[( ســــارب )]

اقتباس المشاركة الأصلية كتبت بواسطة العـ راعي ـليا هجير يانسل ... الرجال المناعير=يالصاحب اللي ... خصّني واشتكالي هاك الجواب وسابقه عذر تأخير=من هاجسٍ بالراس جال اجتوالي يالحر يالصنديد ... ريف الخطاطير=عون الرفيق اللي به الوقت مالي اهلاً هلابك ... عد وبل المعاصير=واعداد حباة الحصى والرمالي ياللي جوابك مثل ... در المباكير=حالي حلا حِلياك حلو إِيحلالي ياصاحبي حذراك... لا تكشف البير=يصبح هماجٍ ... عقب ما هو ازلالي ما كل سيف ... امن السيوف البواتير=ولا كل رجلٍ ... من حساب الرجالي ولا كل طيرٍ... برقعوه الصقاقير=ولا كل هرجٍ ... لو سمعته يقالي ما يطيّح الأغصان كثر العصافير=وحشو الزلق ما تقترب للجمالي لا تشيل هم ... وخلْ عنك التفاكير=ترى الزمن مثل الرشا بالمحالي ياقدرة الله بين ... وِرد ومصادير= والدار ندري ... كل ابوها هيالي ما أقول لك بختامها يالخوي غير=عسى السعاده ... دوم فالك وفالي

صح لسانك مليون كفيت ووفيت ‘‘‘ يا طيب الفال ‘‘ الله لا يهينك

ليت الجروح الداميه متساويه = وليت النصيب اللي إنكتب لي ما انكتب
سف الكلام اللي رواه الراويه = ولم الكلام اللي بعمره ما كذب
شاعر..يعز من الليالي مخاويه = يسد حبره لين ينزف من ذهب
شاعر..يشوم من اللمم والغاويه = من خوف ربه ثم من امه تنتحب
شاعر..ولا له فالردى والهاويه = إليا رقى يرقى على متنه غصب
شاعر..عزاه إن البنادق خاويه = وإلا يمينه كم بها [ هد ‘ وكسب ]
شاعر..غدره من الزوايا زاويه = يوم المكان انسب سكينه للتعب !
شاعر لقاله في البسيطه هاويه = بين البرايا تحوم حمالة حطب !
لو قيس ذنبه مع ذنوب معاويه = ما ظنتي تصفى على نار ولهب !
قلته وانا اللي ما نظرت الحاويه = كني رميت إبها شياطين الغضب
قلته وانا حس البشر متقــــاويه = إحساس نابع من صدى قلب ‘ وهدب
إحساس شاعر والنجوم الضاويه = ترسل له اشواق الثريا لا نضب
يوم القلوب اللي وزانه ثاويه = طاحت ‘ ولا شالت عناقيد العتب !
ماعاد فيها يالصدور الراويه = صغير سن وشبت من شوف العجب
إلويش يا دنيا العجايب ناويه = حتى يتعرى من ملابـِسْهْ الأدب !
..شفت الذياب المشرفات العاويه = ويا دون منهو في حياته ما احتسب!

هجيـــــــــــــــــــــــر ‘‘‘