|
((( عيون الليل )))
اعزائي رواد هذا الصرخ الشامخ / زوار ومنتسبين صباحكم / مساءكم نور ومسرات واسعد الله جميع اوقاتكم بما يسركم ,,,, اتمنى ان ترتقي هذه المتواضعه ولو الى القليل من ذائقتكم المتميزه ((( عيون الليل )))
الليل ماله يأريش العين نظرات=ان كان خوفك نظرة الليل عادي لاصار مابيني وبينك مسافات=وانت الدوا للقلب وانت مرادي قربك يرد الروح ويعيد مافات=ومنك النظر يشفي عليل الفؤادي خلك معي ناخذ من العمر لحظات=ونرسم على وجه الثرى بالايادي نكتب حروف الحب وتمون نظرات=روحٍ تعانق روح في جو هادي واسمعك لا قلت سمعني ابيات=ابيات شعرٍ لاجل عينك جدادي ووصف جمالك في جميع العبارات=لانك شبيه البدر والغير عادي شوف البدر خجلان من خلف غيمات=راح وتخفى واكتساه السوادي كل الدروب اللي تودي متاهات=ماينمشي دربٍ وصف بالبعادي دربي انا لو طال معك انت بالذات=يحرم علي لامشيه لو كنت غادي وسلامتكم /فهد الفريدي |
اقتباس:
((( يحرم علي لامشيه لو كنت غادي ))) رائع اخي الحبيب طِع شوري شرف لي ان اكون اول من يعلّق على رائعتك قصيدة قمة في الروعة والأداء المتميّز لن أطيل في الثناء على القصيدة فهي اكثر بكثير مما سأقول وأعبّر به في بضع كلمات ولكن إسمح لأخيك المحب لك ان يجاريك في رأئعتك بماتجود به نفسه من كلمات متواضعة امام قامة شعرية رفيعة مثل شخصكم الكريم لعلي استفيد مما تجود به قريحتك ((( مطبات ))) ياصاحبي درب الهوى فيه ميلات=إحذر مسيل الحِب والدرب وادي درب وعلى ماقيل فيه المطبات=منهو مشاه ويهتني بالرقادي؟ كم مرة ٍ فالحِبِ زرت المحطات=مايوم قلت إن الهوى فيه زادي أمشي وانا اللي صد فالحب هفوات=لا شدّني صوت الهوى والمنادي أدري صحيح الحِبِ والشوق نشوات=ورده يفوح وريحة الحِبِ كادي وأيامنا فالحِبِ بالعَدِ ساعات=لحظه! ويبقى في هواك الجهادي هم وجروح وتقضي الليل آهات=وأدنا كلام ٍ يجْر ِحِك من معادي فيه الكلام يجيك والقول صيدات=ناس ٍ تِحَرّج والجروح ( إف ) مزادي تدري حلات الحِبِ لازرت مرات=مشي وخفيف ودون عشق ومبادي عيش الغرام وحِب كل البنيات=من حَب ريم يحب معها سعاد ِ ((( مشي وخفيف ودون عشق ومبادي ))) |
|
اقتباس:
صح الساانك ولا هنت وااافيه من راااس وااافي .. لا عدمتك .. وشهادتي فيك مجرووحه . تقبل تحيّتي وتواضع مروري . دمت بحفظ الله ‘‘ |
قصيدة جميلة جدا
فيها احساس ومشاعر داخلية فيها عذوبة شعرية منفردة اللة عليك كم اتحفتنا في ابياتك تحياتي لك |
صح لسااااااانك مليوووون
قصيدهـ قمهـ في الروعهـ ..مشاعر شفافهـ ورومنسيهـ صااادقهـ.. لحروفك رونق خااص لايجيد كتابتهـ غير(طع شوري) ولكلماتك أحساس لايستطيع سرد إيقاعهـ غير (فهد الفريدي) تسلم يمينك ..تقبل تواضع مروري.. |
اقتباس:
|
اخوي طع شوري شهادتي في قصائدك مجرورحه
فالكلام هنا عنها يطول لهامذاق ورونق خاص للقارئ فكل مااستطيع قوله سلم احساسك الجميل في القصيده وسلمت اناملك وكذلك الشكرلاخوي نايف على مجاراته الرائعه للقصيدتك ابدعتما اخوي طع شوري تقبل مروري اللمتواضع |
الله عليك أخوي قصيدة هادئه
وتصل للقلوب بسلاسة سبقوني إخواني بالإشادة بها وهي تستحق وأنت كذلك تقبل مني أصدق الود |
الشاعر / فهد الفريدي صـــح لســانك ... والله لايغير عليك... خالص ودي وتقديري دمت بحفظ واحد احد.... |
| الساعة الآن 03:40 PM. |
