منتديات الـــود - اشياء تقهر

شي يقهر/~

لما تجي مدرعم تبي تضم خويك بعد غيبه
ولما تقرب منه يمد يده وكانه يقول بطلنا هالحركات
تحس ودك تمسكه وتضربه الين يوقف قلبه ثم تروح وتخليه

شي يقهر/~

لما تجلس واحد يسولف بكلام مو مفهوم وانت مره فاهي
تقول له بغباء ترى مافهمت يقولك على فكره انا اهرج عربي
لا حبيبي انا حدي انقلش وش عرفني بلهجتك ياغبي

شي يقهر/~

لما تسوي حركات بريئه وتضحك وتتفلسف على نفسك
يجيك واحد ماله داعي بالحياه ويقولك{راحو الطيبين}
شايف على جبهتي مكتوب[ملعون]؟
وكانه هو الوحيد الطيب والي جا بزمن الطيبين<<الضرب فيهم قليل

شي يقهر/~

لما تمدح واحد وتمدحه وتمدحه الين تاصل رقبته السحب
ويسكتك بكل غرور بقوله|اصلا ادري|
وقتها تحس ودك تقتلله وتنتحر عشان مدحته
وتقوم تسلك لعمرك وتسحب كل كلامك من الفشيله

شي يقهر/~

لما تكتب موضوع وتحس انك مسوي انجاز
وتجيك الردود [يسلمو]او[يعطيك العافيه]
الله يسلمني ويعافيني ويخليني بس قولو رد يشرح الصدر