منتديات الـــود - أتعبني الصمت ... ):

منتديات الـــود (http://vb.al-wed.com/index.php)

- همس القوافي (http://vb.al-wed.com/forumdisplay.php?f=11)

- - أتعبني الصمت ... ): (http://vb.al-wed.com/showthread.php?t=314108)

أتعبني الصمت ... ):

اتعبني الصمت و رحل من هاجسي حلو الكلام
... مثل الغريق اللي عجز صوته ينادي من معه

عشرين عام وقافلة عمري يساندها الحطام
... احترت في وصف الشعور وضعت وسط المعمعه

مليت ابرر و اقنع الحاضر بمستقبل سلام
... كرهت من قال الزمن لو ما يطيعك اتبعه

حنيت لأيام الصبا يوم الصغيّر ما يلام
... اللي على باله حلال واللي شغل باله سعه

ندمت يوم اني كبرت وصرت في الصف الامام
... لو ضاق صدري ينحشر وسط المحاجر مدمعه

سلمت نفسي للخيال ومثلت دور الانفصام
... و أنا صغير بثوب شيخ / وشلت هم الاربعه

نظرة ابوي اني رجل يعتزبه وسط الزحام
... وامي وخاطرها أكون صورة لأبوها وارجعه

و إن جيت لأخواني أمل فيني على اية مقام
... في وقت شح المجتمع وانا عليّ استجمعه

واللي عشقت وخاطري يسمع عن الرجل الهمام
... حتى ولو تلميع صيت بوقت تهوا تسمعه

بس المهم اني مهم هذا طموحي والسلام
... وخسرت عفوية حياتي يوم حلمي ارفعه

بقلم : محمد آل وافي الشهري

صح لسانك يا محمد ننتظر جديدك

~. محمد آل وافي .~
صح اللسانك واعتلى شانك ولاهنت
يعطيك آلف عآفية على آلطرح
آلآكثر من رآئع
لآ تحرمنآ جديدك آلمميز
تقبل مروري
شمس القوايل ..~

رآئعـــــــــــــة وأكثر
صح لسانك ملايييييييين وعلاشانك لاهنت على الحظور الطيب والمميز
ودي وتقديري

اقتباس:

المشاركة الأصلية كتبت بواسطة صدق النوايا (المشاركة 5578182)

صح لسانك يا محمد ننتظر جديدك

صح بدنك اخوي
أشكر مرورك

اقتباس:

المشاركة الأصلية كتبت بواسطة شمس القوايل (المشاركة 5578271)

صحت روحك شمس
لا خلا ولا عدم
أشكر مرورك

اقتباس:

المشاركة الأصلية كتبت بواسطة qűєєήяō๓ŋś❀ (المشاركة 5578400)

رآئعـــــــــــــة وأكثر
صح لسانك ملايييييييين وعلاشانك لاهنت على الحظور الطيب والمميز
ودي وتقديري

صح نبضك ملكة
والاروع تواجدك
لاعدمتك