سواق: ماما وين ابغو روح
ام نواف فاطسه ضحك عليهم وعلى اشكالهم...
مي ما قدرت ترد عليه معصبه وفي نفس الوقت ودها تضحك فسكتت..
نواف :هههههههههههههههههههههههه يمه على وينام نواف: هههههههههههههه روح للمستشفى
نواف بستغراب: مستشفى؟؟
ام نواف: ايه مي تبي تزور ولد عمها ما امداك نسيت!!
نواف وعينه على الطريق:لا ما نسيت
مي وودها تنشق الارض وتبلعها صدق بدت تتعود عليه وعلى اسلوبه بس ما تقدر تاخذ راحتها معاه ...
نواف ماشي وابتسامته تشق وجهه لانه حرقها من كثر ما استحت واهو يناظرها بالمرايه السياره
ام نواف فرحانه ان ولدها تغير حاله كان كاره الزواج وكل يوم اعتراضه يزيد بس من بعد ما قالت له عن مي وشافها واهو مقتنع وباينه سعادته من عيونه وهالشي فرح قلبها ويريحها..
وقفو عند المستشفى واهي سرحانه..
نواف حاب يقهرها: اقول ما ودك تنزلين والا عجبتك الجلسه معاي
مي ما انتبهت: ها ايش قلت
نواف يعيد الكلام بستهزاء: اقول ما ودك تنزلين والا عجبتك الجلسه معاي
مي بقهر فتحت الباب ونزلت وضربته بقوه..
واهو فاااااطس ضحك..
ام نواف تحاول ما تعلي صوتها: حرام عليك هبلت في البنت
نواف:ههههههههه اصبري علي ما شفتي شي بجننها مثل ما جننتني
ام نواف نزلت توصلها عند الباب المستشفى الكبير..
مي واهي منحرجه: مشكوره خالتي على التوصيله>>اشين توصيله انا اويه حسابه بعدين
ام نواف: ولا يهمك حبيبتي سلمينا عليهم
مي: يوصل مع السلامه
ام نواف: مع السلامه
مي واهي تمشي تفكر في حظها يمكن بدت خيره ربي اللي كاتبه لها وان حياتها بتكون احلى مع نواف مو مع غيره لا مع زياد وغص قلبها لما قالت خالد
تذكرت لما شافت شكله من خلف الزجاج عقله وقلبه في مكان وجسده في سرير بارد وحوله اجهزه غطت
وقفت تناظره ودمعت عيونها مسحتها بكف يدها وحست بدفا على كتفها التفت واهي مبتسمه...
نوف بحزن:ادعي له يا مي
مي بنفس الحزن: الله يشفيه ويشفي مرضى المسلمين
نوف من قلب: امييين يارب
مي : طيب ما في تقدم في حالته
نوف بضيقه: لا مافي ما صار له يومين تستقر حالته بس ان شاء الله الله كريم
مي: ونعم بالله الا خالتي متى بتجي هنا؟؟
نوف: تعالي راسي مصدع نروح ناخذ لنا كوفي ونجلس نسولف..
مي : يله..
^^^^^^في سياره نواف^^^^
نواف بضيقه: يمه انا بروح الحين واحطك في البيت وبغير وبروح عندي مشوار مهم
ام نواف بستغراب: أي مشوار ؟؟
نواف بحقد: انتي عارفه!@
ام نواف بضيق: ايه عارفه بس مو حاس انك مستعجل؟!@
نواف بنبره جديه: كل ما استعجلنا كل ما كان احسن هذا الموضوع فيه فضيحه للعايله كلها .
ام نواف مقتنعه بقرار ولدها: انت الحين في مكانه ابوها وااللي شايفه صح سوه ..
نواف: ان شاء الله يله يمه خليني اخلص واروح
ام نواف: يله انزل طيب..
نواف : عندي مكالمه اسويها والبس واطلع ..
ام نواف واهي تنزل: طيب مع السلامه
&&مسك جواله واتصل على &&
نواف بجديه: هلا ابراهيم
ابراهيم بفرح: هلا نواف كيفك
نواف ما رد على سؤاله:احنا على موعدنا اليوم
ابراهيم بتوتر: ان شاء الله انا بجيب معاي الشيخ الحين وبجي للمستشفى
نواف بنفس جديته: اوكي استناك مع السلامه
ابراهيم بستغراب: مع السلامه
ابراهيم" وش فيه هذا معصب هذا وانا بتزوج بنت اخوه الله يستر بس"
جلس يناظر نفسه في المرايه ويناظر ملامحه يفكر كيف كان وين وصل وكيف ربه هداه واكيد لها الهدايه حكمه وما يعلمها غيره سبحانه.."
