احتريت وقلت صبرك واحتريت = وفودي امن الصبر كيات الضلوع
ليتني يا اعذب غرامي ما هقيت = كيف اشوف الوصل بعيون القطوع

يسوقني فكري على رسم الاطلال =اشوف باقي العشق والعين تبكيه
ويجر صدري حول عشرين موال= ونين حسره كل ضلع (ن) يغنيه
ذواري الضيقه من الجال للجال = تدفن زهر حلمي بروحي وتخفيه
لاهل دمع الحزن بالوجنه وسال= كف الصبر لو يمسحه ما يواسيه
ياحالي اللي ما بقا منه لي حال = اهجوس تقبل به ولاخرى توديه
صار الامل مابين هم (ن) وغربال =بعير حظي عاثرات (ن) خطاويه
الحلم حمله يم ما نكرهه مال = عييت حقايق واقعي لاتقديه
اثر الاماني والنوايا والامال= صرح (ن) يهده واحد (ن) ما تعب فيه
واثر النبات ان مالقي في وظلال = ضره سموم القيظ والشمس تكويه
يموت لو ساقه على القاع قد طال = واليا ذبل ماله سوى الرب يحييه
لاهنت يلي تطعن الجوف بسلال = عاشقك بجروح الموده تجازيه
وانت الذي بالقلب تامر وتختال = تصد فجاءه دون وشلون او ليه
خليت بدر الحب بصدودك هلال = بكاه ليل (ن) كان نوره يضويه
عيشتني تايه بالاوهام رحال = الهم لاحاني وصدري يلاحيه
اسأل وش اللي صار واعيد الاقوال = اجلس معا حالي واهوجس واحاكيه
مانيب خابر زلتي ضمن الافعال = ويقول يمكن زلتك يوم تغليه
واقطع حبال الفكر والهجس فالحال = الاحساس حنك من يدين المشاريه
تعال ياخلي ترى القدر لازال= ان كان ودك فالمعاليق تنهيه
شف من حفظ ودك بلا شوف ووصال = وشف من خفوقك لو تكدر يحاتيه
واذكر وفاء من راس صادق ورجال = من تل قلبه لك من اقصى عراويه
يوم ان بني جنسك من يمين وشمال = هذاك يضحك له وهذا يناديه
عامين لعهود المحبين شيال= ماضاع منها شي لو ما تلاقيه
واليوم وش حصل سوى ضيقة البال =يبيك تكحل شوق عينه ! فتعميه ؟
ما كنت احسبك للطموحات تغتال = ياحسرت الخافق على اللي معنيه
صحيح بعدك جرح والجرح قتال = لكن نويت اترك غرامك واخليه
واطيافك اللي بين الاقفا والاقبال = لعلها لااشتاق قلبي تسليه
ماهوب شفي جيتي يم الاطلال = لحنت موال المفارق ؟ بغنيه

لحنّت موآل المفارق بغنّيه

ماقصرت يالسنحاني قاف لايتملكه سواك
صح لسانك ملاييييييييييييين وعلا شانك لاهنت على الحظور الطيب والمميز

ودي وتقديري

/





خآآآآآآآآلِدَ ,,


و شآمخُ كـ أنتَ
نصّ رآقِيِ ’ آعجبنِي كثيراً


صحّ نبضُك / حسّك