اقتباس المشاركة الأصلية كتبت بواسطة الشاكـــي هلا وغلا فيك اختي دمعة طفل اشكرك على طرحك الجميل والمشوق اسئلة محيره لانها تعتمد على نوعية الشخص والانسان نفسه لكن بصفه عامه اقدر اقول ان المرأه تخلص للرجل اكثر لان الرجل يتأثر بكلام الاهل والاقارب فيروح ويتزوج. بالنسبة لزواج احد الطرفين بعد لاقدر الله وفاة احدهما فهذا حق مشروع وبدل الانحراف لاقدر الله هو الزواج على سنة الله ورسولة اما سؤالك الاخير فانا باقولك حاجه الحب اخلاص ماهو هوس يعني الحب المخلص يكون بالصدق والصراحه والتعامل بكل ادب ورقي وتفهم حاجات الاخر بكل معانيها لكن مايوصل لحد الهوس الزائد عن حده والي ممكن يأثر على حياة احدهم حتى لو توفى الاخر يعني يقعد على ذكراها الين ما يموت ويمكن تصير فيه حالات نفسيه وامراض فلذلك الحب هو ذو نكهه مميزه تكمن في اعتداله وعقلانيته تقبلي مروري تحياتي هلا والله بأخي الشاكي يسعدني تواجدك في صفحاتي ومشكوووور اخوي على رأيك وأحترمه ولكن صدقني هناك البعض تتوفى زوجته من هنا وما يصرلها شهرين او ثلاث الا واتزوج بأخرى اذكرلك قصة واعطيني رايك فيها لوحده .. تزوجت واحد وهي صغيره .. وجلست معاه تقريباً 6 سنوات .. ماكتب لهم ربي اطفال في هـ الفتره .. وكانوا اهلها مره مره يزنون عليها انو يطلقها وتشوف حياتها .. " بحكم ان العيب منه " .. هي رفضت ! وسدّت اذانها عن كلام اهلها وعاشت مع زوجها اللي [ تحبه ] ..!! بعد فتره .. سمعت انو زوجها اللي [ تحبه ] خطب وحده .. كلمته بالموضوع وطلبت منه يطلقها .. طبعاً هو رفض ! وانه مازال يحبها ومن هـ الكلام ! لكن هي اصرّت على موقفها .. تزوج الرجال .. وسعى في العلاج ..! مع انه يوم كانت هي على ذمته ماحرص ابداً على العلاج .. بعد فتره من زواجه .. جاها خبر ان زوجته حامل .. بعدين الزوجه جابت ولد .. مادري كيف اقولك هي كيف تحطمت ! ولا اعرف كيف اقولك قد ايش هي تغيرت .. ! شخصيتها اللي كانت ماينملّ من جلستها .. صارت شي ثاني مره ..! للحين ماتزوجت .. لانها [ تحبه ] وللحين فيه شي له بالقلب ..! حاول يرجعها بس رفضت .. ! انا صراحه ما ألومها أبداً .. يرجعها بعد ايش ؟ بعد ماجرحها ! بعد ماحطّم كل شي جواتها ! بعد ماجاه الولد من غيرها وهي كانت ساكته وصابره وساده اذانها عن كلام اهلها وكلام الناس ! يعني الحب والوفاء في هذا الزمن صراحة قليل ونادر جدا ً ولك مني جزيل الشكر دمت بود