(قـــــولي انا مابـــــيك)
لاتخلقين اعذار من دون برهان
قولي انا مابيك وخلي وشاتي
طعنتي قلبي فوق طعنات الازمان
ماهي جديده طعنك ياغناتي
قبلك عذاب الوقت فصلي اكفان
جيتي وجهزتي اللحد في حياتي
ماهي غريبه دمعتي فوق الاوجان
بس الغريبه ضحكتي في شفاتي
يابنت انا وهمي رفاقى واخوان
واحيان القى في قساته طراتي
وان مربي وقت ومن عقبها لان
جاء من يجدد فوق جرحي عناتي
ما والله اجزع دامني طير حوران
وليا عطيت اعطي ولا اقول هاتي
ماقول انا كامل ولافي نقصان
بس الوفاء يابنت اصغر سماتي
واليوم كان فراقنا عندكم هان
قبل الوداع اكتب بدمي وصاتي
كلمة (احبك)لاتقوليها لانسان
الا اذا صرتي كما كان ذاتي
روحي على فالك وتلقين خلان
لكن قليل اللي يسوي سواتي
...............
ما والله اجزع دامني طير حوران
وليا عطيت اعطي ولا اقول هاتي
ماقول انا كامل ولافي نقصان
بس الوفاء يابنت اصغر سماتي
بدآيـه .. حيّ الله الضيـف وإبـدآعـه ..
مـلك ..,.,’.. عـزالله إنـك أسم على مسمـى .. وربي يعجـز الوصـف عن وصـف عـذب أبيـآتك .. صـح لسـآنك مليـون ولآآ يكفـون .. شـآمخه تستحـق التثبيـت ليعـبر عـن مدى روعتـهآ .. بوح لن نمـل متـآبعتـه .. بشـوق لأخرى بتميـز تـلك .. فـلآآ تطـيل ..