؛
؛
أنا والشوق والحيره ونبض ٍ داخلي يقتات
على حلم ٍ تمنيّته بعمري تزهر وروده
وشحّت دنيتي وامسى توالي مدّها بفتات
وانا متشّفق المدّه / وعيني ترقب لجوده
مُنايا والغلا أصبح شعوب ٍ داخلي واموات
تحرّا نفخة ٍ منّك / تردّ الروح لوجوده
مُنايا كان تسمعني / أنا كليّ فدا اصوات
أدوّر وجهته وينه / ولكن طال مردوده
ترى ما غربل اشواقي / وعرّا بداخلي هالذات
سوى رغباتي وصَدّ ٍ / معاها نحفر اخدوده
هذاك اللي ذبح قلبي / وعلّم خافقي بسكات
بأن الحظ ّ ما داعب جنابي وارتحل فوده
على ذكرى أنا ب ابني / بقايا رحلتي بإنصات
لحزن نوتته تعزف / بقايا آمال منشوده
عزفها حظي العاثر / وأتقنها / وانا بلحظات
فقدت انسان لو أوصف غلاه آضيع بشهوده
كثير ٍ داخلي يشهد / وتكفي نظرتي آيات
قراها من قرى وادري / محال ٍ أخفي حدوده
لأني واضح ٍ وأدري وضوحي شاهد الأثبات
عذولي لو بغا يحكم معاه اوراق مسنوده
شتاتي /ضيعتي/ غبني/وحزن ٍ أكتسى النبرات
وصدق ٍ أصبح التهمه وكلّ ٍ جاب منقوده
ملامح ضيعة العاشق / تبان بآخر اللحظات
تموت آماااال وبموته / حياة الياس أنشوده
ضريح الحب ّ أقري به / دلايل ما بها منّات
تلاقي فيه من ذاتك / لوَ الاشواق موئوده
كفاني تذكري مرّه / بأنه داخلي ما بات
شعور الود ّ لعيونك / لوَ الآماااال محدوده
وكفاني تذكري مرّه / بأنه دنيتي ما جات
على شيّ ٍ تمنيّته / ولكن ضاع مجهوده
وكفاني تذكري مرّه / بأنه دنيتك لذّااات
وانا دنياي من هميّ / جنيت اليوم محصوده
وكفاني تذكري مرّه / بأنه بآآآآخر اللحظات
نطقتك أسم والعالم / تغرّب منهو مقصوده
وكفاني تذكري مرّه / بأنه صحت لك مرّات
وصوتي راح واصداءه جفاف ٍ منك وبروده
وكفاني تذكري مرّه / بأنه تذكرك أبيات
كتبها شاعر ٍ وأصبح / مئاااله قبره ودوده
أمانه وان قرت عينك حروفي إخذلي العبرات
وتعالي وأمطري قبر ٍ يبيّح لجلك سدوده
بينبت لحظته ورد ٍ / أمانه وأمعني النظرات
تلاقي كلمة ( أحبّك ) بلون الورد موجوده
؛
؛
: