قصه غرامي
 

[moveup] قصه غرامي [/moveup]

كفكفي دمعات عينك وامسحيها يالهنوف **** وامسحي لي بالموادع واختمي كل الكلام
مابقي من حبنا غير منديل وظروف **** والرسايل يوم كانت تحمل حروف الغرام
مابقى لك في خفوقي لا خيال ولا طيوف **** ولا بقى لك غير غدر بالعهود وبالوئام
ماوفيتي لي بحبك يوم واجهت الصفوف **** وانثنيتي وانسحبتي لحظة اشتد الزحام
ماذكرتي حب قلبي وماحفظتي لي معروف **** وماذكرتي كيف قلبي ذاب في حبك وهام
مارحمتي خافقي .. وبعتي القلب الرهوف **** واصبحت كل الحقيقه .. كذبه وصارت غرام
كان قلبي غير قلبك في حياته مايشوف **** وكنتِ الحلم الوحيد اللي بنيته واستقام
لكن انك صرتي اللي يهدم الحلم بسيوف **** واصبحت قصه غرامي نزوه .. وحبي حرام
ليت يوم اني عرفتك مامشت معي الظروف **** وليت حظي ما أبتسم لي .. واعلن القلب انهزام
كل حبِ عقب حبك عافته نفس العيوف **** لان مافي الخلق وحده تستحق الاحترام
كلهن نفس النمونه وكلهن مثل الحروف **** شكلها متخالفه .. بس في الآخر كلام
كفكفي دمعات عينك .. ماعلى حبك حسوف **** ولا ندم في فراق خلِ .. قطع حبال الغرام

وسلامتكم

صح لسانك .....
 

صح لسانك دلووووع وتسلم يمينك على هالقصيده الدلع والروووعه والجنان .

الله يعطيك الف عافيه وننتظر منك الجديد الجديد وبالتوفيق .

اشكرك اخوي خلوووودي
 

اشكرك اخوي خلووودي على هذا التعليق وانا والله ممتن لكم بكل الشكر والتقدير انكم اعطيتوني الفرصه اني اقدم لكم بعض الشئ والله يعيني على تقديم الافضل انشاء الله ولك اخوي خلوووودي كل التقدير والاحترام

اخوك دلووع