.
.
.
.
السلام عليكم ...
بداية احب ان اعتذر عن غيابي عنكم خلال الفتره الماضيه ... وذلك لظروف خارجه عن ارادتي ...
و ها انا اعود بهذه القصيده التي اتمنى ان تتقبلوها كما هي ...
.
.
.
.
.
ادري رحلتي غصْب ماكان برضاك=وادري رحيلك للأبد يا حنيني
وادري خفوقي انذبح يوم فرقاك=وادري عذابي وقتها يحتريني
من يوم غبتي والليالي برجواك=مامرّ ليلٍ مارجيتك تجيني
يروح ليلي في تمنّي ملاقاك=واصبح لحالي ضايعٍٍ ٍ في ونيني
وما مرّ صبحٍ ٍ دون شهقه لطرياك=يزفها جيشٍ ٍ من دموع عيني
ان قلت ابنسى كلّ مابي تمنّاك=وشلون ابنسى وهاجسك محتويني
وان قلت ابرقد هزني صوت ذكراك=وهاك الليالي يومَنا ملتقيني
وان قلت ابسهر لاعني طيفك هناك=قدام عيني يلهب الشوق فيني
وينك بربّك وش حياتي بليّاك=وش فودها دونك بقايا سنيني
هذا قصيدي بعالي الصوت ينعاك=والبعد كافر قاسيٍ ٍ مايليني
................
..............
.........
وسلامتكم ...