السلام عليكم ورحمة الله وبركاته
طبعا بقولكم على رحله بريه بحريه
نبدأ
هذي الرحله صارت في رمضان الي راح يعني قبل كم شهر ---- المهم
ولد خالي عنده لنكون تاون كار بيروح يفحصه في الفحص الدوري لسيارات وكان الموعد الساعه 9 الصباح وكنا جالسين في المنزل على لعب كوتشينه في الليل وقال لي ولولد عمه تروحوا معاي الفحص قلنا متى قال الصباح قلنا خلاص
وتجي الساعه 9 الصباح وحنى عند باب الفحص كنا ننتظر دورنا وقال ولد خالي وش رايكم نروح ضباء
لا انتهينا (يعني هبقه ) انا قلت ياليت بس نعسانين من امس مواصلين ونفس الشي ولد خالي والاثنين هم عيال خالي بس هذا من خال وهذا من خال وهم عيال عم المهم فقال كلها ساعه ونوصل وننام على البحر قمنا نطالع في بعض وقلنا سرينا ضباء ماعندك مشكلة مافيه نص ساعه وانتهينا من الفحص و رحنا البيت كل واحد اخذ اغراضه وفي السيارة على طول ووينك يا ضباء طبعا ما رحنا باللنكون رحنا بكابرس طلعنا من تبوك 11 ووصلنا 12 وربع
طبعا يدي على قلبي ماشيين 220 240 حتى طريق الخريطه جالس اتشهد فيه المهم اول ما وصلنا ضباء اتصلنا على باقي الشباب وقلنالهم حنا في ضباء ونمنا والجوالات كلها على الصامت طبعا ما صحينا الى على الساعه 9 الليل يدوب نبي نروح نفطر الى الجوال يدق
انا :الو
ولد عمي المتصل
هو : كيفك
انا : تمام
هو : باقي في ضباء
انا : اكيد والجو الحلو والبحر والقمر وتبينا نرجع تبوك
هو : ربع ساعه وتعالوا النقل انا جيتكم
انا : طيب
هو : مع السلامه
انا : مع السلامه
طوط طوط طوط طوط
ربع ساعه ورحنا النقل وجبناه ورحنا افطرنا
مافيه ساعه ولد خالي وولد عمه جاء بسيارتهم يعني صار عددنا 6 اشخاص
وشبينا النار وعلى سواليف ونكت ولعب المهم انا قفلت اخلاقي مافيه فصفص وانا اذا مافيه فصفص اتضايق ورحنا سور ماركت وشرينا فصفص وببسي وعصير وجلكسي ممكن السوبر ماركت كله شريناه
والمواقف الطريفه الي صارت ان دورة المياه الي بالشاليه خربان الباب وغير كذا راح ولد خالي ينام ويطلع له قط من تحت السرير وقلبه صار عند رجوله المهم نام طبعا على الساعه 3 الفجر شرينا دجاج ورز وسوينا سليق وتسحرناه المهم جت الساعه 8 الصباح واحد من الشباب سوى شاي وشرب الكل يطالع فيه ليه ماصمت قال احنا مسافرين ويجوز اننا نفطر والكل يطالع في بعض وكان في كاسة شاي وحدة والكل يمسكها يبي يشرب الشاي وهذا يظرب بهذا وهذا يظرب هذا وفي النهايه افطرنا كلنا
المهم نمنا يوم فيها طبعا كان يوم الخميس مشينا الظهرباقي ماطلعنا من ضباء غيرنا راينا ورحنا من ضباء دايركت على شرما وجلسنا فيها الى الجمعه وسبحنا فيها بس البرد ذبحنا بس
كان بدايت البرد المهم جت المغربيه ومسكنا خط تبوك
كانت من اروع الايام