اللي زعل منك يا عيني تناسيه
يحرم عليك مشاهده وإلتفاتــــــه
ما كان يدري بإن رمشك بكى فيه
وإنك غسلتي في دموعك عباته
خليه..يمكن هالليـــــــالي تربيـــه
إلين يدري ذخر الأيام ..فاتــــه
وإن كان زدتيني عتاب ومشاريه
قلبي شكالي فالسهر تضحيــــاته
ياما وقف قلبي ثواني وانا آتيه
مرتاع يحسب رجعته من صلاته
ياما ضرب صدري من النبض يا هيه؟
وين الحبيب اللي تباها بصفاتــــه!
وين الغيور اللي من الناس يكفيه
بإني وطن يحوي مداه وشتـــــــاته!
ياما وياما عيني السود يبـــــــــكيـه
قبلك فؤاد ٍ ما استمعتي شكــــاتــه
إنسيه ..يمكن هالليالي تربيـــــــــه
إلين يدري منين البيض فـــــــــاته
يا عيني الله ما رضاها تواليــــــــه...
ظلــم‘ وقطيــعه‘ والوجع في لقــاته
وإما المحبــه‘ والغـــلا‘ والمشاريــه
.....مما يـــُعد اليوم في ذكريــــــــاته