طلع وخوفه يسبقه اميال خايف نهايه اللي جالس يسويه ندم والقهر بس استهدى بالله وعرف ان اللي يسويه اهو الصح وهذي نتيجه اللي سواه بالبنت الوحيده اللي حبها من قلبه وخلته يحس بأحلى احساس واحلى مشاعر عيونها اسرته في لحظه من اول ما طاحت عينها بعينه..
فرح من قلبه انه خلاص اليوم وفي كم ساعه رزان بتكون له وملكه وتحت نظره بيحاول قد ما يقدر يحافظ عليها ويحميها من كل شي..
*******&&&&&**********&&&&&&*********
في المستشفى ..
نواف جالس على ااعصابه خايف ابراهيم ما يكون قد كلمته وممكن يتراجع في أي لحظه اعصابه متوتره واي شي يعصبه
جلس على الكرسي بعد ما تعب من المشي في ممرات المسشفى ..
جلس وعينه ما نزلت من الساعه الكبيره البيضاء المعلقه على الجدار وكل دقيقه يتأخر فيها ابراهيم يزيد خوفه وتوتره..
**في غرفه رزان**
اميره تلف الطرحه على وجهه رزان وتحاول تمسك دموعه اللي حاسه انها بتخونها في لحظه ضعف
رزان احساسه ما تقدر توصفه خايفه او فرحانه خايفه يكون فعل ابراهيم مو شهامه منه على اللي سواه فيها وانه ما يكون يحبها صدق مثل ما قال لأميره ويكون اقسى عليها من الزمن ونواف بس هانت عليها نفسها لان بعد جرح نواف لها أي جرح راح يكون بالنسبه لها سهل وقادره تتحمل الالامه وخايفه تفرح ويكون كل هذا مجرد حلم وان قدرها كاتب عليها تعيش من حزن لحزن ومن الم الألم سلمت امرها لربها اللي حست انها قريبه منه هالايام
تدعيه في اخر الليل قوت ايمانها فيه وبحكمته وان اللي صار لها كله له هدف كان سبب هدايتها ورجوعها للخالق الكريم..
رزان حاسه بأنفاس اميره القريبه منها وكأنها تحاول تمنع نفسها من انها تبكي: اميره خلاص عيشي حياتي واتركيني اعيش حياتي ..
اميره وعيونها غرقانه دموع:وش قصدك اخليك تدفنين نفسك مع واحد..
وسكتت
زران وعلى وجهها ابتسامه قناعه: ما اتوقع اقدر اتزوج احسن من ابراهيم يكفي انه يحاول يستر علي
اميره بعصبيه: انتي وش صار لك وش فيك انجنيتي وين رزان القويه اللي انا اقوي نفسي فيها وينها ما اشوف قدامي غير رزان الميته اللي استسلمت وتراجعت وخلت واحد مثل نواف يتحكم بحياتها ومصيرها قومي وشدي نفسك ارجعي رزان اللي عرفتها رزان بنت خالتي رزان صديقه عمري
جلست على الكرسي بقوه وبدت تبكي بحرقه..
رزان قامت بصعوبه وقفت قدام اميره المنهاره ونزلت لمستوها وتكلمت : طيب انتي وش مضايقك اذا انا راضيه يا اميره يا حبيتي هذا نصيبي وانا راضيه فيه ادعي لي بالتوفيق وان شاء الله يجي نصيبك احسن من نصيبي بس انتي ارجعي لربك وادعي انه يغفر لنا على كل الذنوب للي سويناها اللي سويناه مو سهل البشر ما سامحونا وانتي شفتي نواف وش سوى فيني خلاص بيزوجني عشان يرتاح من همي ويسترعلي لاتحطين نفسك في الموقف خذيها مني كلمه ابعدي عن هالطريق ماراح تحصلين من وراه غير المشاكل..
كانت اميره تسمع بأنصات وعيونها وكل جزء بجسمها مركز على كلام رزان اللي فاجأها ..
