السلام عليكم ..
انا قريت الموضوع وبعض الردود .. لأنها كثيرة وطويلة ماكملتها
بس اللي لاحظته سؤال يقول اذا جاك قبيلي فاسد وآخر صالح مين تزوج بنتك أو اختك ..
لو صار شي كذا انا ماني مجبر أزوجها واحد منهم ..
صحيح هالشي يضايقني .. بس وش نسوي .. مانقدر نغيره .. كنت قبل لما افكر بيني وبين نفسي
أقول ليه مافيه ناس تبدا بنفسها .. بس هالشي يكون صعب
لأني سمعت عن قطاعه صارت بين العوايل .. وقبيله تبرت من عايلة .. بسبة أشياء زي كذا
وبصراحة .. درء المفاسد مقدم على جلب المصالح
يعني اذا جا رجال مو من الي نتزوج منهم ونزوجهم حتى لو كان كفء.. عندي أهون اني أرده من ان تصير قطاعه ومشاكل في العايلة ..
وغير كذا فيه تفرقه في المجتمع السعودي .. أهل هالمنطقه ماياخذون من هذيك لأنهم متعصبين
وهذوليك ما ياخذون من هذولي لأنهم يعتبرونهم متخلفين .. والا يعتبرونهم مو سعوديين حتى
مادري ليه مركزين على هذي القضية بالذات مع انه في غيرها