جــرب إذا تقوى الخيانة و خني
والله لا تعّرف أصــول الخيانه
لا تقترب في لعبة الغـدر مني
ما عاد تشفع لك جنون الميانه
لا يخدعك من لهفــة الحب إني
هادي و قلبي مغرقك في حنانه
اغلط و تعرف وش مصير التجني
كانك تبي تشرب كؤوس الاهانه
لو كـان زينك عن عيوبك فتني
السالفه تجرح ضمير الرزانه
مابيك في ليل العتب تمتحني
خلاص مالك في عيوني مكانه
ترى جـروح الثار فيني تغني
و مثلك يموت و موتته من لسانه