صاحبي وان ضاق صدرك تراها ماتضيق
خل نظراتك لقدام قدرالمستطاع
واخترالاصحاب لاهنت من قبل الطريق
ومن مشا من دون الاشوار يامشكاي ضاع
خذكلام اللي حمل حمل فوق اللي يطيق
يوم عيا لايطيعه زمانه غصب طاع
كانت احلامي كبيره واناعودي دقيق
كانت الافكاربالبال له حرب وصراع
كنت ادوربا لممرات لي قلب شفيق
بين شد وجذب والروح مع وقته نزاع
كانت الامال بالعين له ضووبريق
كانت الهقوات هقوات زيزوم وشجاع
لين وداني زماني علي الدرب العتيق
يومها وقتي جفاني بلاذنب وباع
بين ميلات الليالي و طعنات الرفيق
شلت حلمي بين الاضلاع واعلنت الوداع
تجربه والنيم بالليل لوطول يفيق
دام يقفي ظلمة الليل يالصاحب شعاع
صاحبي وان ضاق صدرك تراها ماتضيق
خل نظراتك لقدام قدر المستطاع