كملت: اميره بعدي عن المشاكل والله اني نادمه اني انجريت ورى المكالمات والشباب والطلعات كل شي له مره اولى وانا كانت مرتي الاولى الاخيره لي الاخيره اللي دمرت حياتي وخلتني حتى اخسر احترامي لنفسي اول شي واحترام وثقه اهلي فيني شوفي حالي ابو ميت وام ما تسأل عني واول من تخلى عني في وقت حاجتي اهي اتركي مشاعل بحالها انا عارفه ومتاكده انك حاقده عليها وتبين تنتقمين منها اليوم قبل بكرا بس سامحي واغفري اذا ربك يغفر ليش احنا ما نغفر على الاقل اهي سوت لك خدمه عمرك..
اميره بستغراب: خدمه عمري؟!@
رزان : ايه خدمه عمرك كنتي راح ترتبطين مع اني متاكده من ان حسين واحد مو وجه زواج كنتي بتورطين نفسك وتدخلين في مشكله كبيره بسبب تهورك معاك
اميره بقهر: ووين الخدمه اللي سوتها الحقيره..
رزان: لحد الحين مو عارفه وش سوت صحتك من الحلم اللي انتي كنتي معيشه فيه نفسك ان حسين اهو فارس احلامك واهو كان اكبر خاين ومن ساعدك انك تعرفين هالشي مشاعل
اميره وقفت بتعصيب:اهي سرقت مني الشي الوحيد اللي حبيته الشي الوحيد اللي خلاني اصبر على سنه من اهمال اهلي لي ولا اهتم لانه اهو اللي كان يغمرني بهتمامه سرقت مني اول شخص حرك فيني حلو يخيني اتغير عشانه
رزان: خلاص ماضي وانتهى انسي وعيشي حياتك واستغفر ربك ان شاء الله يغفرلنا اللي سويناه ربك غفور رحيم يا اميره بس لا تنسين انه شديد العقاب..
اميره سكتت غصب عنها لانها ماراح تقدر تقنع رزان بالأنتقام اللي حاطته في بالها عشان تدمر فيه مشاعل وتخليها تكرهه حياتها واليوم اللي تعرفت عليها فيه..
اميره تخفي ملامحها البريئه علامات الشر اللي بدت تظهر عليها: خلاص خلينا مني الحين الحين عمك يجي يصجنا مره ثانيه
رزان بضيقه: يله متى يجيبون الشيخ ويخلصوني ذبحني الانتظار..
اميره بحقد: الله ياخذهم كلهم ونرتاح
رزان بعيون كلها دموع: تكفين لا تدعين عليه الله يخليك
اميره بقرف منها: وانتي لحد الحين ما كرهتيه اف
رزان بنفس نبره الحزن: ولا راح اقدر اهو بالنسبه لي كل شي بحياتي ااذا كنتي تقدرين تستغنين عن قلبك فا انا ما اقدر استغنى عنه..
اميره كل يوم تستغرب وتتفأجأاكثر من اليوم اللي قبله وكلام رزان خلها تصحى وتعرف انها تحبه صدق ومن كل قلبها حتى انها كانت شاكه ان فيه احد هالايام يحب كذا..
**********عند باب المسشفى*********
نواف تعب من الانتظار وتعبت عيونه من كثر ما اهو مركز ويعد الثواني واهو يحس هالحمل بدى يثقل عليه ...
وقف وطلع جواله من جيبه خلاص فاض الكيل...
من وراه..
ابراهيم: ما يحتاج تدق انا وصلت..
نواف التفت وعلى وجهه علامات التعصيب بس كان ماسك نفسه: ليش تأخرت
ابراهيم وكان جمبه الشيخ: الشيخ كان عنده شغل على طول خلص وجبته..
نواف بجديه: يله تفضل معاي..
*************((((((((((((((())))))))))))))******** ****
في الشركه كانت الدنيا مقلوبه من بعد وفاه ابو سعد وابو فهد اللي انطرد من حلاله ...
ابو احمد غرقان بالمشاكل والديون ومو عارف يتصرف دمعت عيونه لما تذكر ابو سعد اللي كان له صديق وقت ضيقته والحين كان محتاجه ومو عارف يتصرف الناس بدو يطالبونه بفلوسهم واهو ما عنده كل سيوله اللي عنده وزعها على كم صفقه وكل الصفقات راحت لشركات منافسه..
يتبع>>>