[هـ الدمعه ـزتني]

ياللي عرفتي قصتي .. ياللي سمعتي ونتي
= ياللي قريتي دمعتي .. تـنساب من بين السطور
لاتكشفي سر لحد .. مثلي تريني للأبد
= مايمكن اخبر أي احد .. والله.. يابــدر البدور
صحيح قد قال المثل .. السر له قلب البطل
= والحر.. وانتي لاجدل .. والسر قـبره فـالصدور
حكيت لك كل الكلام .. وانتي حكيتي بالتمام
= وهكذا طبع الكرام .. يتـبـادلوا نفس الشعور
فتحت لك قلبي لأن .. مثلك على مر الزمن
= ماشـافت اعياني ولن .. يوجد شبيهك فالدهور
انتي بشر غير البشر .. كلك درر غير الدرر
= انتي عيوني والنظر .. وانتي سنيني والشهور
تصدقي عشق الشموخ .. ورفض قلبك للرضوخ
= ذكرني امجاد الشيوخ .. وانا اعشق المجد الوقور
شفتك تجي متبختره .. لكن اسف متأخره
= والله لــو لي بــاخـــره .. لاشق من اجلك بـحــور
لوكان لي ملك الثرى .. باقول عوّد للورا..
= يادهر.. وانسى ماجرى .. وامسح تواريخ العصور
وكان قربت اليمن .. لاجنب دارك والسكن
= واقــول للعصفور غن .. وأتردد اللحن الطيور
يابنت .. ياغير البنات .. من وين هالاخلاق جات
= و هـالنـبـاله والصفات .. اللي طغت فوق البخور
ياورد خجلت الورود .. ياعطر ياكادي وعود
= ياحضن دافي .. ياصمود .. ياسور دونه أي سور
ياحصن متحصن منيع .. مايقربه شخص ٍ وضيع
= يافل.. ياورد الربيع .. ياالجندي الشهم الصبور
راح اظلمك واستسمحك .. لوقلت ودي بشرحك
= لو اجـمعك جيـت اطرحك.. وانهار ميزان الكــسور
لذا انا ريد اعتذر .. مادام انا مش مقتدر
= باقول لك جف الحبر!! .. والعذر من كل القصور
العذر اجمل من كذب .. مهما كتبته ينشطب
= يدي وعيني والهدب .. ماترتضي بعض الامور
تدري انا حر اجودي .. وجبت قلبي في يدي
= لجلك بساطي احمدي .. يانبع فرحي والسرور
اهم شي سري يكون .. مابين رمشك والجفون
= والأفضل الصدر الحنون .. خليه في صدرك يغور
واحنا على مر السنين .. نبقى.. ويكتبنا الحنين
= وحب طاهر مايلين .. لنه من الحب الطهور
حب الشقيقه للشقيق .. روحين تسقى من رحيق
= لو تحرق الدنيا حريق .. بانلتقي وسط القبور

هذي القصيدة كنت ناوي اسوي مثلها
ولكن سبقني هذا الشاعر وقالها فالله يعطيه الف عافية