ايه افتخر لــــقالوا الناس عــــــــــانس
....................................وأفرح اذا ما جزت للخاطب ظلال
أضحك وأنا اسمع سيرتي فالمجالس
....................................وأعرف عيون الناس ماترحم الحال
حالي مثل منهو على الباب حارس
...................................يحفظ كنـــــــــوز ماتقدر بالأموال
صعبه يجي انسان ماهو بفارس
..................................ياخذ بنيه ينضرب فيها الأمـــــــثال
ولا يجي طايش وجاهل مدارس
.................................أكبر طموحه خط بيجير وجــــــوال
صدره من أمراض الدخاخين تارس
...............................زود على التباك منحط الآمــــــــــال
ولا يدور براسه اليوم هاجس
...............................يبدا يغني كل هاجس ومــــــــــــوال
النفس في خشمه ودايم يعامس
...............................يقول أنا لي شارب وألبس عقــــــال
خبرني كيف أحيا مع أنسان لاقس
.............................وشلون أجاري لعبة أنسان دجــــــال
هذا كلام بصوت كل العوانس
...........................خذها شموخ وعز مع روقه البــــــــال
ايه أفتخر لي قالوا الناس عانس
..........................مادام ماهو من تقدم برجـــــــــــــــــال