لاتحسبني يوم أراسلك أبرضيك = أقر القصيده زين تقرا المعاني
ترى القصيده عن لساني تحاكيك= أفهم كلامي زين يامودماني
ماني بقايل خير وش صار وش فيك= لو أن حبك مستحلٍ كياني
أرمي غلاك اللي بقلبي وأخليك= وأنسى ولا أنسى سوا من نساني
لابعتني برخيص ماوالله أشريك= لو أن مابه غيرك أنت بزماني
عهدٍ عليه لو يجيبون طاريك= ماتتجه يم الضلوع المحاني
وعهدٍ عليه لو تذكرت ماضيك = ماني بقابل دعوته لو دعاني
وعهدٍ عليه يوم أشوفك وألاقيك = صدفه لقول أحوووول من وين جاني
ماعاد أطيقك عقب ياكثر ماغليك= سبحان من غير غلاك بثواني