تاابع>>>>>>>>
$$$$$$$$$$$$$في بيت ابو سعد$$$$$$$$$$
سعد وزياد وابو احمد وابوفهد كانو يستقبلون التعازي واول يوم كان متعب على كثر لرجال اللي قدمو تعازيهم ...
زياد ينزل على الكنبه بتعب: يالله رجليني خلاص مو حاس فيها
سعد جلس جمبه بسكوت...
ابو فهد من خلص العزى طلع بسرعه لانه ما يبي يترك خالد لحاله..
فيصل كان جالس جمب ابو متعب وراشد يتكلمون في الشغل
راشد متضايق: ياخي خلاص خلو الشغل بعدين مو وقته اصلا
فيصل بعصبيه : وش رايك تسكت خلاص ما عندنا وقت للدلع لازم كل اشغالنا نخلصها خلال هالشهر او الشهرين الجايه ..
ابو متعب: خلاص انا قلتلك بس باقي الملف اللي عليك انت..
فيصل:وانا عند كلمتي بجيبه بطريقتي..
***في جهه ثانيه من الغرفه***
حمود يناظرهم: ياخي اموت اعرف عمك وفيصل هذا من يوم ما جو واهم يتكلمون
احمد يناظرهم بحقد: اصبر علي ان ما خليت فصيلوه يتحسف على اليوم اللي امه ولدته فيه ما اكون ولد ابوي ما بقى الاهالأشكال ناكر الجميل شغله عندي
حمود: أي مساعده انا موجود..
احمد: كفو والله ياحمود انت عزيز واثبت انك اكثر من اخ وقفتك معانا عن ميه رجال ان شاء الله نرد لك ياها في الافراح..
حمود بمزح: ان شاء الله بعرسي
احمد ببتسامه: ان شاء الله انا بروح الحين اشوف خالد
حمود: جاي معاك ما رحت له من امس امي اشغلتني بعرس بنتها ..
احمد:هههههه يله قوم بس ..
%%%%%%%%%%%%%%%%%%%%
راحت اهي وبناتها للعزى وجلسو لحد ما راح كل المعزين حصه عاد ما تفوت موقف تطلع فيه انها سنعه وراعيه واجب بعد ما خلصت ام احمد وام فهد كل شي نطت معاهم كأنها اللي جايبه ومصلحه القهاوي كلها...
حصه بعد ما جلست جمب مشاعل اللي طول وقتها ساكته على غير العاده: وانتي وش فيك منطمه روحي مع البنات
ولا رد...
حصه انقهرت: اقولك لا تسفهين ووخلاص حسني اخلاقك كلها كم يوم وتفارقين لبيت رجلك ونفتك منك ومن حنتك وبلاويك..
مشاعل قامت من دون ما ترد وطلعت في السور تمشي وتشم هوا لان الجو جوا كاتمها...
وقفت على شجره سندت عليه ظهرها بتعب لازالت اثار ضرب ابوها طابعه اثارها على قلبها قبل جسمها..
سمعت نحنه قريبه منها وما تحركت من غير اهتمام ...
سعد جلس يناظرها من بعيد وكانت اخر شي يتمنى يشوفه اليوم لانه تذكر انها في فتره قصيره بتكون معاه بنفس الغرفه وبنفس البيت...
سعد ببرود: مره ثانيه لما تسمعين صوت رجال تحركي مو تجلسين كأنك في بيت ابوك
مشاعل ظلت ساكته وسكوتها قهر سعد اكثر..
قرب منها وشد على يدها بقوه لفت عليه ببرود وكأنه مو موجود
سعد واهو يشد على اسنانه: قريب يا مشاعل بتتربين من جديد ومو على يد ابوك والا امك اللي ما عرفو يربونك
رفع يده في وجهها : على هاليد ورب العباد شاهد على كلامي
مشاعل وبكل برود وبستهزاء: نشوف كانك قد كلمتك يا رجال
سعد رفع يده بيضربها وتراجع في اخر لحظه ..
رد عليها بنبره تخوف: انتي انسانه مريضه وانا ربي بلاني فيك ما ادري عقوبه على ايش انا طول عمري ما اذيت احد ولا سببت لأحد مشاكل بس ربي يحطني بهالموقف اكيد امتحان
كمل بنبره استهزاء: وانا قد هالامتحان يا مشاعل وراح انجح فيه وبتفوق..
مشاعل كانت تكرهه من كل قلبها: انت لو فيك ذره رجوله كان ما خذت وحده ما تبيك وتكرهك بعد
رد عليها بحتقار: انا مستعد استغنى عن رجولتي على قولك بس عشان شي واحد عارفه ايش؟؟
مشاعل بقهر: ايش؟؟!@
سعد واهو يضحك بستهزاء:هههههههههههههه عشان اكسر راسك يا عروسه..
