منتديات الـــود - لآجيتي لأهلي تعزين .. لا تنزل دموعك لي طلبتك لا تبكيني

تذكر يوم أقولك جسد يحتوي روحين ~
. وأوعدك ما أخليك وتوعد ما تخليني ~
.. أذكر يومها أشوف بالدنيا بس اثنـين ~
.. قلبي اللي يحبك وقلبك اللي يحويني ~
بعدها بأيام شفت ايدك تحتضن ايدين ~
.. وانصدمت يوم شفت إنها غير ايديني ~
.. سكت لجل خاطرك وقلت مرحبا بالزين ~
.. مرحبا باللي القلب لجلـه حيل كاويني ~
مر يوم واسبوع وشهر وبعدها شهرين ~
.. وهو لازال مايدري بإني شفته بعيني ~http://www.wilah.com/vb/images/smili...0%28284%29.gif
وأخاف إني أقوله له خاين وينجرح بعدين ~
.. وأخاف أسكت وبسكوتي صمتي حيل يشقيني~
. واجهته وأنا أبكي والعين تحتضن العين ~
.. سألته : ليه تنسـاني ؟ وإلا ماكنت تغليني ؟؟
سكت ولفّ عني وخبى وجهه بالإيدين ~
.. اللي كانت تحضني وغيرها ما تدفيني
سحبت وجهه و مسحت الدمع على الخدين ~
.. وقلت له والله أحبك ولو إنك تخليني
.. سكت فتره وقال لي : لازلتي تحبين ؟؟ http://www.wilah.com/vb/images/smili...0%28284%29.gif
بعد اللي تشوفينه لا زلتي تحبيني ؟؟
.. ابتسمت وقلت أجل ماعرفت للحين ~
إني أحبك حيل واللي يرضيك يرضيني ~
.. سكت فتره وأنا أعاود فرحة بقت لسنين~
.. وتركته وتركت حبه اللي بقى فيني ~
.. وصارت الدمعـة إذا هلّت أقول أهلين ~
.. والبسمة هجرتني ونست دربها فيني ~
.. بعدها بـأيام سمعت خبر والله شين ~
سمعت إنه مآآآآآت وهو يطلب يلاقيني~ http://www.wilah.com/vb/images/smili...0%28284%29.gif
.. ويوم إني رحت .. وصيته لي بورقتين ~
.. الأولى بها اسمي كتب بدمه { يغليني } ~
.. والثانيه يقول فيها: أبي أوضحلك شيئين ~
.. الأول أحبك حيل وماسكن غيرك شراييني ~
.. والثاني أمانه لا جيتي لأهلي تعزيّن ~
. لا تنزل دموعك لي طلبتك لاتَبْكِينِي ~
.. كل اللي أبيه إنك بالخير لي تدعين ~
وإنك بالشهر مره بقبري تزوريني ~
.. واللي أبيك تعرفيه ومهم إنك تعرفين ~
.. اللي شفتيها معي كانت بموتي تبشّرني ~
.. انا اللي خليتك من كيفي عني تبعدين ~
لجل ما ينجرح قلبك بلحظة موت تحويني ~
.. تكفيـــن لا تظنين إني خنتك ياالغلا تكفيــن ~
.. وإذا لازلتي تحبيني دايم بـالخير ذكريني ~
.. سكت وقلت : ياليتني ظليت معك يازين ~
وشفت الموت ياخذك مني ولاكذا تخليني ~
.. تظنون إني نسيت أو الدمع جف بالعين ؟
. لا والله إلين اليوم وهو معي يخاويني ~
.. لو تدور الدنيـا ولو تمر بعدها سنين ~
.. ما نسيته لو أشوف أحفـااادي حواليني~

http://www.wilah.com/vb/images/smili...0%28284%29.gif