ومشى وتركها بقهرها والدم فاير بمخها وموقادره تفكردخلت جوا بعصبيه وجلست جمب مها اللي كانت سرحانه
مشاعل هزتهابقوه: قومي خلي اخوك يودينا البيت طفشت من الهم والحزن اللي هنا احس اني مكتومه
مها لفت عليها ببرود: تبين تروحين روحي انا شوي وبروح المستشفى عشان نوف هناك
مشاعل تستفزها: نوف والا حبيب القلب
مها بخوف حطت يدها على فم اختها : يا زفت اسكتي ولا كلمه
مشاعل بعدت يدها بقوه: اقول بس يقالك ما تبين الفضايح والا اخلي الطابق مستور احسن لي اللي انا فيه يكفيني
مها بدون نفس: يكون احسن
^^^^^في جهه ثانيه من الغرفه^^^^^
في من بعد اللي صار بينها وبين زياد ما قدرت تنام يعني لها يومين
مي : يله نروح البيت
في بتنهد: يله
مي : بتروحين معاي لنوف تراها من الصبح في المستشفى
في بتعب: بروح ارتاح في البيت وبكرا بروح لها ما اقدر الحين مافيني حيل..
مي : براحتك مين بيوصلنا البيت..
في: اكيد احمد اتصلي عليه خليه يشغل السياره ويشغل المكيف بعد عشان ما نخيس بهالحر شي لا يحتمل بصراحه
مي: من جد
دقت على احمد*********
مي : ها حمود شغل السياره الله يخليك وشغل المكيف بعد تعرف احنا بنات نعومات ما نتحمل الحر اكثر من 45 ثانيه اكثر من كذا تفصل في روسنا اسلاك وانت الخسران
احمد بطفش: اعوذ بالله بالعه راديوو اسكتي وبعدين وش شايفتني سواقك على غفله اقول تلايطي بس انا في المستشفى مو في البيت
مي : ليش ما قلت لي انك بتروح المستشفى انا ابي اروح نوف هناك لحالها من الصبح
احمد بحزن: ليش ما تكلمتي
مي حست بأخوها: احمد خل موضوعك انت ونوف مووقته استنى لحد ما الامور تهدى بين ابوك وعمك وابوسعد توه متوفي ما امداه
احمد واهو يتنهد: والله عارف ولله انتي ما قلتي شي جديد بس قلبي ياا مي من يصبره على فراقها احسها بتكرهني من كثر ما اطنشها كم مره وقفت معاي لحالنا وانا اطنش وامشي ما اقدر احس لو بوقف معاها دقايق بخطفها وبروح انا وياها أي مكان محد يعرفنا فيه ونفتك من المشاكل اللي كل يوم تتعقد اكثر وكلها بسبب فصيل الزفت ..
مي بستغراب: وش فيه فيصل؟؟!@
احمد : ماعليك منه خلاص شوفي السواق أي احد انا ما اقدر ارجع لاني تعبان برجع وبحط راسي على طول
مي بطفش: طيب طيب
عند ام احمد وام سعد وحصه....
ام نواف قامت بالواجب كانت معاهم من الظهر...
ام نواف : يله انا استأذن احسن الله عزاك يا ام سعد والله يثبتك ويقويك ويعينك على تربيه عيالك
ام سعد بكسر خاطر: تسلمين ومشكوره تعبناك معانا..
ام احمد: ايه والله ما قصرتي وكنتي لنا عون اكثر من الغريب >>لفت على حصه
حصه بحقد: عاد انتي اعرف يا ام نواف بعض الناس اللي يسوون نفسهم مهتمين واهم ماسوو هالشي الا بسبب ما يعلمه الا ربك..
ام نواف ما فهمت ولا عرف
ام احمد بعصبيه: من قصدك؟؟
حصه : والله حبيبتي اللي على راسه بطحا يحسس عليها..
ام نواف تحاول تهديهم: الله يهديكم ماله داعي هالكلام مو وقته ولا مكانه
اثنتين سكتو غصب احتراما لأم سعد..
حصه بقهر: اقول اروح بيتي احسن لي
ام احمد ودها تصفقها: يكون احسن
حصه عطتها نظره ومشت وتركتها...
مي: يمه ابي اروح للمستشفى نوف محتاجتني ولازم اكون جمبها في هالوضع بس ولدك راح من دون ما يقولي والسواق ابوي مرسله يسوي له شغل وانا ابي اروح الحين
ام احمد مو رايقه: وش تبيني اسوي لك طيب مافي احد يوصلك استني لما يجي احد وويوصلك..
مي بطفش: يمه تكفين
ام نواف واهي تلبس عبايتها كانت تسمعهم..
ام نواف: طيب يله تعالي معاي انا اوصلك
مي انحرجت منها: لا مشكوره خالتي ادبر نفسي
ام نواف بأصرار: لا خلاص لا تخليني احلف يله تخاويني بدال روحتي مع السواق لحالي
مي متردده
ام احمد: روحي مع خالتك بس لا يكون فيها تأخير عليك يا ام نواف
ببستامه ردت: وانا احصل اكون مع مي مره ولدي واقول لا
مي داخت من الحيا..
ام نواف:هههههههههه ياحليلها تستحي شوفي وجهها وشلون صار
ام احمد: يله حبيبتي روحي مع خالتك
مي بخجل: ان شاء الله يمه>>>>>>>طلعت الارانب خخخخخخخخخخخخ
ام نواف: يا حبيلك يله قلبي
راحت بسرعه ولبست عبايتها وطلعت واهي منحرجه مع خالتها
ركبت السياره ...
ام نواف ببتسامه: يله يا راجو حررك
راجو لف عليها وغمز لمي: هلا وغلااا
*وش موضوع هالسواق الوقح؟؟
*هل رايح يتم زواج ابراهيم من رزان؟؟
*ومن ايش ابو سعد حذر ولده؟؟
كله بالجزء الخـــــــــــــامس عشر